ពោធិ៍សាត់ ៖ មានឧប្បហេតុគ្រោះថ្នាក់ចរាចរណ៍មួយបានកើតឡើងដោយរថយន្តហាយលែនឌ័រមួយគ្រឿងបានបើកបុកបុរសកំពុងជិះម៉ូតូស្កុបពី ពីក្រោយមួយគ្រឿងម្នាក់ឯងបណ្ដាលឲ្យបែកក្បាលស្លាប់ក្នុងថ្លុកឈាមមួយរំពេច រូចហើយរថយន្តបង្កបានគេចខ្លួនបាត់ស្រមោល ប៉ុន្តែត្រូវបានគេឃើញស្លាកលេខ។ក្នុងហេតុការណ៍នេះបានកើតឡើងនៅវេលាម៉ោង១០និង១៥នាទីយប់ថ្ងៃទី១៧ ខែមករា ឆ្នាំ២០១៦ ត្រង់ចំណុចក្បែររោងម៉ាស៊ីនកិនស្រូវ ថាំង ម៉េង ស្ថិតក្នុងភូមិអូរស្ដៅ សង្កាត់ស្វាយអាត់ ក្រុងពោធិ៍សាត់។
លោក ឈន រិទ្ធិ អធិការនគរបាលក្រុងពោធិ៍សាត់បានឲ្យដឹងនៅហេតុកានេះពីសាក្សីឃើញច្បាស់ផ្ទាល់ភ្នែកនិយាយប្រាប់លោកថា៖ មុនពេលកើតហេតុ គេបានឃើញបុរសម្នាក់ជិះម៉ូតូស្បកូពីពាក់ស្លាកលេខពោធិ៍សាត់1D-27-16 ក្នុងទិសដៅពីលិចទៅកើតនៅលើផ្លូវជាតិលេខ០៥ ស្រាប់តែបុរសនោះចរាចរណ៍មកដល់ចំនុចកើតហេតុខាងលើ។ ស្របពេលជាមួយគ្នាក៏មានរថយន្តហាយលែនឌ័រ មួយគ្រឿងបានចរាចរណ៍លើផ្លូវនោះដែរ ហើយក្នុងទិសដៅពីលិចទៅកើតស្របទិសគ្នាជាមួយជនរងគ្រោះអ្នកបើកម៉ូតូដោយល្បឿនលឿន រថយន្តនោះក៏បានបុកម៉ូតូពីក្រោយ បណ្ដាលឲ្យជនរងគ្រោះដួលម៉ូតូបោក្បាលទៅលើផ្លូវជាតិបែកក្បាលហូឈាមស្លាប់នៅភ្លាមមួយរំពេចតែម្ដង ។ ក្រោយកើតហេតុរថយន្តបង្ករនោះសាក្សីនោះបានប្រាប់លោក ឈន រឹទ្ធ អធិការនគរបាលក្រុងពោធិ៍សាត់ឲ្យបានដឹងបន្ថែមថា រថយន្តបង្ករនេះជា រថយន្តហាយលែនឌ័រដែលពាក់លេខAE. 72-79 ដោយមានដាច់កញ្ចក់ខាងស្ដាំ បានបើកគេចខ្លួនទៅទិសខាងកើតបាត់ស្រមោល។
លោក ឨ ហ៊ាង ស្នងការងទទួលបន្ទុកផ្នែកសណ្ដាប់ធ្នាប់បានឲ្យដឹងថា តាំងពីគ្រោះថ្នាក់រហូតដល់ព្រឹកថ្ងៃទី១៨ ខែមករា ឆ្នាំ២០១៦ នេះជនរងគ្រោះដែលស្លាប់ក្នុងករណីគ្រោះថ្នាក់ចរាចរណ៍ ស្លៀកខោខប៊យជើងវែងព័ណ៍ផ្ទៃមេឃខោលីអូព័ណ៍ក្រហម ពាក់អាវសដៃវែង ជិះមូ៉តូមា៉កស្កុបពីស្លាកលេខពោធិ៍សាត់ 1D.27-16 នេះនៅមិនទាន់ស្គាល់អត្តសញ្ញាណនៅឡើយទេ ដូច្នោះអធិកាគ្រប់ស្រុកក្រុងនិងពលរដ្ឋណាបានស្គាល់ជួយផ្ដល់ដំណឹងនេះទៅសមាជិកគ្រួសារ ដើម្បីទំនាក់ទំនងមកនគរបាលចរាចរណ៍ខេត្តពោធិ៍សាត់យកសពនេះទៅធ្វើបុណ្យតាមប្រពៃណីផង៕