ខេត្តបន្ទាយមានជ័យ យោងតាមពាក្យបណ្តឹងរបស់ឈ្មោះ មាស ចិន្តា ភេទស្រី អាយុ៤២ឆ្នាំ រស់នៅក្នុងភូមិខ្លាងាប់ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ បានធ្វើការប្តឹងចោទប្រកាន់ទៅលើឈ្មោះញឹមសុវណ្ណរិទ្ធី ភេទប្រុស អាយុ៣៥ឆ្នាំ ពីបទរំលោភលើសេចក្ដីទុក្ខចិត្តជាមួយដៃគូរស្នេហា។លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ បានឲ្យដឹងថាបើតាមសំដីរបស់ជនរងគ្រោះបានឲ្យដឹងថានៅឆ្នាំ២០១៣ ឈ្មោះ ញឹម សុវណ្ណរិទ្ធីមានទំនាក់ទំនងសេ្នហាជាមួយនិងខ្លួនហើយក៏បានរៀបចំសែនព្រេនទៅតាមប្រពៃណីខ្មែរបានគ្នាជាប្តីប្រពន្ធ។ ក្រោយមកទៀតដោយសារស្រឡាញ់ប្តីពេកជនរងគ្រោះបានចងការលុយគេទៅទិញរថយន្តដឹកទំនិញបានមួយគ្រឿងដើម្បី ប្រកបមុខរបររកសីុ ចាប់ពីពេលនោះមកឈ្មោះ ញឹម សុវណ្ណរិទ្ធី មិនដែលចូលផ្ទះទេ។ជនរងគ្រោះបានបញ្ជាក់ទៀតថាថ្ងៃមួយប្តីខ្លួនបានចូលផ្ទះដោយឈប់ជឿទុក្ខចិត្តលើប្តីកំហូចប្រពន្ធក៏បានទាមទាយកឯកសារនិងរថយន្តមកគ្រប់គ្រងខ្លួនឯងវិញម្តងព្រោះសំអាងថារថយន្តនេះខ្លួនបានចងការប្រាក់គេមកទិញតែប្តីកំហូចនេះមិនព្រមឲ្យបានធ្វើការអះអាងថា រថយន្តនេះដាក់ឈ្មោះខ្លួន។ប្រពន្ធបានបញ្ជាក់ទៀតថាមើលទៅប្តីកំហូចចង់បោកប្រាស់ខ្លួនយករថយន្តទៅលក់យកលុយចាយម្នាក់ឯងក៏បានរត់ទៅដាក់ពាក្យបណ្ដឹងនៅអាវុធហត្ថតែម្តង។លោកឧត្ដមសេនីយ៍ត្រី ឱ បូរិន្ទបញ្ជាក់ទៀតថាលុះនៅវេលាម៉ោង៤ល្ងាច ថ្ងៃទី២១ ខែមករា ឆ្នាំ២០១៦ នេះកំលាំងអាវុធហត្ថដឹកនាំដោយលោកវរ:សេនីយ៍ត្រី ព្រហ្ម ថេង ប្រធានមន្ទីរយុត្តិធម៍បានចុះឃាត់ខ្លួនជនសង្ស័យបាននៅចំណុចភូមិខ្លាងាប់ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ យកមកទីបញ្ជាការកងរាជអាវុធហត្ថខេត្ត ដើម្បីធ្វើការសាកសួរ។បើតាមចំលើយសារភាពរបស់ឈ្មោះញឹម សុវណ្ណរិទ្ធី បានឆ្លើយសារភាពថាខ្លួនពិតជាបានធ្វើខុសដូចការចោទប្រកាន់របស់ឈ្មោះ មាស ចិន្តា ពិតប្រាកដមែន។ដោយបានចំលើយសារភាពពីជនសង្ស័យរួចមកអាវុធហត្ថបានកសាងសំណុំរឿងបញ្ជូនជនសង្ស័យទៅតុលាការដើម្បីដាក់ទោសទៅតាមផ្លូវច្បាប់៕ដោយ:ឃិន គន្ធា
