កំពង់ធំៈ ប្រជាពលរដ្ឋរស់នៅក្នុងភូមិកំពង់សំរោង ប្តូរពីការចំណាក់ស្រុក មកប្រកបមុខរបរដាំបន្លែលក់ជាលក្ខណៈគ្រួសារ ដើម្បីដោះស្រាយជីវភាពដើម្បីសេដ្ឋកិច្ចគ្រួសារ និងបញ្ជ្រៀសពីការចំណាក់ស្រុកទៅធ្វើការ អាចធ្វើអោយ ប្រជាពលរដ្ឋទាំងនេះ រកចំណូលបានកាកកប ក្នុងការដាំបន្លែដោយពុំប្រើជាតិគេមី ស្ថិតនៅភូមិកំពង់សំរោង សង្កាត់ស្រយូវ ក្រុងស្ទឹងសែន ខេត្តកំពង់ធំ ។
អ្នកមីងដែលជាប្រជាកសិករ ឈ្មោះ សុខ នេន មានកូន៣នាក់ បានឲ្យដឹងថា នៅថ្ងៃទី ២១ខែមករា ឆ្នាំ ២០១៦ថា អ្នកមីងបានដាំបន្លែត្រសក់នេះមក៣ឆ្នាំហើយ ដោយមានអង្គការមួយចុះមកជួយណែនាំពិធីដាំ និងបានផ្តល់នូវសម្ភារៈដូចជាកៅស៊ូ និងទុយយោ ជួយគ្រាប់ រួមទាំងការដាំដុះនៅរយះដំណាក់កាលដំបូង ក្រោយមកក៏ទិញដាំខ្លួនឯង ហើយការដាំបន្លែនេះ គឺមានមានលក្ខណៈវិលជុំ ដំបូងដាំត្រសក់ក្នុងរយះពេល ១ខែ ក្រោយមកពីប្រមូលផលរួច ដាំត្រប់ ដល់បេះត្រប់ដាំម្រះម្តង អ្នកមីងបានបញ្ជាក់ថា បើដាំដំណាំដដែលៗគឺដំណាំអត់ល្អទេ ចំណែកត្រសក់គឺដាំតែមួយខែ បានបេះចំនួន២ខែ ហើយបេះរាល់ថ្ងៃក្នុងមួយថ្ងៃបេះបាន ១៥០គ.ក ក្នុងមួយ១គ.ក អាចលក់បាន ១៥០០រៀល ។
អ្នកមីងបានបញ្ជាក់ថា ចំពោះការស្រោចទឹក គឺអ្នកមីងបានដាក់ទុយយោបង្ហូរទឹកតាមគល់របស់ដំណាំ ក្នុង ៣ទៅ ៤ ថ្ងៃទើបបញ្ជូលទឹកម្តងដោយគ្រាន់តែបញ្ឆេះម៉ាស៊ីន ទឹកវាយហូតរដោយគ្រប់កន្លែងទាំងអស់ អ្នកមីងបានបន្តថា ក្រុមគ្រួសាររបស់អ្នកមីងគ្មានដីធ្លីច្រើននឹងគេទេ ក្រៅពីមុខរបរធ្វើស្រែ អ្នកមីងបានឆ្លៀតយកដីបន្តិចបន្តួចក្បែរផ្ទះនេះឯង គ្រាន់ដាំបន្លែសម្រាប់រកចំណូលប្រចាំថ្ងៃដែលអាចរកចំណូលបាន ២២ម៉ឺរៀល ក្នុងមួយថ្ងៃ សម្រាប់ដាំណាំត្រសក់ ។
តែបើយើងសង្កេតមើលតាមផ្ទះរបស់អ្នកភូមិកំពង់សំរោង បានបង្ហាញឲ្យឃើញថា ប្រជាពលរដ្ឋនៅក្នុងភូមិ នេះគឺដាំដំណាំតាមគ្នា គឺបានយកដីចំណីមុខផ្ទះបន្តិចបន្តួច មកធ្វើជាប្រយោជន៍ ក្នុងការដាំដុះដើម្បីរកចំនូល ប្រចំថ្ងៃ ដោយមានអ្នកមកទិញដល់ផ្ទះ ចំណែកបន្លែនៅក្នុងភូមិនេះ គឺត្រូវបានអ្នកភូមិនិយាយថា លក់ដាច់ ណាស់ដោយសារតែពុំបានប្រើជាតិគេមី ប្រើជីធម្មជាតិ ទើបបានអ្នកអតិថិជនជាច្រើនចូលចិត្តទិញបន្លែទី នេះទៅធ្វើម្ហូប ។
ដោយ ប៊ុន រដ្ឋា