ខេត្តកំពង់ធំៈនៅព្រឹកថ្ងៃសៅរ៏ទី២៣ខែ មករា ឆ្នាំ២០១៦ លោកឧត្តមសេនីយ៍ត្រី សោម សុ៑នមេបញ្ជាការតំបន់ ប្រតិបត្តិការសឹករងកំពង់ធំ និងជាប្រធានសមាគមន៍អតីតយុទ្ធជនកម្ពុជាខេត្តកំពង់ធំនិងលោក គៀង សេងគី មេឃុំត្បូងក្រពើ ព្រមទាំងមន្ត្រីក្រោមឳវាទ បាននាំយកថវិកា និងគ្រឿងឧបភោគបរិភោគចែកជូនគ្រួសារជនពិការ អតីតយុទ្ធជនដែលបានពិការសម័យសង្គ្រាម ។
ពិធីចែកអំណោយនេះ ត្រូវបានចែកជូនគ្រួសារលោក អ៊ូ ម៉ន អាយុ៤៥ឆ្នាំ រស់នៅភមិបញ្ញាជី ឃុំត្បូងក្រពើ ស្រុកសន្ទុក ខេត្តកំពង់ធំ ជាអតីតយុទ្ឋជន ដែលបានពិការជើងខាងឆ្វេងត្រឹមជង្គង់ដោយសារជាន់មីនដែលពួកទាហានអតីតខ្មែរក្រហមបានបង្កប់ ក្នុងពេលប្រត្តិបត្តិការនៅតំបន់អូរសាលា ច្រាំងក្រហមខាងកើតទីរួមខេត្តកំពង់ធំនៅឆ្នាំ១៩៨៨ក្នុងសម័យសង្គ្រាមផ្ទៃក្នុង ដោយថ្ងៃនេះបានផ្តល់អំណោយជូនរួមមាន ថវិការ១០ម៉ឺនរៀល អង្ករ៥០គីឡូ មី២កេស ទឹកត្រី២យួរ ទឹកស៊ីអ៊ីវ២យួរ និងត្រីខ២យួរ។
លោក ឧត្តមសេនីយ៍ត្រី សោម ស៊ុន បានមានប្រសាសន៍ថា ដើម្បីជាការដឹងគុណដល់អតីតយុទ្ឋជនយើងដែលបានធ្វើពលីកម្មដើម្បីបុព្វហេតុជាតិនិងមាតុភូមិរួមចំណែកធ្វើឲ្យប្រទេសជាតិមានសន្តិភាពរហូតមកដល់ថ្ងៃនេះ គឺជាកាខិតខំប្រឹងប្រែង របស់អតីតយុទ្ធជនដែលបានពុះពារ គ្រប់សកម្មភាពក្នុងដណ្តើមជោគ ជ័យជូនប្រទេសជាតិ ទើបក្នុងនាមជាថ្នាក់ដឹកនាំ នៃតំបន់ប្រតិបត្តិការសឹករងកំពង់ធំ បានជម្រុញវរៈសេនាតូច ផ្នែកសឹករងគ្រប់ស្រុកក្រុង ចុះជួយនិងយកចិត្តទុកដាក់ដល់អតីតយុទ្ធជន ជនពិការ និងគ្រួសារទីទាល់ក្រ ដើម្បីជួយគ្នាតាមលទ្ធភាព ក្នុងការងារមនុស្សធម៌ ដើម្បីលើកទឹកចិត្តឲ្យក្រុមគ្រួសារអតីតយុទ្ធជន ប្រឹងប្រែងតស៊ូចិញ្ចឹមបីបាច់កូនចៅ និងបញ្ជូលឲ្យទៅរៀនគ្រប់គ្នា។
ដោយ ប៊ុន រដ្ឋា