ស្ទឹងត្រែង៖ឃ្លាំងស្តុកអីវ៉ាន់សម្រាប់បម្រើការក្នុងសណ្ឋាគាររស្មីពេជ្រនិងជាកន្លែងសម្រាករបស់បុគ្គលិកធ្វើការ ត្រូវបានអគ្គីភ័យឆាបឆេះយ៉ាងសន្ធោសន្ធៅ ធ្វើអោយសម្ភារៈជាច្រើន ត្រូវបានរងការឆេះខ្ទេចគ្មានសល់ កាលពីវេលាម៉ោង១០ព្រឹកថ្ងៃទី១១ខែកុម្ភៈឆ្នាំ២០១៦ត្រង់ចំណុច ជិត
ស្ពានសេកុង ស្ថិតក្នុងភូមិលើ សង្កាត់ ស្រះឬស្សី ក្រុង ខេត្តស្ទឹងត្រែង។
ហេតុការបង្កអោយមានអគ្គីភ័យឆាបឆេះឡើងនេះ ត្រូវបានគេរាយការណ៍ថា បណ្តាមកពីទុស្សេខ្សែភ្លើងបណ្តាលមានឆេះ ឃ្លាំងស្តុកអីវ៉ាន់និងកន្លែងស្នាក់នៅរបស់បុគ្គលិក របស់សណ្ឋាគារដែលមានចំនួន២ខ្នង និងមានទំហំ៦ម៉ែត្រគុណ១០ម៉ែត្រ ត្រូវបានខូចខាតទាំងស្រុង។ក្នុងនោះមានសម្ភារៈជាច្រើន ដូចជាគ្រឿងសង្ហារឹម តុ ទូ កៅអី គ្រែ ម៉ូតូមួយគ្រឿង ម៉ាស៊ីនត្រជាក់១៥គ្រឿង និងអីវ៉ាន់ជាច្រើនទៀត។
សមត្ថកិច្ចបានអោយដឹងថានៅក្នុងការទប់ស្កាត់គ្រោះអគ្គីភ័យនេះ មានកម្លាំងនគរបាលនិងកម្លាំងអាវុហត្ថចុះបានធ្វើការរៀបចំ សណ្តាប់ធ្នាប់តាមផ្លូវសាធារណៈ ដើម្បីសម្រួលក្នុងការធ្វើចរាចរណ៍ងាយស្រួលក្នុងការឡានទឹកចូលទៅពន្លត់ ក្នុងនោះមានឡានទឹកចំនួន២គ្រឿងរបស់ស្នងការដ្ឋាននគរបានខេត្ត និងបានប្រើប្រាស់ទឹកអស់ចំនួន១៨ឡាន ទើបគ្រប់គ្រងសដ្ឋានការបានទាំងស្រុង។
ក្នុងករណីឆេះនេះ សមត្ថកិច្ចមិនទាន់បានដឹងពីទំហំទឹកប្រាក់ថាមានប៉ុន្មាននោះទេ គ្រាន់តែដឹង តែទំហំផ្ទះ និងសម្ភារៈដែលត្រូវបានខូចខាងតែប៉ុណ្ណោះ៕
