ខេត្តឧត្តរមានជ័យ៖ជនសង្ស័យ២នាក់ត្រូវបានកម្លាំងជំនាញកងរាជអាវុធហត្ថ ស្រុកអន្លង់វែង ចាប់ឃាត់ខ្លួន ខណះពេលកំពុងធ្វើសកម្មភាពចែកចាយគ្រឿងញៀន ជនសង្ស័យ២នាក់ ដែលកងរាជអាវុធហត្ថស្រុក ចាប់ឃាត់ខ្លួននៅចំណុចភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ឆែកឆេររកឃើញថ្នាំញៀនចំនួន២២គ្រាប់និងម៉ាទឹកកកចំនួន២កញ្ចប់ កាលពីវេលាម៉ោង៩និង២០នាទី ថ្ងៃទី៩ ខែមករា ឆ្នាំ២០១៦។
លោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុកអន្លង់វែង បានឲ្យដឹងថា ការដែលឈានចុះទៅ ចាប់បង្ក្រាប ករណីគ្រឿងញៀនខាងលើ ដោយមានការចង្អុលបង្ហាញ ពីលោកឧត្តមសេនីយ៍ ពុទ្ធ សារ៉ាន់ មេបញ្ជាការកងរាជអាវុធហត្ថខេត្តឧត្តរមានជ័យ លោកវរសេនីយ៍ត្រីងួន ទ្ធីរិទ្ធ បានឲ្យដឹងទៀតថា ជនសង្ស័យដែលកងរាជអាវុធហត្ថចាប់ខ្លួននោះ១ឈ្មោះឡៅ ស្រស់ ភេទប្រុសអាយុ២៧ឆ្នាំ រស់នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ២ឈ្មោះឡាយ ឈុនភេទប្រុសអាយុ២២ឆ្នាំ រស់នៅភូមិ ឃុំខាងលើ មុខរបរជាជាងសិប្បកម្ម ។ លោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុក បានឲ្យដឹងទៀតថា វត្ថុតាងទាំងអស់រួមមានថ្នាំញៀនប្រភេទមេតំហ្វេតាមីន(យ៉ាម៉ាwy)ចំនួន២២គ្រាប់និងម្ស៉ៅក្រាមពណ៍សរ២កញ្ចប់តូច ប្រាក់ខ្មែរ១២០.០០០រៀល។នៅពេលបច្ចុប្បន្ន កំពុងកសាងសំណុំរឿងបញ្ជូនទៅសាលាដំបូងខេត្តឧត្តរមានជ័័យ ដើម្បីចាត់ការទៅតាមនិតិវិធីច្បាប់៕