ខេត្តស្វាយរៀង៖ យុវជនម្នាក់ផឹកស្រាស្រវឹងត្រឡប់មកដល់ផ្ទះវិញជេរប្រទិចនិងប្រើហឹង្សាដាក់ឪពុកម្តាយត្រូវសមត្ថកិច្ចចាប់ឃាត់ខ្លួន។ហេតុការណ៍នេះបានកើតឡើងកាលពីវេលាម៉ោង៤៉៥០នាទីល្ងាចថ្ងៃទី១០ខែកុម្ភៈឆ្នាំ២០១៦ស្ថិតនៅភូមិរោងបន្លែសង្កាត់ស្វាយរៀងក្រុងស្វាយរៀង។យុវជនដែលជេរប្រមាថឪពុកម្តាយនោះមានឈ្មោះអីវអាយុ ២២ ឆ្នាំមុខរបរជាងផ្សាដែករស់នៅភូមិកើតហេតុខាងលើ។តាមប្រភពព័ត៍មានពីឪពុករបស់ជនសង្ស័យឈ្មោះតឿអាយុ៤៩ឆ្នាំបានឲ្យដឹងថាមុនពេលកើតហេតុកូនប្រុសរបស់គាត់បានចេញទៅផឹកស៊ីនៅខាងក្រៅជាមួយនិងមិត្តភ័ក្តរហូតដល់ម៉ោងប្រមាណ៣៉៤០នាទីរសៀលទើបត្រឡប់មកផ្ទះវិញមិនដឹងថាស្រវឹងស្រារឺក៏បែកថ្នាំស្រាប់ទេស្រាប់តែមកជេរប្រទិចផ្តាសារពួកគាត់និងបំផ្លិចបំផ្លាញទ្រព្យសម្បត្តិនៅក្នុងផ្ទះខ្ទេចខ្ទីអស់រហូតដល់ពួកគាត់ទ្រាំលែងបានក៏ហៅបងប្អូនជិតខាងចាប់ចងស្លាបសេកនិងប្តឹងសមត្ថកិច្ច លុះសមត្ថកិច្ចមកដល់ស្រាប់តែជេរប្រទិចសមត្ថកិច្ចទៀតរហូតដល់សមត្ថកិច្ចនាំគ្នាចាប់សែងលើកដាក់លើរថយន្តបញ្ជូនទៅអធិការដ្ឋានក្រុងស្វាយរៀងដើម្បីសួរនាំថាតើបណ្តាលមកពីមូលហេតុអ្វីពិតប្រាកដ ស្រវឹងរឺសេពគ្រឿងញៀន។
