កំពង់ធំៈ យ៉ាងហោចណាស់ ក៏មានផ្ទះចំនួន២ខ្នង ត្រូវបានអគ្គីភ័យឆេះគ្មានលស់ ក្នុងពេលតែមួយ ក្នុងឳកាសបុណ្យចូលឆ្នាំចិន ដោយសារតែការធ្វេសប្រហែស ដោយមិនបានមើលថែរភ្លើងធូបទាន ឲ្យបានល្អ ទើបបណ្តាលឲ្យឆាបឆេះ សន្ធរសន្ធៅគ្មានលស់ កាលពីរសៀលថ្ងៃទី ៧ ខែ កុម្ភះ ឆ្នាំ ២០១៦ ។
ករណីភ្លើងបានឆាបឆេះផ្ទះរបស់ ប្រជាពលរដ្ឋ អស់ចំនួន២ខ្នងក្នុងថ្ងៃសែនចិននេះ បានកើតឡើងនៅភូមិសូរិយា ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ អគ្គីភ័យបានលេបត្របាក់ផ្ទះ រួមទាំងសម្ភារះនិងទ្រព្យសម្បត្តិផ្សេងៗ ឆេះខ្ទេចខ្ទីគ្មានសល់កាលពីវវេលាម៉ោង១.៣០នាទី ម្ចាស់ផ្ទះត្រូវបានគេស្គាល់ឈ្មោះ តាប់ វ៉ា ភេទប្រុស អាយុ28ឆ្នាំ ត្រូវបានភ្លើងឆេះផ្ទះទំហំ 4គុណ6ម៉ែត្រ ធ្វើពីឈើ ជញ្ជាំងក្តាប្រកស្លឹកព្រមទាំងឆេះគ្រឿងផ្ទះ1គ្រឿងដែលរក្សាទុកនៅក្រោមផ្ទះឆេះខ្ទេចខ្ទីទាំងស្រុងបន្ទាប់មកក៏ភ្លើងក៏បានរាលទៅ ឆេះផ្ទះ១ខ្នងទៀតដែលមានទំហំ៧គុណ៨ម៉ែត្រឆេះទាំងស្រុង ម្ចាស់ផ្ទះឈ្មោះខ្ចៅ ជឿន ភេទស្រី អាយុ67ឆ្នាំ រស់នៅក្នុងភូមិជាមួយ ធ្វើអោយខាតបង់ស្រូវ៤០បេ លុយខ្មែរ៨០ម៉ីនរៀលនិងសម្ភារៈ មួយចំនួនទៀត។
លោកវរៈសេនីយ៍ត្រី យ៉េង សារ៉េន អធិការស្រុកប្រាសាទសំបូរបានអោយដឹងថា ក្រោយពីភ្លើងបានឆាបឆេះ ភ្លាមៗលោកបានទទួលសេចក្តីរាយការណ៍ ហើយបានជួយធ្វើអន្តរាគមន៍ ទំនាក់ទំនង ទៅរថយន្តពន្លត់អគ្គីភ័យ តែដោយសារទីតាំងកើតហេតុ នៅឆ្ងាយតាមជនបទចម្ងាយជិត៥០គ.ម ទើបរថយន្តពុំអាចជួយសង្គ្រោះបានទាន់ពេលវេលាបាន ដោយសារជារដូវប្រាំងហើយមានការខ្វះខាតទឹកផង រួមទាំងកំលាំងភ្លើងឆេះលឿនយ៉ាងឆាប់រហ័ស ទើបបណ្តាលឲ្យ ភ្លើងឆេះគ្មានលស់តែម្តង ។
ដោយ ប៊ុន រដ្ឋា