ខេត្តព្រះវិហារក្មេងស្រីសិស្សសាលាចំនួន៥នាក់បានដួលសន្លប់បន្តបន្ទាប់គ្នាក្នុងសាលាវិទ្យាល័យជាស៊ីមត្បែងមានជ័យស្ថិតក្នុងភូមិអណ្តូងពោធិ៍សង្កាត់កំពង់ប្រណាកក្រុងព្រះវិហារដោយសារភ័យខ្លាចនឹងសូរសំលេងដុតផាវធំៗផ្ទុះខ្លាំងទ្បើង។ហេតុការណ៍នេះបង្កដោយក្មេងប្រុសសិស្សសាលាទំនើង២នាក់កាលពីវេលាម៉ោង៨និង៣០នាទីព្រឹកថ្ងៃទី០៣កុម្ភះ២០១៦នេះ។
អាណាព្យាបាលក្មេងស្រីសិស្សសាលារងគ្រោះម្នាក់បានអោយដឹងថាកូនស្រីរបស់គាត់ឈ្មោះសុខទ្បេងអាយុ១៥ឆ្នាំមានទីលំនៅភូមិសំរោងសង្កាត់កំពង់ប្រណាកក្រុងព្រះវិហាររៀនថ្នាក់ទី១០Bនៃវិទ្យាល័យជាស៊ីមត្បែងមានជ័យបានដួលសន្លប់កាលពីព្រឹកមិញ។
កូនស្រីរបស់គាត់បានដឹងខ្លួនវិញនិងចេញពីមន្ទីរពេទ្យបង្អែកខេត្តហើយនៅវេលាម៉ោង១០ព្រឹកថ្ងៃដដែលនេះ។កូនគាត់បាននិយាយប្រាប់អោយដឹងថាហេតុការណ៍ដួលសន្លប់នេះដោយសារក្រុមសិស្សសាលាដូចគ្នាលេងដុតផាវហើយបោះចូលផ្ទុះឮសូរខ្លាំងក្នុងថ្នាក់រៀន។ខណះកំពុងរៀនមិនដឹងខ្លួនស្មានថាគ្រាប់បែកពិតប្រាកដផ្ទុះទ្បើងបង្កអោយភ័យតក់ស្លុតហើយដួលសន្លប់។ក្មេងស្រីរងគ្រោះនិយាយថាគ្រាប់ផាវដែលដុតលេងនោះទំហំប៉ុនមេដៃរាងមូលក្រទ្បាទាបពណ៌ខៀវ។
លោកគង់គារអធិការនគរបាលក្រុងព្រះវិហារបានអោយដឹងថាការលេងដុតផាវនៅក្នុងវិទ្យាល័យជាស៊ីមត្បែងមានជ័យនៅវេលាម៉ោង៨និង៣០នាទីព្រឹកថ្ងៃទី០៣កុម្ភះនេះបណ្តាលអោយដួលសន្លប់ក្មេងស្រីសិស្សសាលាចំនួន៥នាក់ភ្លាមៗ។ជំហានដំបូងក្នុងហេតុការណ៍នោះលោកបានដឹកសិស្សសាលា៣នាក់ទៅកាន់មន្ទីរពេទ្យបង្អែកខេត្តភ្លាមៗផងដែរហើយ២នាក់ទៀតរថយន្តពេទ្យទៅយកតាមក្រោយ។
លោកអធិការនគរបាលបន្តថាសិស្សស្រីទាំង៥នាក់បានដឹងខ្លួនវិញហើយនៅវេលាម៉ោង១០ព្រឹកនេះដោយសារក្រុមគ្រូពេទ្យជួយព្យាបាល។លោកបញ្ជាក់ថាបានឃាត់ខ្លួនក្មេងប្រុសសិស្សសាលា២នាក់ដែលជាអ្នកប្រព្រឹត្តយកទៅសួរនាំនៅអធិការដ្ឋាននគរបាលក្រុងព្រះវិហារ។សិស្ស២នាក់នេះត្រូវបានអប់រំណែនាំនិងអោយធ្វើកិច្ចសន្យាឈប់ប្រព្រឹត្តហើយបានហៅឪពុកម្តាយមកធានាយកកូនទៅផ្ទះរៀងៗខ្លួនវិញ។
លោកអធិការនគរបាលបញ្ជាក់ថាសិស្សសាលា២នាក់ដែលសមត្ថកិច្ចយកមកអប់រំណែនាំរួមមានទី១ឈ្មោះឃុនដេវីតភេទប្រុសអាយុ១៣ឆ្នាំរៀនថ្នាក់ទី៨Cនិងទី២ឈ្មោះសុខសំណាងភេទប្រុសអាយុ១៣ឆ្នាំរៀនថ្នាក់ទី៨Cរីឯសិស្សស្រីរងគ្រោះទាំង៥នាក់មិនបានស្រង់យកឈ្មោះអស់នោះទេ។លោកអធិការនគរបាលក្រុងព្រះវិហារសូមប្រកាសដល់អាណាព្យាបាលទាំងអស់ជួយណែនាំកូនៗរបស់ខ្លួនកុំអោយលេងគ្រឿងផ្ទុះប្រភេទផាវអោយសោះនារដូវបុណ្យចូលឆ្នាំចិនវៀតណាមនៅថ្ងៃទី០៧កុម្ភះ២០១៦ខាងមុខនេះ៕
