ឧត្តរមានជ័យ៖ កាលពីវេលាម៉ោង១៨និង៣០នាទីថ្ងៃទី៨ ខែកុម្ភះ ឆ្នាំ២០១៦ នៅចំណុចផ្លូវលេខ១០ស្ថិតនៅក្នុងភូមិចំការចេក សង្កាត់អូរស្មាច់ ក្រុងសំរោង ខេត្តឧត្តរមានជ័យ មានករណីភ្លើងឆេះផ្ទះមួយខ្នង(ផ្ទះទៀម)ទំហំ ៥ម៉ែត្រគុណ៨ម៉ែត្រ ធ្វើពីឈើ ប្រក់ស្ត័សី ជញ្ជាំងក្តា បណ្តាលឲ្យខូចខាតអស់ទាំងស្រុង រួមនិងសង្ហារឹមជាច្រើនទៀត គិតជាទឹកប្រាក់ខូចខាត សរុបចំនួន២០.០០០.០០០៛(ម្ភៃលានរៀល)។លោកវរសេនីយ៍ទោ ស៊ុន សាន អធិការនគរបាលក្រុងសំរោង បានអោយដឹងថា ជនរងគ្រោះជាម្ចាស់ផ្ទះ(ប្តី)ឈ្មោះសួង សុភ័ណ្ឌ ភេទប្រុសអាយុ៣៦ឆ្នាំនិង(ប្រពន្ធ)ឈ្មោះទូច សំអាន ភេទស្រីអាយុ៣៤ឆ្នាំ ហើយមានកូននៅក្នុងបន្ទុកគ្រួសារចំនួន៣នាក់ទៀតផង។លោកវរសេនីយ៍ទោ ស៊ុន សាន អធិការនគរបាលក្រុងសំរោង បានបន្តទៀតថា ករណីនេះ មូលហេតុ៖ផ្ទុះសេខ្សែរភ្លើង ត្រូវបានកម្លាំងសមត្ថកិច្ចប៉ុស្តិ៍ រួមជាមួយបុគ្គលិករបស់ ក្រុមហ៊ុនអូរស្មាច់រីសតនិងប្រជាពលរដ្ឋជិតខាង បានចុះជួយអន្តរាគមន៍ពន្លត់ភ្លើងភ្លាមៗដោយប្រើប្រាស់ឡានទឹក១គ្រឿង ដើម្បីកំឲ្យឆេះឆ្លងរាលដាលបន្ត ទៅផ្ទះផ្សេងៗទៀតនោះ៕
