ភ្នំពេញ ៖ បុរសម្នាក់ដែលគេស្គាល់ថាជាមន្ត្រីអាវុធហត្ថទំនងជាស្រវឹងស្រាបានបើករថយន្តកូរ៉ូឡាក្នុងល្បឿនយ៉ាងលឿនរេចង្កូតបុករះរនាំងដែកពុះចែកទ្រូងផ្លូវពេញទំហឹង បណ្តាលឱ្យបាក់អស់១១ផ្ទាំង និងបុកម៉ូតូមួយគ្រឿងទៀតរងការខូចខាត និងរបួសស្រាលម្នាក់ ។
ហេតុការណ៍នេះបានកើតឡើងកាលពីវេលាម៉ោង១នឹង២០នាទីរំលងអាធ្រាតឈានចូលថ្ងៃទី២០ ខែមករា ឆ្នាំ២០១៦ នៅចំណុចមុខក្តាន់២ តាមបណ្តោយផ្លូវសហព័ន្ឋរ៉ុស្សី ស្ថិតក្នុងសង្កាត់មនោរម្យ ខណ្ឌ៧មករា ។
ប្រភពពត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តកូរ៉ូឡា ពណ៍ខ្មៅ ពាក់ស្លាកលេខ បាត់ដំបង 2A-0744 បើកបរដោយបុរសម្នាក់ដែលគេស្គាល់ថាជាមន្ត្រីអាវុធហត្ថ តាមបណ្តោយផ្លូវសហព័ន្ឋរ៉ុស្សីទិសដៅពីលិចទៅកើតក្នុងល្បឿនយ៉ាងលឿន ពេលមកដល់ចំណុចកើតហេតុបានរេចង្កូតបុករះរនាំងដែកពុះចែកទ្រូងផ្លូវបាក់អស់១១ផ្ទាំង និងបុកម៉ូតូមួយគ្រឿងទៀតរងការខូចខាត សំណាងល្អមិនមាននណារម្នាក់រងរបួសនោះទេ ចំណែករថយន្តបង្កខូចខាតយ៉ាងដំណំ ។ បន្ទាប់ពីបង្កហេតុអ្នកបើករថយន្តបានគេចខ្លួនបាត់ដោយបន្សល់ទុកតែរថយន្ត នៅនឹងកន្លែងកើតហេតុ ។
ក្រោយមកសមត្ថកិច្ចជំនាញបានមកធ្វើការវាស់វែង និងយករថយន្តទៅរក្សាទុកនៅការិយាល័យ ចរាចរណ៍ជើងគោករាជធានីភ្នំពេញ រង់ចាំដោះស្រាយតាមនីតិវិធី រីឯម្ចាស់ម៉ូតូរងគ្រោះលើកយក..។