ភ្នំពេញៈ ម៉ាស៊ីនអ៊ឹម អ អាយ (MRI) ដែរជាម៉ាស៊ីនឯកទេសស្កេនរូបភាព ដោយប្រើដែកម៉ាញ៉េទិចកម្លាំង 1.5 Tesla ដែរមានសមត្ថភាពខ្ពស់ក្នុងការស្កេនលើគ្រប់សរីរាង្គមនុស្សបានយ៉ាងឆាប់រហ័សផ្តល់រូបភាពច្បាស់ល្អ និងលំអិតជាអតិបរមា បានដាក់សម្ភោធអោយប្រើប្រាស់ជាផ្លូវការនៅមន្ទីរពេទ្យកាល់ម៉ែត្រ នៅព្រឹកថ្ងៃនេះ ក្រោមអធិបតីភាព ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល រួមជាមួយវេជ្ជបណ្ឌិតឯកទេសជាច្រើន នារាជធានីភ្នំពេញ ។ ឯកឧត្តម ឈាង រ៉ា អគ្គនាយកមន្ទីរពេទ្យកាល់ម៉ែត្រ បានអោយដឹងថា មន្ទីរពេទ្យកាល់ម៉ែត ផ្នែករូបភាពវិជ្ជសាស្ត្រ មានបុគ្គលិកសរុបចំនួន ៣៩នាក់ក្នុងនោះមាន សាស្ត្រាចារ្យ ៤នាក់ វេជ្ជបណ្ឌិតឯកទេស ៧នាក់ វេជ្ជបណ្ឌិតជំនាញ ១នាក់ អ្នកបច្ចេកទេសថតឆ្លុះ ១១នាក់ គិលានុបដ្ឋាក-យិកាមធ្យមចំនួន ១១ នាក់ ស្មើនិង ៣,១៩% នៃបុគ្គលិកសរុប របស់មន្ទីរពេទ្យដែលមានចំនួន ១២៣៣នាក់ ។
ក្នុងនាមជាវេជ្ជបណ្ឌិតផ្នែកឯកទេសរូបភាពវេជ្ជសាស្ត្រនៃមន្ទីរពេទ្យកាល់ម៉ែត្រមួយរូប លោកវេជ្ជបណ្ឌិត ឈាង ហេង បានអោយដឹងថា ម៉ាស៊ីន MRI 1.5 តេសស្លា នេះគឺជាម៉ាស៊ីនសំរាប់ពិនិត្យ រោគវិនិច្ឆ័នផ្នែកវិជ្ជាសាដែរទំនើបចុងក្រោយផលិតនៅសហរដ្ឋអាមេរិច ដែរអាចពិនិត្យមើល ពេញមួយតួខ្លួន ទៅតាមអ្វីដែរប្រជាពលរដ្ឋ រឺអ្នកជំងឺមានបញ្ហា ។ លក្ខណះពិសេសរបស់ម៉ាស៊ីន MRI គឺជាម៉ាស៊ីនដែរពិនិត្យច្បាស់លាស់ក្នុងការថតខួរក្បាល ។ ម៉ាស៊ីន MRI ដែរសម្ភោធក្នុងថ្ងៃនេះក៏មានអ្នកឯកទេស ក្នុងការពិនិត្យដែរបានសិក្សាមកពីប្រទេសបារាំង ទទួលបានសញ្ញាប័ត្រឯកទេសក្នុងការត្រួតពិនិត្យ ផងដែរ។ លោកវេជ្ជបណ្ឌិត បានអោយដឹងទៀតថា ម៉ាស៊ីន MRI មានតាំងពីយូរមកហើយ គ្រាន់តែម៉ាស៊ីន MRI ដែរយកមកដាក់សម្ភោធអោយប្រើប្រាស់ក្នុងមន្ទីរពេទ្យកាល់ម៉ែត្រនាពេលនេះគឺជាម៉ាស៊ីនដែរមានកម្លាំងខ្លាំងជាងមុនដែរបច្ចេកវិជ្ជាចុងក្រោយបង្អោសរបស់ម៉ាស៊ីន MRI ដែរទូទាំងពិភពលោកកំពុងតែប្រើប្រាស់សព្វថ្ងៃនេះ ។ ក្នុងនោះការពិនិត្យរកជំងឺមួយមុខតាមរយៈម៉ាស៊ីន MRI មានតំលៃ 140$ ។
ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលបានប្រសាសន៍ថា តាមរយៈការព្យាយាម និងយកចិត្តទុកដាក់ការងាររបស់ថ្នាក់ដឹកនាំ មន្ត្រីរាជការ បុគ្គលិករបស់មន្ទីរពេទ្យកាល់ម៉ែត្រ ក្រសួងសុខាភិបាលបានឃើញពីភាពរីកចំរើន ដោយមន្ទីរពេទ្យបានកសាងមជ្ឈមណ្ឌលឯកទេសវេជ្ជសាស្ត្រជាបន្តបន្ទាប់ ស្របតាមការអភិវឌ្ឍន៍ធនធានមនុស្សគ្រប់កំរិត ជាពិសេសគ្រូពេទ្យឯកទេសគ្រប់ជំនាញ ដើម្បីពិនិត្យព្យាបាលជំងឺ អមដោយឧបករណ៍វេជ្ជសាស្ត្រទំនើបក្នុងការធ្វើរោគវិនិច្ឆ័យបានជាក់ច្បាស់ និងទាន់ពេលវេលាប្រកបដោយសុវត្តិភាព និងប្រសិទ្ធភាពខ្ពស់ ។ ថ្ងៃនេះដោយមានការរីកចំរើនផ្នែកបច្ចេកវិទ្យាកាន់តែជឿនលឿន មន្ទីពេទ្យកាល់ម៉ែតបានបំពាក់ម៉ាស៊ីន អឹម អ អាយ ទំនើបថ្មីព្រមទាំងបន្ទប់ប្រតិបត្តិការម៉ាស៊ីន តាមស្តង់ដារ វេជ្ជសាស្ត្រជាសាកល ។ ម៉ាស៊ីន អឹម អ អាយ ថ្មីនេះ គឺជាម៉ាស៊ី ស្គែនរូបភាព ដោយប្រើដែនម៉ាញ៉េទិកម្លាំង 1.5 តេសស្លា មានសមត្ថភាពខ្ពស់ក្នុងការស្គែនលើគ្រប់សរីរាង្គមនុស្សបានយ៉ាងឆាប់រហ័សផ្តល់រូបភាពច្បាស់ល្អ និងលំអិតជាអតិបរមា ។ ឯកឧត្តមបានបន្តថា ម៉ាស៊ីន អឹម អ អាយ បំពាក់ដោយបច្ចេកវិទ្យាខ្ពស់នេះមានតម្លៃ 1,369,900ដូល្លាសហរដ្ឋអាមេរិច (មួយលាន បីរយហុកសិបប្រាំបួនពាន់ប្រាំបួនរយដូល្លាសហរដ្ឋអាមេរិច) ដែរជាប្រភពថវិកាស្វយយ័តរបស់មន្ទីរពេទ្យកាល់ម៉ែត្រ ។ នេះជាការសម្រេចនូវសមិទ្ធិផលដ៏ធំមួយ ដោយការខិតខំប្រឹងប្រែងដោយ មិនខ្លាចនឿយហត់ ប្រកបដោយឆន្ទះមោះមុត របស់ថ្នាក់ដឹកនាំមន្ត្រីរាជការបុគ្គលិកមន្ទីពេទ្យកាល់ម៉ែត្រ ស្របតាមគោលនយោបាយរបស់ក្រសួងសុខាភិបាល ក្រោមគោលនយោបាយរបស់រាជរដ្ឋាភិបាលកម្ពុជាដែរមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាជាប្រមុខដឹកនាំ ។ ឯកឧត្តមបានបន្តទៀតថា យោងតាមការបោះជំហានទៅមុខទាំងធនធានមនុស្សទាំង ឧបករណ៍ និងសម្ភារៈនេះ ឯកឧត្តមក៏បានជំរុញបន្ថែមក្នុងការអភិវឌ្ឍន៍ស្រមឲបតាមតម្រូវការរបស់ប្រជាពលរដ្ឋដូចជា បន្តពង្រីកហេដ្ឋារចនាសម្ព័ន្ធកាន់តែទំនើបតាមនិយាមអន្តរជាតិ យកចិត្តទុកជាពិសេសក្នុងការជ្រើសរើសបន្ថែមនូវធនធានមនុស្សកំរិតឯកទេសដើម្បីបំរើសេវាសុខភាពកាន់តែប្រសើរ បង្កើនការអនុវត្តន៍បច្ចេកវិទ្យាថ្មី (Technologies innovantes) នៃវេជ្ជសាស្ត្រទំនើបស្របតាមការរីកចំរើនរបស់សកលលោក។
ក្នុងឪកាសនោះឯកឧត្តម កោតសរសើរ ថ្នាក់ដឹកនាំ មន្ត្រីរាជការ បុគ្គលិកទាំងអស់ របស់មន្ទីរពេទ្យកាល់ម៉ែត្រ ដែលបានខិតខំប្រឹងប្រែងកសាង អភិវឌ្ឍន៍ឥតឈប់ឈរ ក្នុងការលើកកំពស់វិស័យសុខាភិបាល អោយកាន់តែល្អប្រសើរគួរជាទីមោទនៈ។គួរបញ្ជាក់ថា ក្នុងឪកាសការសម្ភោធដាក់អោយប្រើប្រាស់ជាផ្លូវការនូវម៉ាស៊ីន អឹម អ អាយ 1.5 Tesla នេះ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាបាលបានគ្រើនរំលឹកដល់ មន្ត្រី បុគ្គលិកពេទ្យ ដែរបានធ្វើខុសពីវិធានការរដ្ឋបាល និងវិធានការខាងគណៈវិជ្ជាជីវៈពេទ្យ បន្តិចទៀតអាចនិងត្រូវដកសញ្ញាប័ត្រ និងលុបឈ្មោះចេញពីបញ្ជីរគណៈវិជ្ជាជីវៈ ដោយមិនអាចប្រតិបត្តិវិជ្ជាជីវៈបានទៀតទេ ទាំងមន្ទីរពេទ្យរដ្ឋ និងមន្ទីរពេទ្យឯកជន ។