សាលារាជធានីភ្នំពេញនិងយកបញ្ហាចរាចរណ៍ជាអទិភាពសំរាប់ ធ្វើការ ដោះ ស្រាយ ការកកស្ទះចរាចណ៍នៅក្នុងរាជធានីចាប់ពីដើមឆ្នាំ២០១៦នេះដែលក្នុងនោះ តា ម វិថីមួយចំនួនតំរូវមិនអោយមានការចតយានយន្ត និងរៀបចំអោយមានការចត រថយន្ត តាមថ្ងៃសេស និងថ្ងៃគូរ ព្រមទាំងរៀបចំផ្លូវឯកទិសបន្ថែម ទៀត។ ឯកឧត្តម ប៉ា សុជាតិវង្ស អភិបាលរាជធានីភ្នំពេញ មានប្រសាសន៍ក្នុងពិធី បិត សន្និបាត បូកសរុបវាយ តំលៃការងារអប់រំ យុវជននិងកីឡា រាជធានីភ្នំពេញ និង លើក ទិសដៅការងារ សំរាប់ ឆ្នាំ ២០១៥-២០១៦ កាលពីរសៀលថ្ងៃទី០៣ កុម្ភៈ។
ឯកឧត្តម ប៉ា សុជាតិវង្សបានបន្តអោយដឹងថាចំនួនយាន្តយន្តដែលបានចុះបញ្ជី ទូទាំងរាជធានី-ខេត្តមានជាង៤៧ម៉ឺនគ្រឿង ដូច្នេះអាចបណ្តាលអោយមានការកកស្ទះ យ៉ាងខ្លាំង តំរូវអោយមានការរៀបចំឡើងវិញចំពោះផ្លូវមួយចំនួនក្នុទីក្រុងដើម្បីកាត់ បន្ថយការកកស្ទះចរាចរណ៍ ឯកឧត្តម បន្តថាទន្ទឹមនឹងនេះសាលារាជធានីក៏លើកទឹក ចិត្តចំពោះវិស័យឯកជនដើម្បីវិនិយោគក្នុងការសាសងសង់ចំណតរថយន្តក្រោមដី ដើម្បីជួយកាត់បន្ថយការចតឡាននៅតាមចិញ្ចើមផ្លូវដែលនាំអោយមានការកកស្ទះ ចរាចរណ៍ផងដែរ។
គួរបញ្ចាក់ថាដើម្បីកាត់បន្ថយការកកស្ទះចរាចរណ៍ក្នុងទីក្រុង ប្រទេសជប៉ុន និងចិនបានផ្តល់ជំនួយជារថយន្តក្រុងចំនួន២៨០គ្រឿងដល់សាលា រាជធានី ភ្នំពេញ សំរាប់ ចរាចរណ៍និងបំរើការដឹកជញ្ជូន ដែលគេរំពឹងថានិងធ្វើអោយប្រជាពលរដ្ឋងាក មកជិះរថយន្តក្រុងវិញព្រោះវាមានតំលៃថោកនិងកាត់បន្ថយការកកស្ទះចរាចរណ៍ ព្រមទាំងមានសុវត្ថិភាពក្នុងការធ្វើដំណើរដែលសាលារាជធានីភ្នំពេញបានកំពុង សិក្សា ក្នុងការផ្តល់ភាពងាយស្រួលដល់ប្រជាពលរដ្ឋដោយគ្រាន់តែទិញកាតសំរាប់ឆូតក្នុងរថយន្តក្រុងសាធារណៈដែលមានតំលៃថោក៕