រាជធានីភ្នំពេញ: កាលពីព្រឹកថ្ងៃទី២៣ មករា ២០១៦ ក្រុមអ្នកវិភាគមួយចំនួនបានលើកយកគោលការណ៍ភូមិឃុំមានសុវត្ថិភាពទាំង៩ចំណុចមកពិភាក្សាគ្នាលេងសើចរកចំណុចរួមដែលមានសកម្មភាពចោរលួចឆក់ប្លន់បាញ់កាប់សម្លាប់ដែលជាប្រធានបទកំពុងតែចង់ឡើងកំដៅសារជាថ្មីម្តងទៀតនៅជុំវិញរាជធានីភ្នំពេញនិងតាមខេត្តផ្សេងៗហើយចំណុចសំខាន់នោះគឺល្បែងសុីសងដែលជាទម្លាប់របស់ប្រជាពលរដ្ឋតែងតែផ្សងសំណាងម្តងម៉ាកាលយូររាល់តែថ្ងៃនោះគឺកន្ទុយលេខ(ឆ្នោតយួន) នៅក្រោមផ្លាកហាង ឌុយមិច៥០ ផ្លូវ១៤០ កែងផ្លូវ១០៩ សង្កាត់មនោរម្យ ខណ្ឌ៧មករា តែគ្មានការអើពើពីសំណាក់នរគបាលនិងអាជ្ញាធរមូលពីថ្នាក់ក្រោមឡើងទៅ(ប្រហែលជាសុំការសម្រេចពីថ្នាក់កំពូលហើយមើលទៅទើបអាចបំបែកខ្នងនៅពីក្រោយបានមើលទៅ)។
យោងតាមប្រជាពលរដ្ឋម្នាក់បានខលទូរស័ព្ទរាយការណ៍ជូនទៅនរគបាលប៉ុស្ត៏ម្តងជា២ដងហើយថាកូននិងក្មួយគាត់បានចូលទៅលេខល្បែងខ្លាឃ្លោកខាងក្រោយភោជនីយដ្ឋានថ្មដាតែដូចជាគ្មានប្រសិទ្ធភាពសោះហើយបានឃើញមន្ត្រីនរគបាលចុះទៅប្រាប់និងណែនាំអប់រំដល់ទីតាំងកន្លែងលេង២ទៅ៣ដងដែរតែក្រុមអ្នកបើកកន្លែងទាំងនោះហាក់ដីចជាមិនខ្លាចរអាទៅនិងគោលការណ៍ភូមិឃុំមានសុវត្ថិភាពសោះឡើយ។ផ្ទុយពីសេចក្តីអំពាវរបស់សម្តេចនាយករដ្ឋមន្ត្រីដែលជាប្រមុខរាជរដ្ឋាភិបាលអោយបងប្អូនប្រជាពលរដ្ឋចូលរួមគោរពច្បាប់និងអនុវត្តន៍ច្បាប់ដើម្បីរក្សាសុខសន្តិភាពផលប្រយោជន៍សង្គមជាតិយើង។
ប្រជាពលរដ្ឋនិងឪពុកម្តាយសិស្សានុសិស្សសង្ឃឹមយ៉ាងជឿរជាក់ថាអាជ្ញាធរនិងអនុវត្តន៍គោលការភូមិឃុំមានសុវត្ថិភាពទាំង៩ចំណុចដើម្បីបំរើជូនប្រជាពលរដ្ឋដែលជាម្ចាស់ឆ្នោតដែលបានគ្រាំទ្រមកលើរាជរដ្ឋាភិបាលសព្វថ្ងៃបន្តទៅមុខទៀតផងដែរ៕