ភ្នំពេញ៖ អាជ្ញាធរ័ខណ្ឌទួលគោក ដឹកនាំ ដោយលោក ឯក ឃុនឌឿន អភិបាលនៃគណៈអភិបាលខណ្ឌ បានធ្វើពិធីវាយកំទ្ទេចទូហ្គេម ចំនួន៨៥ទូ ប្រភេទទូហ្គេមបាញ់ត្រីចំនួន១៨ទូរប្រភេទហ្គេមបៀរនិងសេះចំនួន៦៧ទូរ កាលពីព្រឹកថ្ងៃទី៥ ខែកុម្ភះ ឆ្នាំ២០១៦នេះ ។
លោកអភិបាលខណ្ឌ បានមានប្រសាសន៍ថា ដេីម្បីលុបបំបាត់ល្បែងសីុសងក្នុងមូលដ្ឋានស្របតាមគោលនយោបាយភូមិ-សង្កាត់មានសុវត្ថិភាពរបស់ប្មុខរាជរដ្ឋាភិបាល និងដើម្បីរក្សាសន្ដិសុខ សណ្ដាប់ធ្នាប់ឱ្យបានល្អជូនប្រជាពលរដ្ឋផងដែរនោះ សាលាខណ្ឌទួលគោកបានវាយកម្ទេចទូហ្គេមប្រភេទល្បែងស៊ីសងចំនួន៨៥ទូរនេះ ក្នុងនោះមានហ្គេមប្រភេទបាញ់ត្រីចំនួន១៨ទូ ទូហ្គេមបៀនិងប្រភេទហ្គេមសេះចំនួន៦៧ទូ ដែលគ្មានច្បាប់អនុញ្ញាត ។
លោក ឯក ឃុនឌឿន អភិបាលខណ្ឌទួលគោក បានមានប្រសាសន៍បន្តថា ទូហេ្គមទាំង៨៥ទូនេះ ត្រូវបានរឹបអូសពីកន្លែងធើ្វអាជីវកម្មខុសច្បាប់ជាច្រើនកន្លែងនៅក្នុងខណ្ឌទួលគោកខណៈដែលពួកគេលួចបើកលេងទាំងយប់ទាំងថ្ងៃ ដោយពុំមានសុំការអនុញ្ញាត ។
បញ្ហាហេ្គមទាំងនេះ គឺជាប្រភេទល្បែងស៊ីសង ដែលធើ្វឲ្យពង្វក់សិស្សានុសិស្ស និងយុវវ័យមួយចំនួន លះបង់ការសិក្សា ដោយពួកគេគេចទៅលេងហេ្គម ហើយបំផ្លាញលុយ ឬទ្រព្យសម្បត្ដិរបស់អាណាព្យាបាល។ លើសពីនេះទៀត វាបានធើ្វឱ្យមានផលប៉ះពាល់ដល់ សណ្ដាប់ធ្នាប់សន្ដិសុខសង្គម តាមរយៈលេងហេ្គមចាញ់អស់លុយ ធើ្វឱ្យសិស្សានុសិស្ស ឬយុវវ័យទាំងនោះ អាចប្រព្រឹត្ដ អំពើដូចជា លួច ឆក់ ប្លន់និងកាប់ចាក់គ្នាជាដើម៕
ដោយ ប៊ុន ធី