ឧត្តរមានជ័យ៖ កាលពីវេលាម៉ោង៨និង១០ននទីថ្ងៃទី២៣ ខែមករា ឆ្នាំ២០១៦ វត្តពុទ្ធា រាមគុជស្សាមានឬទ្ធិ ហៅវត្តគោកភ្លុក ត្រូវបានសម្ភោធដាក់អោយប្រើប្រាស់សមិទ្ធផលនានា ក្រោមអធិបតីភាពលោក ស ថាវី អភិបាលនៃគណះអភិបាលខេត្តឧត្តរមានជ័យ.លោកយឹម ធិន ប្រធានក្រុមប្រឹក្សាខេត្តនិងមន្ត្រីរាជការនៅក្នុងខេត្ត ប្រជាពលរដ្ឋនិងកម្លាំងប្រដាប់អាវុធទាំងបីប្រភេទជាង៣០០នាក់ ស្ថិតនៅក្នុងភូមិគោកភ្លុក សង្កាត់កូនក្រៀល ក្រុងសំរោង ខេត្តឧត្តរមានជ័យ។នៅក្នុងឱកាសនោះ លោកអ៊ុត សុភ័ក្រ អភិបាលក្រុងសំរោង បានឡើងអានរបាយណ៍ ពីសមិទ្ធផលនានានៅក្នុងវត្តពុទ្ធារាមគុជសារមានរិទ្ធិគោកភ្លុក ត្រូវបានកសាងឡើងពីឆ្នាំ២០០៦ ដោយអាជ្ញាធរភូមិ ឃុំ សង្កាត់និងពុទ្ធបវិស័ទចំណុះជើងវត្ត កសាងបានសាលា បុណ្យបណ្តោះអាសន្ន ១ខ្នងធ្វើអំពីឈើប្រក់ស្បូវ ហើយបាននិមន្តព្រះសង្ឃព្រះអង្គព្រះនាម ឈិន ឈាំង មកគង់ជាចៅអធិការវត្តបណ្តោះអាសន្ន មិនបានយូរប៉ុន្មានព្រអង្គ ក៏និមន្តចេញពីវត្តទៅដោយគ្មានមូលហេតុ។ហេតុដែលនាំឲ្យហៅវត្តពុទ្ធារាមគុជសារមានរិទ្ធិគោកភ្លុកដោយ ពួកគេមានជំនឿថា តំបន់នេះមានរឹទ្ធិពូកែសក្កិសិទ្ធ ទើបពុទ្ធបវិស័ទនៅទីនេះនាំគ្នាដាក់ឈ្មោះវត្តនេះជាប់រហូតមកទល់បច្ចុប្បន្ន។នៅឆ្នាំ២០០៧ដល់ឆ្នាំ២០០៩ ត ពីចៅអធិការព្រះនាមឈិន ឈាំង មកព្រះអង្គមួយអង្គ ទៀតព្រះនាមនាក់ នឿន បានមកគង់ក្នុងវត្តហើយក៏បានធ្វើចលនាពុទ្ធបរិស័ទជិតឆ្ងាយធ្វើការកសាងបន្តបន្ទាប់ដូចជា: កុដិ ២ខ្នង ធ្វើអំពីឈើប្រក់ស័ង្កសី សាលាធម្មភាបណ្តោះអាសន្ន១ខ្នង ធ្វើអំពីឈើប្រក់ស័ង្កសី ស្រះទឹក១ទំហំ៨គុណ១២ម៉ែត្រ ដងទង់១គូរ។នឹងបានបើកបង្រៀនសាលាធម្មវិន័យ។នៅឆ្នាំ២០១៤ ព្រះអង្គ នាក់ នឿន បានដឹកនាំកសាងបន្តដូច ជាកុដិ១ខ្នងធ្វើអំពីបេតុង ទំហំ១០គុណ១៣ម៉ែត្រ បន្ទុប់ទឹក២ខ្នង៥បន្ទាប់និងព្រះវិហារមានទំហំ៩.២១ម៉ែត្រ បានចំនួន៣៥%នៅសល់ចំនួន៦៥%ព្រះអង្គបានចាកសិក្ខាបទទៅឆ្នាំ២០១៥។លោកជំទាវ ចាន់ គន្ធា ស ថាវី បានដង្ហែអង្គឋិនទានវេប្រគេនព្រះព្រះសង្ឃគង់ចាំព្រះវស្សា មានចំនួនទឹកប្រាក់សរុប៦.៥០០ដុល្លា និងចូលរួមចំណែកបុណ្យផ្សេងៗទៀតជាច្រើន ទុកសំរាប់កសាងក្នុង វត្តពុទ្ធារាមគុជសារមានរិទ្ធិគោកភ្លុក។ បន្ទាប់មកព្រះតេជគុណលៀង សំអឿន បានការនិមន្តពីព្រះមេគណខេត្តឧត្តរមានជ័យ ឲ្យមកគង់នៅក្នុងវត្តពីថ្ងៃទី១៦ ខែមិនា ឆ្នាំ២០១៥ ដើម្បីដឹកនាំកសាងបន្ត ពីចៅអធិការមុនដែលបានលាចាកសិក្ខាបទទៅ នៅឆ្នាំ២០១៥កន្លងទៅថ្មីៗនេះ។ព្រះអង្គបានប្រមូលនូវថវិកាផ្ទាល់ខ្លួនខ្លះ បានមកពីសំដែងព្រះធម៍ខ្លះនិងមានការជួយឧបត្ថម្ភពីពុទ្ធបរិស័ទជិតឆ្ងាយ ព្រះអង្គបានចាក់ដីចំនួន៧៣៥ឡានសរុបថវិកា១៦.៩០៥.០០០រៀលគត់ បានកសាងកុដិ២ខ្នងទំហំ១៣គុណ១៣ធ្វើអំពីបេតុងក្រោមជញ្ជាំងឈើ តំបូលប្រក់សុីប្រូ កុដិសំរាប់ទទួលភ្ញៀវទំហំ៥គុណ៩ធ្វើអំពីបេតុងក្រោម តំបូលប្រក់ស័ង្កសី តតាក់ទំហំ៣គុណ៩ តំបូលប្រក់ស័ង្កសី បានធ្វើផ្ទះបាយមានទំហំ៨គុណ១២។ហើយក៏មានរៀបចំប្រព័ន្ធភ្លើងមានចំនួន១៨.៤៩៣.២៥$.មានជួយឧបត្ថម្ភធំ ពីឧបាសិកា ពត សុផាប ជួយកុដិ១ខ្នងមានទំហំ៦គុណ៧ បាសាំងទឹក ទូយោទឹក៤០០ម៉ែត្រ ស័ង្កសីចំនួន៧១សន្លឹក សុីម៉ុងដ៏.ឥដ្ឋ.ទ្សាច់និងសំភារះមួយចំនួនទៀត សរុបថវិកា១២.៦៩៧$ និងឧបាសិកា ឈើន ប្រាក់កប ម្ចាស់សណ្ថាគារឈើន ប្រាក់កប បានជួយឧបត្ថម្ភធំបានជាវព្រះពុទ្ធបដិមាដែលមានទំហំកម្ពស់២គុណ១០ម៉ែត្រនិងបល្ល័ង្គអស់ទឹកប្រាក់សរុប២.៦០០$និងប្រក់រៀល១.៣៣០.០០០៛ទៀតផង៕នៅក្នុងឱកាសនោះដែល លោក ស ថាវី អភិបាលខេត្ត បានមានប្រសាសន៍សំណេះសំណាលជាមួយប្រជាពលរដ្ឋ រួចមក លោកអភិបាលខេត្ត បានថ្លែងអំណរគុណដល់ប្រជាពលរដ្ឋ ដែលបានចំណាយថវិកាផ្ទាល់ខ្លួននិងសំភារះ ដើម្បីជួយទៅដល់ព្រះពុទ្ធសាសនា ដូចមានឈ្មោះខាងលើស្រាប៕