ភ្នំពេញៈ លោកស្រីម៉ែនសំអនចុះអញ្ជើញ ជួបសំណេះសំណាលជាមួយកម្មករកម្មការិនីនៅរោងចក្រTOP SPORTនៃតំបន់សេដ្ឋកិច្ចពិសេសមែនហាតធេនក្រុងបាវិត ខេត្តស្វាយរៀងៈលោកស្រីម៉ែនសំអនឧបនាយករដ្ឋមន្ត្រីនិងជារដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រិទ្ធសភានិងអធិការកិច្ចបានអញ្ជើញ ជួបសំណេះសំណាលជាមួយកម្មករកម្មការិនីនៅរោងចក្រTOP SPORTនៃតំបន់សេដ្ឋកិច្ចពិសេសមែនហាតធេនក្រុងបាវិត។ការចុះជួបសំណេះសំណាលនេះបានធ្វើឡើងកាលពីព្រឹកថ្ងៃទី២៩ខែមករាឆ្នាំ២០១៦ដែលមានថៅកែរោងចក្រនិងកម្មករចូលរួមជាង៥០០នាក់ផងដែរ។
ថ្លែងក្នុងឪកាសនោះលោកស្រីម៉ែនសំអនក៏បានធ្វើការកោតសសើរដល់ក្មួយៗជាកម្មករកម្មការិនីដែលបានខិតខំធ្វើការងារដើម្បីលើកកំពស់ជីវភាពរស់នៅបានមួយកំរិតបន្ថែមលើចំណូលជីវភាពប្រចាំថ្ងៃមិនតែប៉ុណ្ណោះថៅកែរោងចក្រនិងកម្មករគឺប្រៀបបាននិងឪពុកម្ដាយនិងកូនព្រោះកាលណាកម្មករកម្មការិនីខិតខំបំពេញការងារទៅតាមតម្រូវការរបស់ថៅកែវាធ្វើអោយមានការរីកចំរើននោះក៏មានប្រាក់ខែបើកអោយបានទៀងទាត់ប្រចាំខែផងដែរ។លោកស្រីម៉ែនសំអនក៏បានបន្តទៀតថាសម្រាប់ខេត្តស្វាយរៀងយើងនេះកាលពីមុនពុំធ្លាប់មានរោងចក្រសហគ្រាសដ៏ច្រើនបែបនេះទេដោយក្រោមការដឹកនាំរបស់សម្ដេចតេជោហ៊ុនសែនជានាយករដ្ឋមន្ត្រីបានខិតខំគៀងគរអ្នកវិនិយោគទុនបរទេសមកធ្វើការវិនិយោគក្នុងប្រទេស
ហើយភាគច្រើនអ្នកវិនិយោគទាំងនោះមិនសូវមកបង្កើតរោងចក្រសហគ្រាសនៅខេត្តណាដែលមិនមានសមុទ្រឬទន្លេនោះទេជាក់ស្ដែងដូចជាខេត្តស្វាយរៀងយើងនេះពុំមានសមុទ្រដែលជាផ្លូវដឹកជញ្ជូនតាមផ្លូវទឹកទេទើបសម្ដេចតេជោបានត្រិះរិះពិចារណាធ្វើយ៉ាងណាអោយខេត្តស្វាយរៀងនេះមានរោងចក្រនិងសហគ្រាសដើម្បីធ្វើអោយប្រជាពលរដ្ឋមានការងារធ្វើនៅជិតផ្ទះសម្បែងទើបអ្នកវិនិយោគក៏បានមកបង្កើតរោងចក្រមានរហូតដល់ទៅជាង៥០រោងចក្រនិងអាចស្រូបយកកម្មករជិត៤ម៉ីននាក់។លោកស្រីម៉ែនសំអនក៏បានធ្វើការជំរុញដល់កម្មករកម្មការិនីទាំងអស់ដែលកំពុងបំពេញការងារក្នុងខេត្តត្រូវខិតខំធ្វើការហើយរាល់ការមិនសប្បាយចិត្តណាមួយក្នុងរោងចក្រយើងមានសហជីពសម្រាប់ជួយដោះស្រាយជៀសវាង
ការជឿតាមអ្នកឃោសនាអគតិមួយចំនួនដែលនាំកម្មករដើរផ្លូវខុសដូចជាការធ្វើកូបកម្មបាតុកម្មដែលនាំអោយថៅកែរោងចក្រមិនសប្បាយចិត្តនិងទៅបង្កើតរោងចក្រនៅប្រទេសផ្សេងដែលធ្វើអោយបាត់បង់ការងារគឺប្រៀបបានវៃបំបែកឆ្នាំងបាយរបស់ខ្លួនអញ្ជឹងហើយរាជរដ្ឋាភិបាលមិនដែលព្រងើយកន្តើយចំពោះការគិតគូរតម្លើងប្រាក់ខែអោយកម្មករនោះទេគឺតម្លើងតាមតំណាក់កាលរបស់វាមិនមែនចេះតែតម្លើងទេក្នុងន័យធ្វើយ៉ាងណាដើម្បីអោយជីវភាពរបស់បងប្អូនកម្មករអោយបានសមរម្យម្យ៉ាងវិញទៀតសូមអោយក្មួយៗកម្មករត្រូវចេះថែរក្សាសុខភាពអនាម័យដោយហូបស្អាតផឹកស្អាតនិងសូមអោយថៅកែរោងចក្ររៀបចំកន្លែងធ្វើការរបស់កម្មករអោយមានខ្យល់បរិយាកាសល្អផងដែរ។សូមបញ្ជាក់ថាក្នុងខេត្តស្វាយរៀងវិស័យរោងចក្រកាត់ដេរមានការរីកចំរើនគួអោយកត់សំគាល់ដោយមានតំបន់សេដ្ឋកិច្ចពិសេសជាច្រើនកន្លែងដែលមានរោងចក្រជាង៥០និងកម្មករជិត៤ម៉ីននាក់កំពុងបំរើរការងារក្នុងខេត្តមួយនេះ។នាឪកាសនោះដែរលោកស្រីម៉ែនសំអនក៏មានអំណោយជារបស់កំដរដៃជូនដល់កម្មករកម្មការិនីចំនួន៥៥០នាក់ដោយក្នុងម្នាក់ៗទទួលបានថវិការ២ម៉ីនរៀល។
