ឧត្តរមានជ័យ៖ កាលពីវេលាម៉ោង២០និង០០នាទីយប់ថ្ងៃទី១៦ ខែមករា ឆ្នាំ២០១៦ មានករណីគ្រោះថ្នាក់ចរាចរណ៍ មួយរវាងម៉ូតូនិងម៉ូតូ នៅលើផ្លូវជាតិ១៧៤ចំណុចមុខមណ្ឌលសុខភាពត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ បណ្តាលអោយមនុស្សស្លាប់ម្នាក់និង៣នាក់រងរបួសធ្ងន់និងស្រាល។សមត្ថកិច្ចប៉ូលិស បានឲ្យដឹងថា អ្នកស្លាប់មានឈ្មោះ ផេន ភារិត ភេទប្រុសអាយុ២០ឆ្នាំ ជាអ្នកបើកម៉ូតូហុងដាទ្រីម២០១២ពណ៍ខ្មៅផ្លាកលេខកំពង់ធំ១A៩០.៦៧-ឈ្មោះដំ ផាន់នី ភេទប្រុសអាយុ២៣ឆ្នាំរងរបួស រស់នៅភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ជិះជាមួយអ្នកស្លាប់-៣ឈ្មោះងែត់ វ៉េង ភេទប្រុសអាយុ២៩ឆ្នាំ រស់នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ រងរបួស-៤ឈ្មោះមិនស្គាលជិះម៉ូតូម៉ាកហុងដាទ្រីម២០១១ផ្លាកលេខកំពង់ធំ១C៥៨.៣៨ ជនរងគ្រោះទាំង៣នាក់ត្រូវបញ្ជូនទៅមន្ទីរពេទ្យ។សមត្ថកិច្ចប៉ូលិស បានបន្តទៀតថា ចំណែកម៉ូតូ២គ្រឿង ត្រូវបានកំលាំងជំនាញយើង យកមករក្សាទុកនៅអធិការដ្ឋាននគរបាលស្រុកត្រពាំងប្រាសាទដើម្បីដោះស្រាយគ្នាទៅតាមផ្លូវច្បាប់នៅពេលក្រោយ៕