ខេត្តពោធិ៍សាត់៖ មនុស្សម្នាក់បានស្លាប់និងកន្លែងនិងរងរបួសធ្ងន់ម្នាក់ស្រាលម្នាក់ ដោយសារតែជិះម៉ូតូប្រើល្បឿនលឿន វេចង្កូតទៅបុកបង្គោលឈើខ្លួនឯង ស្របពេលដែលពួកគេផឹកសីុស្រវឹង ក្នុងថ្ងៃចូលឆ្នាំចិនវៀតណាម ។ ហេតុការនេះបានកើតឡើងវេលាម៉ោង៣និង១៥នាទីរសៀលថ្ងៃទី០៨ ខែកុម្ភះ ឆ្នាំ២០១៦ ត្រង់ចំនុចទល់មុខប៉ុស្ត៍នគរបាលផ្ទះរុង នៅក្នុងភួមិឃុំផ្ទះរុង ស្រុកភ្នំក្រវាញ ខេត្តពោធិ៍សាត់។
លោក វង សាវ៉េត បានឲ្យដឹងថា ជនរងគ្រោះក្នុងហេតុការណ៍នេះ ទី១ឈ្មោះ នាក់ ចន អាយុ២៧ឆ្នាំ ជាអ្នកបើកបរស្លាប់និងកន្លែង ទី២ឈ្មោះ ហោ សុផល អាយុ៤៦ឆ្នាំ របួសធ្ងន់ និង ទី៣ឈ្មោះ វេន សុហេង អាយុ២៥ឆ្នាំរបួសស្រាល អ្នកទាំងបីមានទីលំនៅភួមិក្រញាំ ឃុំផ្ទះរុងនស្រុកភ្នំក្រវាញ ខេត្តពោធិ៍សាត់។លោក វង្ស សាវ៉េត អធិការដ្ឋាននគរបាលស្រុកភ្នំក្រវាញបានបន្តឲ្យដឹងថា៖ បើតាមសាក្សីបំភ្លឺដែលបានឃើញហេតុការនេះនិយាយថា មានបុរសបីនាក់បានជិះម៉ូតូមួយគ្រឿងមា៉ក់ វ៉េវព័ណ៍ខ្មៅពាក់ស្លាក់លេខបាត់ដំបង 1G. 21-53 ឌុបគ្នាបីនាក់ ក្នុងស្ថានភាពស្រវឹង ដោយអ្នកស្លាប់នោះជាអ្នកបើកបរ បន្ទាប់ពីចូលរួមផឹកសីុជាមួយមិត្តភ័ក្របុណ្យចូលឆ្នាំប្រពៃណីចិនវៀតណាមរូច។ ពួកគេក៍បានបើកទិសដៅពីកើតបត់ទៅជើងផ្លូវ តែសំណាងអាក្រក់ម៉ូតូនោះ ក៍បានប្រើប្រាស់ល្បឿនលឿនពេកទៅបុកនិងបង្គោលឈើនៅចញ្ចើមផ្លូវបណ្ដាលឲ្យស្លាប់ម្នាក់របួសធ្ងន់ម្នាក់និងស្រាលម្នាក់តែម្ដង៕