ភ្នំពេញ៖បក្សពួកមុខសញ្ញាដែលនៅសេសសល់វាយប្លន់យកម៉ូតូនៅអាណាចក្រខណ្ឌឫស្សីកែវកាលពីរថ្ងៃទី០៦ ខែ មករា ឆ្នាំ ២០១៦ កន្លងទៅថ្មីៗនេះ បន្ទាប់ពីរស្រាវជ្រាវចាប់ខ្លួនជាបន្តបន្ទាប់ចំនួន៥នាក់ឥឡូវនេះត្រូវបាននគរបាលប៉ុស្ដិ៍ឫស្សីកែវ ខណ្ឌឫស្សីកែវស៊ើបអង្កេតចាប់ខ្លួនបានម្នាក់ទៀតហើយកាលពីរវេលាម៉ោង១០និង៣០នាទីយប់ថ្ងៃទី០៣ ខែ កុម្ភះ ឆ្នាំ ២០១៦នៅចំណុចលើសួនច្បារសូគីម៉ិច តាមបណ្ដោយផ្លូវជាតិលេខ៥ ក្រុម៤ ភូមិឃ្លាំងសាំង សង្កាត់ឬស្សីកែវ ខណ្ឌឫស្សីកែវ ។មន្ត្រីនគរបាលបានឲ្យដឹងថាជនត្រូវជាប់សង្ស័យ១ឈ្មោះ ដួង ដាវីត ហៅ វីត ភេទប្រុស អាយុ១៨ ឆ្នាំ ២ឈ្មោះហាក់ វាសនា ហៅអាង៉ោ ភេទប្រុស អាយុ១៨ឆ្នាំ ជនសង្ស័យទាំង២គឺជាមុខសញ្ញាទី៦និងទី៧ដែលត្រូវសមត្ថកិច្ចចាប់ខ្លួនដោយចោទប្រកាន់ពីរបទផ្សំគំនិតវាយប្លន់យកម៉ូតូរបស់ប្រជាពលរដ្ឋក្នុងទឹកដីខណ្ឌឫស្សីកែវកន្លងមកជាមួយនិងបក្សពួក៥នាក់ទៀតដែលត្រូវបានសមត្ថកិច្ចចាប់ខ្លួនជាបន្តបន្ទាប់កាលពីរអំឡុងចុងឆ្នាំ២០១៥។មន្ត្រីនគរបាលបានឲ្យដឹងទៀតថាក្រោយពីរធ្វើការសាកសួរជនសង្ស័យទាំង២នាក់ខាងលើកម្លាំងនគរបាលមូលដ្ឋានអាចកំណត់បានមុខសញ្ញានិងកំពុងបន្តស៊ើបអង្កេតស្វែងរកចាប់បក្សពួកដែលនៅសេសសល់បន្ថែមទៀតផងដែរ។បច្ចុប្បន្នជនត្រូវជាប់សង្ស័យវាយប្ល់យកម៉ូតូទាំង២នាក់កំពុងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវដើម្បីបន្តនិតិវិធីកសាងសំនុំរឿងបញ្ជូនខ្លួនទៅសាលាដំបូងរាជធានីភ្នំពេញចាត់ការតាមផ្លូវច្បាប់៕
ដោយ ប៊ុន ធី