ឧត្តរមានជ័យ៖ កាលពីវេលាម៉ោង១០និង៤០នាទីយប់ថ្ងៃទី១៨ ខែមករា ឆ្នាំ២០១៦ មានករណីហិង្សាដោយចេតនា បណ្តាលឲ្យមនុស្ស២នាក់រងរបួសក្បាល នៅក្នុងពិធីមង្គលការមួយកន្លែង ស្ថិតនៅក្នុងភូមិអូរជីក ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។លោកវរសេនីយ៍ទោ អិន កាយ អធិការនគរបាលស្រុក បានឲ្យដឹងថា ដែលមានរឿងហេតុកើតឡើងក្នុងពិធីមង្គលការកូន របស់លោកសួង យ៉ូត ភេទប្រុសអាយុ៦៣ឆ្នាំ រស់នៅភូមិអូរជីក ឃុំផ្អាវ ស្រុកត្រពាំងប្រាសាទ មានករណីហិង្សាដោយចេតនា បណ្តាលឲ្យមនុស្ស២នាក់ រងរបួសក្បាល.១ឈ្មោះចក់ ឡេង ភេទប្រុសអាយុ៣៨ឆ្នាំ រស់នៅភូមិឈើទាលជ្រុំ ខេត្តព្រះវិហារ-២ឈ្មោះសា រី ភេទប្រុសអាយុ៣១ឆ្នាំ រស់នៅភូមិអូរជីក ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។លោកវរសេនីយ៍ទោ អិន កាយ អធិការនគរបាលស្រុក បានបន្តទៀតថា រីឯជនសង្ស័យមានគ្នា២នាក់.១ឈ្មោះហឹម តឿ ភេទប្រុសអាយុ៣២ឆ្នាំរស់នៅភូមិអូរជីក ឃុំផ្អាវ ស្រុកត្រពាំងប្រាសាទ-២ឈ្មោះរ៉ា ទ្រី ភេទប្រុសអាយុ២៨ឆ្នាំ រស់នៅភូមិ ឃុំជាមួយគ្នាខាងលើ.នៅពេលបច្ចុប្បន្ន សមត្ថកិច្ចជំនាញ កំពុងកសាងសំណុំរឿង ទៅតាមនិតិវិធីច្បាប់៕