សៀមរាប៖ កាលពីពេលកន្លងទៅថ្មីៗនេះ ខណៈដែលលោកយាយស្នងរូបនោះកំពុងអង្គុយមើលជម្ងឺនៅផ្ទះរបស់គាត់ រួចនាំមកកាន់ទីបញ្ជាការកងរាជអាវុធហត្ថខេត្តដើម្បីសួរនាំ។ហេតុការនាំខ្លួនលោកយាយដែលជាអ្នកស្នងរូបយាយទេពនោះ ធ្វើឡើងកាលពីវេលាម៉ោង១៤ថ្ងៃទី២៣ខែមករាឆ្នាំ២០១៦ ស្ថិតនៅខាងក្រោយកាហ្ក្រាស សាំងសសូគីម៉ិច ក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ដឹកនាំកម្លាំងដោយលោកវរសេនីឯក ស្រី យូរ៉ា មេបញ្ជាការរងនៃកងរាជអាវុធហត្ថខេត្ត។
តាមសម្តីលោកវរសេនីយឯក ស្រី យូរ៉ា មេបញ្ជាការរងនៃកងរាជអាវុធហត្ថខេត្ត បានប្រាប់ថា ស្ត្រីម្នាក់ដែលថា ជាអ្នកស្នងរូបលោកយាយទេពនេះមានឈ្មោះ ឡាញ់ ស្រស់ ភេទប្រុស (ធ្វើស្រី)អាយុ៣៥ឆ្នាំ មុខរបរគ្រូទស្សទាយ(មើលជម្ងឺ)រស់នៅភូមិបន្ទាយចាស់ សង្កាត់ស្លក្រាម ដែលបានចូលរូបតាំងពីគាត់មានអាយុ៧ឆ្នាំមកដល់បច្ចុប្បន្ននេះ។លោកបន្តថា ក្រោយពីធ្វើការនាំខ្លួនយកសួរនាំនេះ យោងតាមការបញ្ជាររបស់លោក បណ្ឌិត ឃឹម ប៊ុមសុង អភិបាលនៃគណៈអភិបាលខេត្ត បានឱ្យដឹកនាំកម្លាំងជំនាញសហការជាមួយមន្ទីរធម្មការនិងសាសនាខេត្ត ដើម្បីឱ្យគាត់នែនាំគាត់ឱ្យធ្វើកិច្ចសន្យាបញ្ឈប់សកម្មនេះតទៅទៀត។លោកបានបញ្ជាក់ផងដែរថា បន្ទាប់ពីធ្វើកិច្ចសន្យារួចមក កម្លាំងជំនាញបាននាំខ្លួន បុរស (ធ្វើស្រី ចូលស្នងរូបលោកយាយទេព ដែលមកអង្គុយនៅលើសំណាក់លោកយាយទេពកាលពីពេលកន្កលងមកថ្មីៗនេះ ដើម្បីយកគាត់ឱ្យទៅសុំទោសនៅមុខរូបសំណាក់លោកយាយទេពវិញនៅមុខសាធារណៈ។
ព្រោះរូបគាត់បាននិយាយប្រាប់នៅមុខសមត្ថកិច្ចថា គាត់មិនចង់ទៅអង្គុយលើរូបសំណាក់លោកយាយទេពនោះទេ ដោយសារលោកយាយ បានចូលសណ្ឋិតមកលើរូបគាត់ ទើបគាត់ចេញពីផ្ទះទៅកន្លែងសំណាក់លោកយាយ ហើយអង្គុយនៅពីមុខសំណាក់នោះ ដើម្បីឱ្យភ្ញៀវ ឬកូនដែលមិនបានស្គាល់គាត់ ឱ្យគេស្គាល់និងជឿ ថា គាត់ពិតជាចូលរូបលោកយាយទេព ពិតៗមែន។គួរបញ្ជាក់ផងដែរ កន្លងមកនៅមុខសំណាក់លោកយាយទេព បុរសម្នាក់នេះ តែងខ្លួនជាស្ត្រីតាំងខ្លួនជាឯងអ្នកស្នងរូបបានទៅអង្គុយនៅលើសំណាក់លោកយាយទេព ជាញឹកញាប់ ចាប់ពីវេលាម៉ោង៨ទៅ៩យប់ តែមិនចាំថ្ងៃ ខែ៕ដោយ ច័ន្ទ រស្មី
