កំពត៖ បុរសម្នាក់ត្រូវបានកំលាំងនគរបាលក្រុងកំពតចាប់ឃាត់ខ្លួនបញ្ជូនទៅកាន់ការិយាល័យព្រហ្មទណ្ឌ័កំរិតស្រាលនៃស្នងការដ្ឋាននគរបាលខេត្ត បន្ទាប់ពីបុរសជាជនសង្ស័យរូបនោះទំនាស់ពាក្យសំដីគ្នានៅកន្លែងហូបការមិត្តភគ្រ័មួយកន្លែងស្ថិតនៅឃុំជុំគ្រៀល ស្រុកទឹកឈូ កាលពីយប់ថ្ងៃទី២៤ ០១ ២០១៦កន្លងទៅ ហើយពេលត្រឡប់មកដល់កន្លែងស្នាក់នៅវិញវេលាម៉ោង១២ ៣០នាទីរំលងអាធ្រាត្រឈានចូលថ្ងៃទី២៥មករាឆ្នាំ ២០១៦ ជននេះបានយក កាំបិតចុងស្រួចកាប់ប្រហារទៅលើជនរងគ្រោះដែលទាស់សំដីគ្នានៅកន្លែងហូបការជាច្រើនកាំបិតបណ្តាលឲ្យរងរបួសយ៉ាងធ្ងន់ធ្ងរត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យបង្អែកខេត្ត។
យោងតាមប្រភពពត៌មានពីអ្នករស់នៅក្នុងភូមិជាមួយគ្នាបានឲ្យដឹងថាៈជនសង្ស័យដែលនគរបាលឃាត់ខ្លួនពីបទអំពើហឹង្សាទៅលើជនរងគ្រោះនេះមានឈ្មោះសុខ ដាវិនភេទប្រុសអាយុ២៩ឆ្នាំ ស្នាក់នៅកន្លែងកើតហេតុភូមិទ្វីខាងត្បូង សង្កាត់អណ្តូងខ្មែរ ក្រុងកំពត។
ប្រភពដដែលឲ្យដឹងទៀតថាៈ មុនពេលកើតហេតុ បុរសរូបនេះនិងជនរងគ្រោះបានទៅចូលរួមហូបកាមិត្តភគ្រ័នៅភូមិជុំគ្រៀល ឃុំជុំគ្រៀល ស្រុកទឹកឈូ ក្នុងពេលហូបនោះមានទាស់សំដីគ្នានៅកន្លែងហូបការម្តងរួចទៅហើយ ហើយក៍បានវិលមកផ្ទះវិញរៀងៗខ្លួន។ ស្រាប់តែនៅវេលាម៉ោង១២ ៣០នាទីរំលងអាធ្រាថ្ងៃទី២៤ឈានចូលថ្ងៃទី២៥ខែមករាឆ្នាំ២០១៦ ឈ្មោះសុខ ដាវិន បានកាន់កាំបិតចុងស្រួចដូចដាវសាម៉ូរ៉ៃ មកកាប់ឈ្មោះ រស់ ភីរៈ ជាច្រើនកាំបិតបណ្តាលឲ្យរងរបួសយ៉ាងធ្ងន់ធ្ងរជាច្រើនកន្លែង ហើយត្រូវបានអ្នកភូមិដែលស្នាក់នៅជិតគ្នារត់មកជួយចាប់និងឃាត់ ព្រមទាំងយកអ្នករងគ្រោះទៅកាន់មន្ទីរពេទ្យបង្អែកខេត្តដើម្បីជួយសង្គ្រោះ ហើយក្រុមគ្រួសារជនរងគ្រោះបានប្តឹងសមត្ថកិច្ចឲ្យឃាត់ខ្លួនជនសង្ស័យទាំងយប់។
ប្រភពពីជនរងគ្រោះបានឲ្យដឹងថាៈ ជនសង្ស័យធ្លាប់បាននិយាយព្រមានខ្លួនកន្លងមកថាៈ ហ្អែងឈប់ទាក់ទងប្រពន្ឋអញប្រយត្ន័ថ្ងៃក្រោយអញឃើញឌុបប្រពន្ឋអញទៀត ប្រយត្ន័បែកក្បាល។ក្នុងករណីនេះជនរងគ្រោះនិងប្រពន្ឋជនសង្ស័យជាបុគ្គលិកបំរើក្នុងហាងខារ៉ាអូខេជាមួយគ្នា។
ដូច្នេះទើបជនរងគ្រោះនិយាយថាខ្លួនគ្មានបំណងអ្វីទៅលើស្ត្រីជាប្រពន្ឋជនបង្កនោះទេ គ្រាន់តែពេលម៉ោងធ្វើការសួរនាំគ្នាជាធម្មតា ពីព្រោះខ្លួនជាអ្នកបំរើក្នុងហាងដូចគ្នា។ ប៉ុន្តែជនបង្កនៅមានការមិនទុកចិត្តនិងជនរងគ្រោះក៍មានចិត្តប្រចណ្ឌ័ប្រពន្ឋខ្លួនជាមួយជនរងគ្រោះ រហូតមានគំនុំជាមួយជនរងគ្រោះឈានទៅកាប់ប្រហារយ៉ាងមិនញញើតដៃដូច្នេះ។
សមត្ថកិច្ចនគរបាលការិយាលយ័ព្រហ្មទណ្ឌ័កំរិតស្រាលស្នងការខេត្តបានធ្វើការសន្និដ្ឋានពីអង្គហេតុនៃការបង្កអំពើហឹង្សារទៅលើជនរងគ្រោះគឺដើមហេតុកើតឡើងពីការប្រចណ្ឌ័ប្រពន្ឋ ទើបមានគំនុំជាមួយជនរងគ្រោះហើយឈានទៅប្រព្រឹត្តអំពើហឹង្សាដោយចេតនា សមត្ថកិច្ចក៍បានកសាងសំណុំរឿងបញ្ជូនជនសង្ស័យខាងលើទៅកាន់សាលាដំបូងខេត្តដើម្បីចាត់ការតាមផ្លូវច្បាប់៕
