ឧត្តរមានជ័យ៖ ជនរងគ្រោះជាមនុស្សគ ត្រូវបានរថយន្តកាមរីបុកយ៉ាងពេញទំហឹងបណ្តាលឲ្យស្លាប់នៅនិងកន្លែងកើតហេតុខណះពេលជនរងគ្រោះដើរឆ្លងថ្នល់ទាំងយប់នោះ កាលពីវេលាម៉ោង១៨និង៤៥នាទីយប់ថ្ងៃទី៨ ខែកុម្ភះ ឆ្នាំ២០១៦ នៅចំណុចផ្លូវជាតិលេខ៦៧B.ផ្លូវឡើងទៅច្រកអន្តរជាតិជាំ សាងុាំ ជិតរូបចម្លាក់យាយម៉ៅ ស្ថិតនៅក្នុងភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។លោកវរសេនីយ៍ត្រីហាស់ ហេង អធិការរងផ្នែកសណ្តាប់ធ្នាប់ស្រុកអន្លង់វែង បានឲ្យដឹងថា ជនរងគ្រោះ ជាមនុស្សគ មិនស្គាល់ឈ្មោះភេទប្រុសអាយុ៣៦ឆ្នាំ ស្នាក់នៅសាលាឆទាន ជិតរូបចម្លាក់យាយម៉ៅ ផ្លូវឡើងភ្នំ ស្ថិតនៅភូមិ ឃុំកើតហេតុខាងលើ។លោកវរសេនីយ៍ត្រីហាស់ ហេង អធិការរងផ្នែកសណ្តាប់ធ្នាប់ បានបន្តទៀតថា ភាគីរថយន្ត មិនស្គាល់អត្តសញ្ញាណ ក្រោយពេលកើតហេតុ បានបើករថយន្តរត់គេចខ្លួនបាត់ ហើយបច្ចុប្បន្ន សមត្ថកិច្ចនគរបាលស្រុកអន្លង់វែង កំពុងចាត់វិធានការណ៍ស្រាវជ្រាវបន្ត រកជនបង្កយកមកផ្តន្ទាទោស អោយទាល់តែបាន៕
