ភ្នំពេញ៖ ជនសង្ស័យចំនួន ២នាក់ ត្រូវបានសមត្ថកិច្ចនគរបាលប៉ុស្ត៏ទំនប់ទឹកធ្វើការចាប់ឃាត់ខ្លួន បន្ទាប់ពីជនសង្ស័យទាំង ២នាក់ខាងលើ បានធ្វើសកម្មភាពលួចម៉ូតូរបស់បងប្អូនប្រជាពលរដ្ឋ បានសម្រេចហើយជិះម៉ូតូឌុបគ្នា ដើរលេង ត្រូវសមត្ថកិច្ចដើរល្បាតឃើញមានការសង្ស័យហៅឈប់ ដើម្បីធ្វើការសាកសួរទើបដឹងថា ជនសង្ស័យបានធ្វើសកម្មភាពលួចម៉ូតូរបស់ប្រជាពលរដ្ឋ ក៏ឃាត់ខ្លួនយកមកកាន់ប៉ុស្ត៏ទំនប់ទឹកតែម្តង ហេតុការណ៏នេះបានកើតឡើងកាលពីវេលាម៉ោង ៩ និង៣០នាទី ថៃ្ងទី១៣ខែឧសភា ឆ្នាំ ២០១៤ ស្ថិតនៅចំណុចមុខផ្ទះលេខ ៣២២ ផ្លូវលេខ ១២៨ ក្រុមទី១៩ ភូមិ៤ សង្កាត់មិត្តភាព ខណ្ឌ៧មករា។
លោក អនុសេនីយ៏ទោ ផន អូន នាយប៉ុស្ត៏នគរបាលទំនប់ទឹក បានឲ្យដឹងថា ជនសង្ស័យទាំងពីរនាក់ ដែលសមត្ថកិច្ចឃាត់ខ្លួនបានខាងលើទី១មានឈ្មោះ ឡាំ ភារុន ភេទប្រុស អាយុ ២៦ ឆ្នាំ មានមុខរបរដើររើសអេតចាយ ស្នាក់នៅម្តុំបុរីកីឡា ក្នុងសង្កាត់វាលវង់ ខណ្ឌ៧មករា ។ ជនសង្ស័យទី២មានឈ្មោះ ឈុំ មាន ភេទប្រុស អាយុ៣២ឆ្នាំ មានមុខរបរជាអ្នកដើររើសអេតចាយ ស្នាក់នៅក្នុងភូមិទួលពង្រ សង្កាត់ចោមចៅ ខណ្ឌពោធិសែនជ័យ ។
វត្ថុតាងដែលសមត្ថកិច្ចដកហូតពីជនសង្ស័យបានរួមមាន ម៉ូតូមួយគ្រឿងម៉ាក វីវ៉ា ពណ៌ខ្មៅ ពាក់ស្លាកលេខ ភ្នំពេញ 1O-9964 ត្រូវបានសមត្ថកិច្ចប្រគល់ទៅឲ្យជនរងគ្រោះជាម្ចាស់ម៉ូតូវិញមានឈ្មោះ ទៀប ប៊ុនសាត ភេទប្រុស អាយុ២៧ឆ្នាំ ស្នាក់នៅផ្ទះលេខ ៣៣០ ផ្លូវលេខ ១២៨ ក្រុមទី១៩ ភូមិ៤ សង្កាត់មិត្តភាព ខណ្ឌ៧មករា ។ មុនពេលកើតហេតុ ជនរងគ្រោះបានជិះម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1O-9964 តែម្នាក់ឯង មកពីផឹកស៊ីម្តុំផ្សាតាប៉ាង ក្នុងសង្កាត់ផ្សារថ្មីទី៣ មក
ផ្ទះខ្លួនវិញពេលជនរងគ្រោះជិះម៉ូតូមកដល់ច្រកចូលផ្ទះជនរងគ្រោះក៏បានឈប់ម៉ូតូ នៅខាងមុខផ្ទះ ដោយស្រវឹងស្រាផងនោះ ជនរងគ្រោះបានដើរទៅដេកនៅលើគ្រែ លង់លក់តែម្តង ខណៈពេលនោះក៏មានជនសង្ស័យឈ្មោះ ឡាំ ភារុន បានដើររើសអេតចាយ ឃើញជនរងគ្រោះជ្រុះសោរម៉ូតូ ដើរជនសង្ស័យរូបនោះបានយកកូនសោរទៅចាក់ម៉ូតូ បន្ទាប់ក៏បណ្តើរចេញទៅបានបន្តិច ក៏ឡើងជិះម៉ូតូទៅហៅជនសង្ស័យម្នាក់ទៀតឈ្មោះ ឈុំ មាន ឲ្យរកម៉ូយទិញម៉ូតូនិងដើម្បីចែកលុយគ្នាចាយ រួចក៏នាំគ្នាជិះម៉ូតូទៅកាច់ស្លាកលេខចោល នៅម្តុំភូមិទួលពង្រ ហើយក៏បន្តជិះម៉ូតូឌុបគ្នាមកដោះកុងទ័រលក់ឲ្យគេនៅម្តុំឃ្លាំងរំសេវ តាមផ្លូវ បានលុយចំនួន ៣០ដុល្លារ ស៊ីចាយអស់ ។
លុះដល់ថៃ្ងទី ១៣ ខែឧសភា ឆ្នាំ២០១៤ វេលាម៉ោង ៩ និង ៣០នាទី ជនសង្ស័យបាននាំគ្នាជិះម៉ូតូមកដល់ចំណុចផ្ទះគ្មានលេខ សំណង់មិនរៀបរយ ផ្លូវលេខ ២០៩ ក្រុម២៥ ភូមិ ៤ សង្កាត់ទំនប់ទឹក ខណ្ឌំការមន សមត្ថកិច្ចនគរបាលប៉ុស្ត៏បានដើរល្បាតដើរល្បាតក្នុងភូមិសាស្ត្រ បានប្រទះឃើញជនសង្ស័យទាំង២នាក់ កំពង់ជិះម៉ូតូឌុបគ្នា ដើរលេង ក៏មានការសង្ស័យហៅឲ្យឈប់ ដើម្បីធ្វើការសាកសួរទើបដឹងថា ជនសង្ស័យខាងលើបានធ្វើសកម្មភាពលួចម៉ូតូរបស់ជនរងគ្រោះឈ្មោះ ទៀប ប៊ុនសាត នៅវេលាម៉ោងកើតហេតុខាងលើ ក៏ធ្វើការចាប់ឃាត់ខ្លួន យកមកកាន់នគរបាលប៉ុស្ត៏ទំនប់ទឹក ដើម្បីធ្វើការសាកសួរបន្ត ។
ជនសង្ស័យទាំង ២នាក់ខាងលើ ត្រូវបាននគរបាលប៉ុស្ត៏ទំនប់ធ្វើការបញ្ជូនខ្លួនទៅកាន់អធិការរដ្ឋាននគរបាលខណ្ឌចំការមន ដើម្បីធ្វើការឃុំខ្លួនបណ្តោះអាសន្ន និងកសាងសំណុំរឿង បញ្ជូនខ្លួនជនសង្ស័យទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕
