កំពង់ធំៈ ជនសង្ស័យម្នាក់ ត្រូវបានលោកវរៈសេនីយ៍ត្រី យ៉ង សំ អធិការស្រុកស្ទោង បានដឹកនាំកម្លាំងមន្ត្រីក្រោមឳវាទ ចុះចាប់ឃាត់ខ្លួនជនសង្ស័យម្នាក់ ឈ្មោះ គៀល គ្រី ភេទ ប្រុស អាយុ 46ឆ្នាំ តាមដិការរបស់តុលាការ ខេត្តកំពង់ឆ្នាំង ក្នុងករណីរំលោភសេពសន្ទវៈ ហើយជនសង្ស័យបានរត់គេចខ្លួន មកស្នាក់នៅស្រុកស្ទោង ខេត្តកំពង់ធំ។
ជនសង្ស័យឈ្មោះ គៀល គ្រី ត្រូវបានកម្លាំងរបស់អធិការស្រុកស្ទោង ឃាត់ខ្លួនបាននៅវេលា ១៦,៣០នាទី ល្ងាចថ្ងៃទី ១៨ ខែ មករា ឆ្នាំ ២០១៦ ជនសង្ស័យមានទីលំនៅភូមិតាឡាត់ ឃុំស្វាយរំពា ស្រុកកំពង់លែង ខេត្តកំពង់ឆ្នាំង ក្រោយពីធ្វើសកម្មភាពរួច បានរត់មកលាក់ខ្លួន សំងំ នៅភូមិអន្លង់ព្រីង ឃុំប្រឡាយ ស្រុកស្ទោង ខេត្តកំពង់ធំ ជនសង្ស័យយើងកំពង់ត្រៀមបញ្ជូន ទៅស្នងការនគរបាល ខេត្តកំពង់ឆ្នាំងបន្ត៕
លោកវរៈសេនីយ៍ត្រី យ៉ង សំ អធិការស្រុកស្ទោង បានឲ្យដឹងថា មុនពេលឃាត់ខ្លួនជនសង្ស័យបានគឺជនសង្ស័យបាន បានមកស្នាក់នៅក្នុងស្រុកស្ទោង ខណៈពេលដែលប៉ុស្តិ៍រដ្ឋបាលបានចុះសួរនាំ ក៏បានរាយការណ៍មក ស្នងការ ខេត្តកំពង់ធំ ពីឈ្មោះនិងអត្តសញ្ញាណ និងរូបថត ហើយស្នងការខេត្តបានរាយការណ៍ ទៅស្នងការខេត្តកំពង់ឆ្នាំ ទើបបានដឹងថា ជនសង្ស័យមានដីការចាប់ខ្លួន ពីបទរំលោភ ហើយរត់មកលាក់ខ្លួន នៅស្រុកស្ទោង ទើបឈានដល់ការឃាត់ខ្លួន សម្រាប់ជនសង្ស័យនិងប្រគល់ជូនសមត្ថកិច្ចខេត្តកំពង់ឆ្នាំមក ទទួលនៅថ្ងៃទី ១៩ខែមករា ឆ្នាំ២០១៦នេះ ។
ដោយ ប៊ុន រដ្ឋា
