ព្រះវិហារៈ ហេតុការគ្រោះថ្នាក់ចរាចរណ៍ មួយបានកើតឡើង បណ្តាលឲ្យមានមនុស្ស៣នាក់របួសធ្ងន់ ដោយសារតែការបើកបរមិន ប្រយ័ត្នបណ្តាលឲ្យបើកបុកគោយន្ត កាលពីវេលាម៉ោង ៧.៣០នាទីយប់ ថ្ងៃទី ១៥ ខែមករា ឆ្នាំ២០១៦ ។
អ្នកបើកបរម៉ូតូ សង់កូរ៉េ ដែលជាជនរងគ្រោះត្រូវបានគេស្គាល់ឈ្មោះ ផាន់ ផម ភេទ ប្រុស អាយុ ៥៥ឆ្នាំ រស់ នៅភូមិអូរពី ឃុំ ដងក្តា ស្រុកស្ទឹងត្រង់ ខេត្តកំពង់ចាមទី២ ឈ្មោះ ឈ្មោះ ឃុន ហៀង ភេទប្រុសអាយុ៥០ឆ្នាំរស់នៅភូមិស្រយ៉ង់ជើង ឃុំស្រយ៉ង់ ស្រុកគូលេន ខេត្តព្រះវិហារ ទី៣ឈ្មោះ ឃុន ធឿន ភេទ ប្រុសអាយុ ៤១ឆ្នាំ រស់នៅភូមិអូឈើក្រម ឃុំសាលាក្រៅ ស្រុកសាលា ក្រៅ ខេត្តប៉ៃលិន បច្ចុប្បន្នជនរងគ្រោះទាំង៣នាក់រស់នៅភូមិស្រយ៉ង់ជើង ឃុំស្រយ៉ង់ ស្រុកគូលេន ខេត្តព្រះវិហារ។
តាមការឲ្យដឹងពី នាយប៉ុស្តិ៍រដ្ឋបាលឃុំស្រយ៉ង់ បានឲ្យដឹងថា ករណីគ្រោះថ្នាក់ចរាចរណ៍ នេះគឺបណ្តាលមក ពីម៉ូតូបុកជាមួយនិងគោយន្តកៃច្នៃ ហើយក៏បានបុកយ៉ាងពេញទំហឹង បណ្តាលឲ្យជនរងគ្រោះទាំង៣នាក់របួស់ធ្ងន់ គឺអ្នកទាំង៣នាក់បានមកធ្វើបុណ្យសាច់ញ្ញាតិ គរបខួប៧ថ្ងៃ នៅថ្ងៃកើតហេតុអ្នកទាំង៣នាក់បានបើកបើកបរម៉ូតូក្នុង ទិសដៅបញ្ជ្រាស់ទិសគ្នា បណ្តាលឲ្យបុកគោយន្តកៃច្នៃរបួសធ្ងន់ទាំង៣នាក់ ខ្លះបាក់ជើង ខ្លះបែកក្បាល ស្ថិតនៅចំណុចរនាងសង្កែភូមិស្រយ៉ង់ជើង ឃុំស្រយ៉ង់ ស្រុកគូលេន ខេត្តព្រះវិហារ ។
លោកនាយប៉ុស្តិ៍រដ្ឋបាលឃុំស្រយ៉ង់ បានផ្តាំផ្ញើរដល់បងប្អូន ប្រជាពលរដ្ឋ ឲ្យនាំគ្នាចូលរួមគោរពច្បាប់ចរាចរណ៍ទាំងអស់គ្នា ក្នុងការធ្វើដំណើរទៅណាមកណា សូមឲ្យពាក់មួកសុវត្តិភាព ដើម្បីការពារអាយុជីវិត របស់ខ្លួន និងកាត់បន្ថយការប៉ះទង្កិចដល់ក្បាល និងសូមឲ្យបើកបរគោរពសិទ្ធិគ្នាទៅវិញទៅមកដើម្បីកាត់បន្ថយអាត្រាគ្រោះថ្នាក់ចរាចរណ៍ ។
ជនរងគ្រោះត្រូវបាន ប្រជាពលរដ្ឋ នាំគ្នាដឹកទៅមណ្ឌលសុខភាពដើម្បីជួយសង្គ្រោះអាយុជីវិត ក្រោយពីកើតហេតុ ម៉ូតូ និងគោយន្ត ត្រូវបានរក្សាទុកនៅប៉ុស្តិ៍រដ្ឋបាល ដើម្បីឲ្យភាគីទាំង២ចូលខ្លួនមកដោះស្រាយដោយសន្តិវិធី ។
ដោយ សែម ឡុំ
