កំពង់ឆ្នាំង៖ លោក ឈួរ ច័ន្ទឌឿន អភិបាលខេត្តកំពង់ឆ្នាំងបានមានប្រសាសន៍ថា៖អត្តសញ្ញាប័ណ្ណមានសារៈសំខាន់សំរាប់សម្គាល់អទ្តសញ្ញាណរបស់ខ្លួនយកទៅប្រើប្រាស់បានដោយស្របច្បាប់ ដូចជាក្នុងការចូលបំរើការងារ សំរាប់ទិញលក់របស់ទ្រព្យ សំរាប់ចូលរួមចុះឈ្មោះបោះឆ្នោត និងទៅបោះឆ្នោតជ្រើសតំណាងរបស់ខ្លួន។ល។ លោកបានមានប្រសាសន៍បែបនេះនៅពេលសំណេះសំណាលនិងចែកអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋចំនួន២.៧៩០នាក់ នៅព្រឹកថៃ្ងទី០៦ ខែកុម្ភះ ឆ្នាំ២០១៦ នៅក្នុងវត្តត្រពាំងខ្មៅ ស្ថិតក្នុងភូមិពាមឃុំពាម ស្រុកសាមគ្គីមានជ័យ ខេត្តកំពង់ឆ្នាំង។
លោក ឈួរ ច័ន្ទឌឿន បានមានប្រសាសន៍បន្តថា៖ ប្រទេសកម្ពុជាក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី បានធ្វើអោយប្រទេសជាតិមានសុខសន្តិភាពស្ថេរភាព និងរក្សាបានសណ្តាប់ធ្នាប់សង្គមបានល្អគ្រប់ទីកន្លែង ដែលកត្តាទាំងអស់នេះបានធ្វើអោយប្រទេសកម្ពុជាមានការអភិវ ឌ្ឍន៍លើគ្រប់វិស័យ និងធ្វើអោយជីវភាពប្រជាពលរដ្ឋនៅទូទាំងប្រទេសមានភាពរីកចំរើន។ ទន្ទឹមនឹងមានការរីកចំរើនលើគ្រប់វិស័យប្រជាពលរដ្ឋគ្រប់រូបដែលមានអាយុចាប់ពី១៥ឆ្នាំឡើងទៅ ក៏ត្រូវការជាចាំបាច់នូវអត្តសញ្ញាណប័ណ្ណសញ្ជាតិសំរាប់ប្រើប្រាស់សម្រួលដល់ការងារផ្ទាល់ខ្លួនផងដែរ។
លោក ឈួរ ច័ន្ទឌឿន បានផ្តាំផ្ញើដល់ប្រជាពលរដ្ឋថា៖សូមបងប្អូនយកអត្តសញ្ញាណប័ណ្ណសញ្ជាតិជាតិខ្មែរគំរូថ្មីនេះទៅប្រើប្រាស់តាមតំរូវការ តែសូមចេះថែររក្សាអោយបានគង់វង្សល្អកុំអោយខូចខាតបាង់បង់ ព្រោះអត្តសញ្ញាណប័ណ្ណថ្មីនេះមានសុពលភាពរហូតដល់១០ឆ្នាំ។ ដោយកុំយកអត្តសញ្ញាណប័ណ្ណនេះទៅអោយគេខ្ចី យកទៅថតចម្លងធ្វើការងារខុសច្បាប់ផ្សេងៗដែលនាំអោយមានផលលំបាកដល់ខ្លួន ឬដាក់ប្រចាំខ្ចីប្រាក់ពីអង្គការផ្សេងៗ ព្រោះថាការបោះឆ្នោតឃុំសង្កាត់ជិតមកដល់ហើយ ឯកឧត្តមសង្ឃឹមថា បងប្អូនដែលមានអត្តស ញ្ញាណប័ណ្ណ នឹងអាចបំពេញកាតព្វកិច្ចជាពលរដ្ឋល្អចូលរួមបោះឆ្នោតជ្រើសរើសក្រុមប្រឹក្សាឃុំ សង្កាត់ដែលជាតំណាងស្របច្បាប់របស់ខ្លួននៅក្នុងថ្ងៃខាងមុខនេះ ដើម្បីការពារផលប្រយោ ជន៍របស់ខ្លួន និងដើម្បីអភិវឌ្ឍន៍មូលដ្ឋានអោយមានជីវភាពប្រសើរឡើង។នៅក្នុងពិធីនេះដែរ លោកអភិបាលខេត្ត ក៏បានឧបត្ថម្ភថវិកាដល់សម ត្ថកិច្ចទាំង៣ប្រភេទនិងប្រជាការពារ ដោយក្នុងមួយអង្គភាពៗទទួលបានថវិកាចំនួន១០ម៉ឺនរៀលរ។ 
លោកអភិបាកស្រុកសាមគ្គីមានជ័យបានរាយការណ៍អោយដឹងថា៖ នៅក្នុងថ្ងៃនេះប្រជាពលរដ្ឋចំនួន១២ភូមិស្មើនឹង ២.៧៩០នាក់ នៅក្នុងឃុំពាម ស្រុកសាមគ្គីមានជ័យ ត្រូវបានទទួលអត្តសញ្ញាប័ណ្ណសញ្ជាតិខ្មែរគំរូថ្មីសំរាប់យកទៅប្រើប្រាស់តាមតម្រូវការផ្ទាល់ខ្លួនដោយមិនអាចខ្វះបានឡើយ ដែលកន្លងមកប្រជាពលរដ្ឋមួយចំ នួនធំនៅក្នុងស្រុកសាមគ្គីមានជ័យ ក៏បានទទួលអត្តសញ្ញាណប័ណ្ណសញ្ជាតិខ្មែរគំរូថ្មីនេះរួចហើយ និងនៅសល់ប្រជាពលរដ្ឋមួយចំនួនតូចទៀត ដែលនិងត្រូវចែកជូនពេលក្រោយទៀតជាបន្តបន្ទាប់៕
