ខេត្តសៀមរាប ដើម្បីអនុវត្តឲ្យកាន់តែមានប្រសិទ្ធិភាពនូវគោលនយោបាយភូមិឃុំមានសុវត្ថិភាពនិង ការគ្រប់គ្រងអាវុធជាតិផ្ទុះសន្តិសុខ សុវត្ថិភាពជូនប្រជាពលរដ្ឋភ្ញៀវជាតិអន្តរជាតិក្រោមការយកចិត្តទុកដាក់ខ្ពស់របស់ឯ.ឧបណ្ឌិតឃឹម ប៊ុនសុងអភិបាលនៃគណៈអភិបាលខេត្តនិងជាប្រធានគណៈបញ្ជាការឯកភាពរដ្ឋបាលខេត្តសៀមរាប និងការចង្អុលបង្ហាញរបស់លោកឧត្តមសេនីយ៍ត្រីប៉ោ វណ្ណនិតមេបញ្ជាការកងរាជអាវុធហត្ថខេត្តសៀមរាបកាលពេលរាត្រីវេលាម៉ោង២១,០០នាទីនាថ្ងៃទី ០២កុម្ភះឆ្នាំ២០១៦កម្លាំងកងរាជអាវុធហត្ថខេត្តចំនួន២០នាក់ដឹកនាំរបស់លោកវរៈសេនីយ៍ទោថា ដាលុចប្រធានមន្ទីរយុត្តិធម៌បានចុះធ្វើការបង្ក្រាបករណីកាន់កាប់ដឹកជញ្ជូនអាវុធដោយគ្មានការអនុញ្ញាត ដែលបានបាញ់បោះសេរី កាលវេលាម៉ោង ១៧និង៣០នាទីនាថ្ងៃទី០២ ខែ កុម្ភះ ឆ្នាំ២០១៦ នៅចំណុចហាង ខារ៉ាអូខេ HIDDEN PALACE ក្នុងបន្ទប់លេខ ៧៧៧៧ ស្ថិតនៅក្នុងភូមិសាស្ត្រ ភូមិ គោកត្នោត ឃុំ កណ្តែក ស្រុកប្រាសាទបាគង ខេត្តសៀមរាប ។
ក្នុងនោះជនសង្ស័យទី១ឈ្មោះ គី ហាក់ឡុង ភេទប្រុស អាយុ ៣៨ឆ្នាំ មុខរបបជាយោធា ដែលមានទីលំនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប , អ្នកទី២ឈ្មោះ តាន់ ហ៊ុយហួត មុខរបបជាយោធា មានទីលំនៅភូមិជន្លង់ សង្កាត់សាលាកំរើក ក្រុងសៀមរាប ហើយអ្នកទាំងពីរនេះត្រូវបានឃាត់ខ្លួននៅចំណុចភូមិគោកចក សង្កាត់គោកចក ក្រុង ខេត្តសៀមរាប ។
តាមចម្លើយរបស់ជនសង្ស័យបានសារភាពថា ការផ្ទុះអាវុធនេះ ដោយខ្លួនបានធ្វើឲ្យជ្រុះធ្លាក់ ហើយបានរៀលផ្ទុះ ឡើងចំនួន០១គ្រាប់ តែមិនបង្កឲ្យមានគ្រោះថ្នាក់ដល់អ្នកណាម្នាក់ឡើយ ។
បើតាមការបញ្ជាក់របស់សមត្ថកិច្ចបានឲ្យដឹងថា ករណីចំពោះជនសង្ស័យទាំងពីរនាក់នេះ តែងបង្កឲ្យមានការ ភ្ញាក់ផ្អើលដល់ប្រជាពលរដ្ឋនៅក្រុងសៀមរាប ចំនួន២លើកមកហើយ ក្នុងការបាញ់បោះសេរីនេះ ។ នៅពេលដែល កម្លាំងសមត្ថកិច្ចយើងបានចាប់ឃាត់ខ្លួនបញ្ជូនទៅតុលាការ មិនបានមួយដង្ហើមផង ក៏ឃើញជនសង្ស័យនេះដើរហើរ ដោយសេរី ដោយមិនដឹងមូលហេតុ ។ ការបាញ់បោះសេរីនេះ គឺជាលើកទី៣ហើយដែលជនទាំងពីរនេះ បានបង្កឲ្យ មានការភ្ញាក់ផ្អើលនៅក្នុងក្រុងប្រវត្តិសាស្ត្រ ដែលសម្បូរទៅដោយភ្ញៀវទេសចរណ៍ជាតិ អន្តរជាតិចូលមកទស្សនា កម្សាន្តដោយជនទាំងពីរនេះគឹតថាអាងខ្លួនជាយោធា ដែលធ្វើឲ្យប៉ះពាល់យ៉ាងខ្លាំងដល់កងកម្លាំងយោធពលខេមរ ភូមិន្ទ ដែលមាទឹកចិត្តភក្តីក្នុងកិច្ចការពារបូរណភាពទឹកដីកម្ពុជា ឲ្យមានភាពសុខសាន្ត និង កិច្ចអភិវឌ្ឍន៍ ។
ក្នុងនោះកម្លាំងសមត្ថកិច្ចយើងបានដកហូតនូវវត្ថុតាង រួមមាន អាវុធខ្លី ម៉ាកឡុក ១ដើម មានបង់០១ គ្រាប់ចំនួន ១៣គ្រាប់ ទូរស័ព្ទដៃ ០៤គ្រឿង ។
បច្ចុប្បន្នកម្លាំងការិយាល័យជំនាញ បានកសាងសំណុំរឿង បញ្ជូនជនសង្ស័យនិង វត្ថុតាងទៅកាន់សាលាដំបូង ខេត្តសៀមរាប ដើម្បីចាត់ការទៅតាមនីតិវិធីផ្លូវច្បាប់ ៕