ខេត្តកំពង់ឆ្នាំង៖ ចោរលួចគោម្នាក់ក្នុងចំណោមបក្ខពួក២នាក់ ត្រូវប្រជាការពារ និងប្រជាជនព្រួតគ្នាចាប់ខ្លួនបាន នៅពេលគេកំពុងដេញគោចំនួន៥ក្បាលបំបែកពីហ្វូងទៅក្នុងព្រៃបំណងលួចយកដឹកតាមឡានយកទៅលក់នៅក្រៅខេត្ត។ ការចាប់ខ្លួនចោររូបនេះបានធ្វើឡើងនៅម៉ោង៣ល្ងាចថ្ងៃទី១៥ខែមករា ឆ្នាំ២០១៦ នៅចំណុចព្រៃស្តុកតានិច ក្នុងភូមិទ័ពតាឡាត់ ឃុំជៀប ស្រុកទឹកផុស។
លោក ខែម វិបុល អធិការនគរបាលស្រុកទឹកផុសបានអោយដឹងថា៖ ជនសង្ស័យជាចោរលួ
ចគោរូបនេះមានឈ្មោះ តាំ ទើ អាយុ៤៣ឆ្នាំ ជនជាតិខ្មែរឥស្លាម រស់នៅភូមិស្រែចាន ឃុំទួលខ្ពស់ស្រុកទឹកផុស ជាមុខសញ្ញាចោរកម្មក្នុងបញ្ជីខ្មៅ។
នៅចំពោះមុខសមត្ថកិច្ចជនសង្ស័យបានសារភាពថា៖ នៅពេលព្រឹកក្នុងថ្ងៃកើតហេតុ មេក្រុ
មរបស់គេដែលរត់គេចខ្លួនបាត់ បានឌុបម៉ូតូដឹកគេមកទម្លាក់នៅចំណុចស្តុកតានិច ដើម្បីលួចគោដឹកតាមរថយន្តយកទៅលក់នៅខេត្តកំពង់ស្ពឺ។ នៅពេលនោះគេលួចគៀងគោបាន៥ក្បាល គឺគោញី៤ក្បាល និងគោឈ្មោល១ក្បាល ចេញពីហ្វូងគោជាច្រើនក្បាលទៀតដែលម្ចាស់គេលែងចោ លអោណយស៊ីស្មៅនៅក្នុងព្រៃ។ នៅពេលគេគៀងបានគោនោះចេញឆ្ងាយពីហ្វូងគោឯទៀតមក រូបគេក៏បានរាយការណ៍អោយមេក្រុមគេ ទូរសព្ទ័ហៅម្ចាស់ឡានជាម៉ូយដឹកគោមួយគ្រឿង នៅខេត្តកំពង់ស្ពឺអោយមកដឹកយកគោទាំង៥ក្បាលនេះ។ តែចៃដន្យក៏ត្រូវប្រជាការពារ និងប្រជាពល រដ្ឋនាំគ្នាព័ទ្ធចាប់ខ្លួនគេបានតែម្តង ប្រគល់អោយសមត្ថកិច្ចនគរបាលមូលដ្ឋាន។ ដោយឡែកកាលពីឆ្នាំមុនគេក៏ធ្លាប់លួចគោអ្នកស្រុកបាន១ក្បាលយកទៅលក់ចាយរួចហើយដែរ ។
លោក លីវ ប៊ុនសុង អធិការរងនគរបាលស្រុកជាអ្នកដឹកនាំស្រាវជ្រាវករណីនេះបានអោយ ដឹងថា៖ មុខសញ្ញាមេក្រុមចោរលួចគោដែលរត់គេចខ្លួនខាងលើនេះ សមត្ថកិច្ចបានស្គាល់អត្តសញ្ញាណអស់ហើយ និងកំពុងបញ្ចេញកម្លាំងតាមស្រាវជ្រាវចាប់ខ្លួន។
លោកអធិការរងបានអោយដឹងទៀតថា៖ ប្រជាពលរដ្ឋនៅស្រុកលើជាទម្លាប់ពេលច្រូតកាត់រួចពួកគាត់តែនាំគ្នាលែងគោក្របីចោល មិនសូវតាមឃ្វាលជាប់ជារៀងរាល់ថ្ងៃឡើយ ជាហេតុធ្វើ
អោយពួកចោរបានឱកាសលួចគោក្របីយ៉ាងងាយស្រួល។ ជាក់ស្តែងគោទាំង៥ក្បាលនេះ គឺមកដល់ល្ងាចថ្ងៃទី១៦ ខែមករានេះ សមត្ថកិច្ចមិនទាន់រកម្ចាស់គោឃើញនៅឡើយទេ។លោកសុំអំពាវនាវដល់ប្រជាពលរដ្ឋទាំងអស់ប្រុងប្រយ័ត្នដល់គោក្របីរបស់ខ្លួនដែលលែងចោលនោះផង។
លោកអធិការរងបានបញ្ជាក់អំពីល្បិចចោរលួចប្រលះយកសាច់គោថា រូបភាពពួកចោរបាន
ជិះម៉ូតូដឹកសំបកធុងស្បេត្រូ៤ធុង ក្លែងធ្វើជាអ្នកដើរចាក់អង្រង។ ពេលគេលួចព្រលះយកសាច់
គោណាមួយបានហើយ គឺគេដាក់សាច់គោក្នុងធុងស្បេត្រូ ហើយគេចាក់ទឹកពីលើនិងចាក់ពង
អង្រងពីលើដើម្បីបន្លំភ្នែក ល្បិចនេះសមត្ថកិច្ចធ្លាប់ជួបហើយ សូមប្រជាពលរដ្ឋទាំងអស់ប្រុងប្រ យ័ត្ន ពេលឃើញជនសង្ស័យដូចនេះសូមរាយការណ៍ជាបន្ទាន់មកសមត្ថកិច្ច៕
