សៀមរាបៈ ពិតជាធ្វើឲ្យមានការភ្ញាក់ផ្អើល យ៉ាងខ្លាំងចំពោះស្ត្រីខ្មែរម្នាក់ អាចបើកមជ្ឈមណ្ឌលបង្រៀនភាសាបរទេស ដល់កុមារក្រីក្ររក្នុងសហគមន៍១៩៥ជីវិត ដោយមានគ្រូបរទេសជាអ្នកបង្រៀនផ្ទាល់ គឺបណ្តាលមកពីកូនប្រុសរបស់គាត់ ដើរលេងហ្គេមខ្លាំងពេក ខណៈពេលដែលខ្លួនឯងផ្ទាល់មិនចេះអក្សបរទេស តែ អាចសន្ទាភាសារយ៉ាងច្បាស់លាល់។
អ្នកស្រី ភោគ សាវ៉ុន អាយុ៤២ មានគ្រួសារឈ្មោះ អែម សាវុធ អាយុ ៤៤ មានកូន២នាក់ រស់នៅភូមិពោធិបន្ទាយជ័យ សង្កាត់ សៀមរាប ខេត្តសៀមរាប អ្នកស្រីបានរៀបរាប់ប្រាប់ថា ដើមហេតុដែលបណ្តាលឲ្យមាន ការបើកមជ្ឈមណ្ឌលបង្រៀនភាសាបទេសដល់ក្មេងៗ នេះគឺអ្នកស្រីមានកូនប្រុសម្នាក់ ដែលតែងតែដើរលេង មិនចូលផ្ទះ ក្នុងការវីវក់និងល្បែងហ្គេម ទើបបានមានគំនិតចង់ឲ្យកូននៅផ្ទះ ក៏បានយកផ្ទះអ្នកស្រី ធ្វើជាទីតាំងបណ្តុះបណ្តាលភាសាបរទេស ដល់ក្មេងក្នុងភូមិក៏បានគៀងគរ ភ្ញៀវអន្តរជាតិ ដែលមានបំណងចង់ ធ្វើការងារមនុស្សធម៌ដោយពិតៗ ចេញពីបេះដូង ដើម្បីឲ្យកូនខ្មែរ ទទួលបាននូវចំណេះដឹង ក្នុងនោះការព្យាយាម របស់អ្នកស្រីបានបោះជំហ៊ានទៅមុខ ដោយសារមានភ្ញៀវបរទេស ស្ម័គ្រចិត្តធ្វើជាគ្រូបង្រៀនដល់ក្មេងជាច្រើន នាក់ដោយមិនគិតពីកំរៃ មិនតែប៉ុណ្ណោះ អ្នកស្រីក៏បានទទួលការអនុញ្ញាតិ ពីមន្ទីរអប់រំថ្នាក់ខេត្ត និងថ្នាក់ក្រសួងអប់រំយុវជន និងកីឡា ឲ្យអ្នកស្រីបើកជាមជ្ឈមណ្ឌលបង្រៀនភាសាដល់ក្មេងៗ នៅក្នុងសហគមន៍ អ្នកស្រីបានចំណាយថវិកាផ្ទាល់ សម្រាប់ការសាងសង់សាលា ហើយបានយកផ្ទះរបស់អ្នកស្រី ដែលមាន ជាច្រើនបន្ទប់ សម្រាប់ការស្នាក់នៅរបស់គ្រូបរទេស ក្នុងនោះដែរមជ្ឈមណ្ឌលនេះ បានកំពុងតែសាងសង់ បន្ទប់កុំព្យួរទ័របន្ថែមទៀត ខណៈនេះបានសាងសង់បាន ៥០ភាគរយហើយ ក្រោមការឧបត្ថម្ភដោយ ភ្ញៀវបរទេស ដែលជាគ្រូអ្នកគ្រូ បានសាងសង់ដោយខ្លួនឯង ។
លោក TOM BREEDEN ជាគ្រូបរទេស មកពីប្រទេសអាមេរិក បានបញ្ជាក់ពីគោលជំហរ ដ៏រ៉ឹងប៉ឹងក្នុងការជួយដល់កុមារ ក្រីក្ររក្នុងសហគមន៍ ក្នុងការជួយឲ្យកុមាររាប់រយជីវិត មានចំណេះដឹងខាងភាសាបរទេស ដើម្បីឲ្យពួកគេយកចំណេះដឹង ខាងភាសាទៅប្រើប្រាសនៅថ្ងៃអានាគត់របស់ពួកគេ មិនតែប៉ុណ្ណោះកុមារទាំងនេះនិងងាយស្រួលក្នុងការ រកងារធ្វើផងដែរ ហើយខ្ញុំសប្បាយចិត្ត ខណៈពេលដែលពួកខ្ញុំបានជួយដល់ កុមារក្នុង ប្រទេសដែលកំពុងអភិវឌ្ឍន៍ ហើយខ្ញុំនិងខិតខំធ្វើការងារនេះឲ្យបានល្អប្រសើរ ។
ក្នុងនោះមានគ្រួបរទេសជាច្រើននាក់ ដែលបានពុះពារជួយដល់មជ្ឈមណ្ឌលអេស៊ីស៊ីនេះ ដើម្បីជួយដល់កុមារនៅក្នុងសហគមន៍ ឲ្យទទួលបានកាសិក្សា ដើម្បីបញ្ជ្រៀសពីក្មេងៗទាំងនេះ យកពេលវេលាទៅបោះបង់ចោលដោយគ្មានប្រយោជន៍។ អ្នកស្រី ភោគ សាវ៉ុន ដែលជាម្ចាស់មជ្ឈមណ្ឌលអេស៊ីស៊ី បានសុំអំពាវនាដល់សម្បុរជនក្នុងប្រទេស និង ក្រៅប្រទេស មេត្តាជួយដល់មជ្ឈមណ្ឌលអ៊ីស៊ីស៊ី ដែលបានបើកបង្រៀនដល់ក្មេងៗ និងប្រជាកសិករ អ្នករត់ម៉ូតូឌុប ដោយឥតគិតថ្លៃ អ្វីទាំងអស់ ខណៈនេះគឺបានសាងសង់សាលាបន្ទប់ Computer មួយខ្នង ហើយនៅខ្វះខាត Computer បើសម្បុរជនមានបំណងឧបត្ថម្ភ Computer ទាំងថ្មី ឬចាស់ ក៏សូមទំនាក់ទំនងតាមរយះលេខទូរស័ព្ត ០១២៣៣៥ ០៤៣ ដើម្បីយកមកបង្រៀនដល់ក្មេងសហគមន៍ និងជាការរួមចំណែក ផ្តល់ចំណេះដឹងដល់ក្មេងដែលកំពុងតែស្រេចឃ្លាន ចំណេះដឹង តែក្រុមគ្រួសារគ្មានលទ្ធភាព។
សូមស្តាប់បទសម្ភាសផ្ទាល់ជាមួយ អ្នកស្រី ភោគ សាវុធ បញ្ជាក់ពីដំណើរការ នៃការបើកមជ្ឈមណ្ឌលបង្រៀន ភាសារបរទេសដល់កុមារក្រីក្ររ ដោយឥតគិតលុយ ។ ដោយ ប៊ុន រដ្ឋា
https://www.facebook.com/khemaranews
