ភ្នំពេញ៖ អគ្គីភ័យបានឆាបឆេះឃ្លាំងស្តុកហ្គាសដ៏ធំមួយនៅតាមបណ្ដោយផ្លូវហាណូយស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ បណ្ដាលអោយមនុស្សពីរនាក់បួសយ៉ាងធ្ងន់ធ្ងរនិងខូចខាតរថយន្ដកូរ៉េដឹកធុងហ្គាសនិងម៉ូតូអស់ចំនួន។
ហេតុការណ៍គ្រោះអគ្គីភ័យដែលបង្កអោយមានការភ្ញាក់ផ្អើលនិងភ័យខ្លាចដល់ប្រជាពលរដ្ឋនេះបានកើតឡើងកាលពីវេលាម៉ោង០៦និង៤០នាទីព្រលប់ថ្ងៃទី២១ ខែមករា ឆ្នាំ២០១៦ តាមបណ្ដោយផ្លូវហាយណូយ នៅជិតនឹងហ្គ្រេនភ្នំពេញ ស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ។
បើតាមការរៀបរាប់របស់បុរសម្នាក់ដែលជាអ្នកស្នាក់នៅកន្លែងកើតហេតុបានអោយដឹងថា នៅមុនពេលកើតហេតុគឺមានកាសាយភាយក្លិនហ្គាសយ៉ាងខ្លាំង ទំនងជាធ្លាយធុងហ្គាស ហើយក៏មានកាផ្ទុះហ្គាសពីធុងមួយទៅធុងមួយអស់ជាច្រើនធុងបង្កជាអណ្ដាលភ្លើងឆាបឆេះយ៉ាងសន្ធោសន្ធៅ ទើបផ្អើលកម្មកររត់ចេញពីក្នុងឃ្លាំងចេញមកក្រៅ ចំណែកបុរសពីរនាក់ទៀតត្រូវអណ្ដាតភ្លើងឆាបឆេះរងរបួសធ្ងន់។ ភ្លាមៗនោះរថយន្ដពន្លត់អគ្គីភ័យជាច្រើនគ្រឿងបានចេញជួយអន្តរាគមន៍ធ្វើការបាញ់ពន្លត់ដោយប្រើរយះពេលជាងមួយម៉ោងកន្លះទើបនិងប្រើប្រាស់រថយន្ដពន្លត់អគ្គីភ័យអស់ចំនួន២០០គ្រឿង និងបាញ់ទឹកអស់ចំនួន៣៦រថយន្តទើបអគ្គីភ័យរលត់ទាំងស្រុងតែម្ដង។សមត្ថកិច្ចបានអោយដឹងថាក្នុងករណីអគ្គីភ័យឆាបឆេះឃ្លាំងស្តុកហ្គាសដ៏ធំមួយនេះដែរបណ្ដាលអោយខូចខាតរថយន្ដកូរ៉េចំនួន៥គ្រឿង ម៉ូតូ៧គ្រឿងនិងធុងហ្គាសជាច្រើនធុង និងសំភារះមួយចំនួនធំផងដែរ។