ខេត្តកំពង់ឆ្នាំង៖ សាកសពហើមស្អុយរលួយរបស់បុរសម្នាក់ដេកស្លាប់ក្នុងព្រៃនៅលើចង្កេះភ្នំក្រាំងដីមាស ត្រូវបានអ្នកស្រុកប្រទះឃើញនៅល្ងាចថ្ងៃទី៤ ខែកុម្ភះ ឆ្នាំ២០១៦ ស្ថិតនៅក្នុងភូមិទ្រាជើង ឃុំស្រែថ្មី ស្រុករលាប្អៀរ មិនត្រូវបានគេស្គាល់អត្តសញ្ញាណនៅឡើយទេ ដោយសមត្ថកិច្ចសង្ស័យថាខ្យល់គរស្លាប់គ្មានអ្នកណាដឹង។
នៅព្រឹកថ្ងៃទី០៥ ខែកុម្ភះ ឆ្នាំ២០១៦ សមត្ថកិច្ចនគរបាលស្រុករលាប្អៀរសហការជាមួយសមត្ថកិច្ចនគរបាលបច្ចេកទេសខេត្ត បានចុះទៅពិនិត្យនៅកន្លែងកើតហេតុនិងធ្វើកោសល្យវិច្ច័យលើសពជនរងគ្រោះ ហើយបានអោយដឹងថា៖ ជនរងគ្រោះមានអាយុប្រ មាណជាង២០ឆ្នាំមានកំពស់ប្រមាណ១,៦០ម៉ែត្រ សម្បុរស្រអែមសក់រួញតិចៗ ពាក់អាវសផ្កា ស្លៀកខោត្រឹមក្បាលជង្គង់បង្កង់ ពណ៌ក្រហមខ្មៅ ពាក់ស្បែកជើងផ្ទាត់ពណ៌ខៀវ អ្នកស្រុកនៅទីនោះរាប់រយដែលបានទៅមើលសពជនរងគ្រោះ មិនបានស្គាល់អត្តសញ្ញា ណគេឡើយ។
ក្រោយបានធ្វើកោសល្យវិច្ច័យលើសពទៅតាមបច្ចេកទេសសមត្ថកិច្ចបានអោយដឹងថា៖នៅលើខ្លួនប្រាណជនរងគ្រោះពុំមានស្លាកស្នាមអ្វីគួរអោយកត់សំគាល់ថាជារឿងឃាត
កម្មឡើយ ករណីនេះសមត្ថកិច្ចសង្ស័យថាជនរងគ្រោះខ្យល់គរស្លាប់ម្នាក់ឯងគ្មានអ្នកណាដឹង។ តាមការវិភាគលើសពដែលហើម និងមានដង្កូវចោះតាមមាត់ ភ្នែក និងត្រចៀកផងនោះសមត្ថកិច្ចសន្និដ្ឋានថាជនរងគ្រោះបានស្លាប់២យប់៣ថ្ងៃហើយ។
តាមប្រភពពត៌មានពីលោកតាលោកយាយ នៅក្នុងវត្តធម្មវ័នដែលមានទីតាំងនៅលើចង្កេះភ្នំក្រាំងដីមាសបានអោយសមត្ថកិច្ចដឹងថា៖ កាលពីថ្ងៃទី០២ ខែកុម្ភះ ឆ្នាំ២០១៦ ជនរងគ្រោះបានជិះកង់មួយគ្រឿងយកទៅទុកចោលក្នុងវត្តធម្មវ័ន ដោយមិនបានផ្ញើអ្នកណាឡើយ នៅល្ងាចថ្ងៃទី០៤ ខែកុម្ភះ ទើបគេដឹងថាជនរងគ្រោះបានដេកស្លាប់នៅចំណុចខាងលើខាងត្បូងវត្តធម្មវ័នប្រមាណជាង១គីឡូម៉ែត្រ។
សពជនរងគ្រោះត្រូវបានសមត្ថកិច្ចប្រគល់ជូនអាជ្ញាធរមូលដ្ឋានជួយទុកដាក់បញ្ជុះ
ឬបូជាទៅតាមប្រពៃណី ហើយសមត្ថកិច្ចក៍សូមអំពាវនាវផងដែរដល់ក្រុមគ្រួសារសពដែលមានភិនភាគដូចខាងលើ សូមមកទាក់ទងទទួលយកសពជាមួយអាជ្ញាធរភូមិទ្រាជើង ឃុំស្រែថ្មី ស្រុករលាប្អៀរ ទៅតាមលទ្ធភាព៕
