ខេត្តរតនគិរី៖ កំលាំងរដ្ឋបាលព្រៃឈើផ្នែកកាន់បីស្រុកបរកែវស្រុកអូរយាដាវនិងស្រុកអណ្តូងមាសកំពុងតែសំរុករកបទល្មើសព្រៃឈើយ៉ាងសកម្មផងដែរបន្ទាប់ពីមានបទបញ្ជាពីប្រមុខរាជរដ្ឋាភិបាលនិងបង្កើតគណៈកម្មាការបង្ក្រាបកាលពីថ្ងៃទី១៥ខែមករាកន្លងទៅនេះ។
ហើយក៏បានប្រទះឃើញជាបន្តបន្ទាប់គំនរឈើប្រណិតប្រភេទឈើសុក្រំកកោះនឹងគគីរឡាំងបួនជ្រុងមានមុខកាត់នឹងប្រវែងចម្រុះដែលឈ្មួញកំបាំងមុខធ្វើសកម្មភាពប្រមូលជាគំនរលាក់ទុករាប់រយកំណាត់ក្នុងគម្ពធព្រៃ។
ប៉ុន្តែនៅតាមបណ្តាក្រុមហ៊ុសម្បទានសេដ្ឋកិច្ចជាច្រើនទៀតក្នុងបណ្តាស្រុកខាងលើនិងទូរទាំងខេត្តរតនគិរីនោះមិនទាន់ឃើញមានការបង្ក្រាបបាននៅឡើយទេ។
កិច្ចប្រតិបត្តិការណ៍ស្រាវជ្រាវរុករកឃើញគំនរឈើលាក់ទុកក្នុងគម្ពោតព្រៃនឹងបានបង្ក្រាបរឹបអូសខាងលើនេាះធ្វើឡើងនៅព្រឹកថ្ងៃទី១៨ ខែមករាឆ្នាំ២០១៦នេះ។
បើតាមការឱ្យដឹងពីលោក ឡេង យុគនាយផ្នែករដ្ឋបាលព្រៃឈើបកែវ អណ្តងមាសនឹងអូរយ៉ាដាវដែលដឹកនាំកម្លាំងចុះល្បាតតាមបណ្តោយមាត់ទន្លេសេសាន្តក្នុងភូមិសាស្ត្រឃុំតាឡាវស្រុកអណ្តូងមាសក៏បានប្រទះឃើញគំនរឈើប្រណិតនោះតែម្តងរាប់រយកំណាត់សុទ្ធសឹងជាប្រភេទឈើ(សុក្រំកកោះនឹងគគីរ)ឡាំងបួនជ្រុង។
តាមការវាស់វែងឈើប្រណិតដែលត្រូវដកហូតបានមានចំនួន១៨១ដុំស្មើនឹង៩០ម៉ែត្រគូប(មុខកាត់នឹងប្រវែងចម្រុះ)។
បច្ចុប្បន្នឈើទាំងអស់នេះលោកបានដឹកជញ្ជូនមកផ្ញើទុកនៅក្នុងក្រុមហ៊ុនដីសម្បទានសេដ្ឋកិច្ចហ័ងអាញ់អូរយ៉ាដាវដោយសារការដឹកជញ្ជូនមានការស្មុគស្មាញនឹងលំបាកឆ្លងទឹកទន្លេសេសាន្ត ពេក។
បើតាមប្រភពពីប្រជាពលរដ្ឋដែលរស់នៅតាមតបន់បណ្តាក្រុមហ៊ុននានាក៏បានបង្ហើបតាមបែបរិះគន់ផងនោះថានៅក្នុងក្រុមហ៊ុនទាំងនោះភាគច្រើនសុទ្ធសឹងជាក្រុមហ៊ុនដែធ្វើជំនួញបទល្មើសព្រៃឈើក្រោមលេះវិនិយោគអភិវឌ្ឍន៍វិសយ័ដំណាំកសិឧស្សាហកម្ម។
ហើយក៏បានប្រព្រិត្តបទល្មើសព្រៃឈើយ៉ាងរង្គាលផងដែរថែមទាំងមានការដឹកជញ្ជូនតាមរថយន្តយីឌុបមួយជើងៗរាប់សិបគ្រឿងលើសទំងន់បង្ករការបាក់ស្រុតផ្លូលំនិងផ្លូវជាតិទៀតផងដោយមិនគោរពលក្ខ័ណ្ឌតិកៈការវិនិយោគនោះឡើយ។
