ខេត្តកំពង់ធំ៖ ហេតុការដែលបង្ករឲ្យមានការភ្ញាក់ផ្អើល ដោយសារតែ ទឹកប្តូរនិស័យ លែងស្គាល់ប្រពន្ឋកូន យកឈ្នះទាំងកម្រោល ដាច់ចិត្តទាញពូថៅ កាប់ប្រពន្ឋ និងម្តាយក្មេក ស្លាប់ភ្លាមៗនៅនឹងកន្លែង បានកើតឡើងនៅ ក្នុង ភូមិទំអរ ឃុំទំរីង ស្រុកសណ្តាន់ ខេត្តកំពង់ធំ ដោយប្តីចិត្តកំណាចម្នាក់ បានយកពូថៅ កាប់ប្រពន្ធ និងម្តា យ ក្មេករបស់គេ ស្លាប់ក្នុងថ្លុកឈាម យ៉ាងណោចអាធម័ នៅនឹងផ្ទះកន្លែងកើតហេតុ។
ហេតុការណ៍ដ៏សាហាវឃោឃៅនេះ បានកើតឡើងនៅម៉ោង ៧,៣០នាទីយប់ ថ្ងៃទី២១ ខែមករា ឆ្នាំ២០១៦ ដោយជនសង្ស័យឈ្មោះ ហ៊ន ប៊ុនធាង អាយុ២៧ឆ្នាំ ត្រូវជាប្តី បានយកពូថៅកាប់លើប្រពន្ធឈ្មោះ ឈិន ស្រីទុំ អាយុ២៥ឆ្នាំ និងម្តាយក្មេក ឈ្មោះ យឹម សារឿន អាយុ៥៨ឆ្នាំ បណ្តាលស្លាប់ទាំង២នាក់។
សមត្ថកិច្ចបានឲ្យដឹងទៀតថា អ្នកទាំង៣ នៅភូមិកើតហេតុខាងលើ និងមានមុខរបរស៊ីឈ្នួលដាំដំណាំនិងធ្វើជំរាស់ស្មៅដំឡូងឲ្យគេ ហើយមូលហេតុដែលនាំឲ្យកើតការកាប់សម្លាប់នេះឡើង ដោយសារប្តីចិត្តកំណាចនោះ ស្រវឹងស្រាហើយបានមានពាក្យសដី ប្រកែកទាស់ទែងគ្នា ជាមួយនឹងប្រពន្ឋឡើងសរសសៃករ ដាក់គ្នា ដោយប្រពន្ឋបានស្តីបន្ទោសប្តី ពីការមិនខ្វល់ពី និងការប្រកបមុខរបររកស៊ី មួយថ្ងៃគិតតែស៊ីផឹកថែមទាំង ស្រវឹងហើយជេរប្រតិចប្រពន្ឋកូន រករឿងមិនឈប់ ស្រាប់ពេលនោះ ម្តាយក្មេកក៏ស្រែកស្តីអោយកុំឲ្យឈ្លោះគ្នា ខ្មាសអ្នកជិតខាង មិនប្រឹងរកស៊ីគិតតែពីឈ្លោះគ្នា ក្រោយពីជនដៃដល់ស្រវឹងឡើងកំដៅ ទាញពូថៅកាប់ ប្រពន្ឋខណៈនោះម្តាយឃើញក៏ស្ទុះមកជួយកូនស្រីរបស់គាត់ ហើយក៏ត្រូវកូនប្រសារកាប់ស្លាប់ទាំងពីនាក់ នៅក្នុងថ្លុកឈាមតែម្តង។
លោកឧត្តមសេនីយ៍ត្រី ជូ សំអាន ស្នងការនគរបាលខេត្តកំពង់ធំ បានឲ្យដឹងថា ជនសង្ស័យក្រោយពីបានធ្វើសកម្មភាពកាប់សម្លាប់ប្រពន្ឋ និងម្តាយក្មេករួច បានបានរត់គេចខ្លួនចូលព្រៃបាត់ ហើយទីតាំងដែលកើតហេតុគឺនៅឆ្ងាយពីទីប្រជុំជន៧គម ដូច្នេះហើយជនសង្ស័យមានឳកាសរត់ចូលព្រៃដើម្បីគេចខ្លួន ក្នុងលោកបានបញ្ជាឲ្យសមត្ថកិច្ចនៃអធិការដ្ឋានស្រុកសណ្តាន់ ស្រុកប្រាសាទសំបូរ និងស្រុកសន្ទុក កម្លាំងគ្រប់ប៉ុស្តិ៍រដ្ឋបាល ដាក់កម្លាំងស្រាវជ្រាវយ៉ាងដុតដៃដុតជើង តែរហូតមកដល់ពេលនេះ ពុំទាន់មានតំម្តុយបន្តិចណាឡើយ តែទោះជាយ៉ាងណានោះ សមត្ថកិច្ចនឹងប្រែងប្រែងចាប់ជៃដលមកផ្តន្ទាទោសតាមច្បាប់។
ដោយ ប៊ុន រដ្ឋា