កំពង់ធំ= សមត្ថកិច្ចចំរុះក្រុងស្ទឹងសែនបានឃាត់ខ្លួនមុខសញ្ញាចែកចាយនិងប្រើប្រាស់គ្រឿងញៀនចំនួន៤នាក់នៅចំនុចភូមិទី៧ សង្កាត់កំពង់ធំក្រុងស្ទឹងសែនកាលពីយប់ថ្ងៃទី១៨ ខែកុម្ភះ ឆ្នាំ២០១៦ហើយបានបញ្ចូន ទៅកាន់សាលាដំបូងខេត្តកំពង់ធំ ព្រឹកថ្ងៃទី១៩ ខែកុម្ភះ ឆ្នាំ២០១៦។លោកវរៈសេនីយ៏ឯក កែវ សុផល ស្នងការរងនៃស្នងការដ្ឋាននគរបាលខេត្តកំពង់ធំ និងជាប្រធានការិយាល័យប្រឆាំងបទគ្រឿងញៀន បានប្រាប់ឲ្យដឹងថា!ជុំវិញករណីបង្ក្រាបជនសង្ស័យចែកចាយ និងជួញដូរគ្រឿងញៀនខាងលើនេះ.ដោយទទួលបានបទបញ្ជាពីលោកលោកអ៊ិត សុធាព្រះរាជអាជ្ញា អមសាលាដំបូងខេត្តកំពង់ធំ កាលពីយប់ថ្ងៃទី១៨ ខែកុម្ភះ ឆ្នាំ២០១៦ អោយកំលាំងរបស់លោកបានសហការគ្នាជាមួយកំលាំងអធិការដ្ឋានក្រុងស្ទឹងសែនធ្វើការឃាត់ខ្លួនបានករណីមុខសញ្ញាប្រើប្រាស់ និងចែកចាយគ្រឿងញៀនខុសច្បាប់បានចំនួន៤នាក់ ដែលកំពុងប្រព្រឹត្តិស្ថិតនៅក្នុងភូមិទី៧ សង្កាត់កំពង់ធំ ក្រុងស្ទឹងសែន យកមកសួរនាំ ទើបដឹងថាពួកគេ២នាក់ជាអ្នកចែកចាយទី១.ឈ្មោះ គ្រីល បីត ភេទប្រុសអាយុ ១៧ឆ្នាំរស់នៅភូមិព្រៃគុយ ឃុំព្រៃគុយ ស្រុកកំពង់ស្វាយ ទី២.ឈ្មោះ លី ម៉េង ភេទប្រុសអាយុ៣០ឆ្នាំ រស់នៅភូមិកំពង់ក្របៅ សង្កាត់កំពង់ក្របៅ ក្រុងស្ទឹងសែន ហើយនិងអ្នកប្រើប្រាស់ចំនួន២នាក់ទៀត១.ឈ្មោះ ឌុល ម៉េងលី ភេទប្រុសអាយុប្រហែល២០ឆ្នាំ រស់នៅភូមិថ្នល់ជាតិ ឃុំបារាយណ៏ ស្រុកបារាយណ៏ ២.ឈ្មោះ ឃាម រតនះ ភេទប្រុសអាយុ២១ ឆ្នាំរស់នៅភូមិពោធិ៍បាក់ករ សង្កាត់ដំរីជាន់ខ្លា ក្រុងស្ទឹងសែនព្រមទាំងដកហូតបានថ្នាំញៀន៣កញ្ចប់តូច ទម្ងន់០,៤ក្រាម ទូរស័ព្ទដៃ៣គ្រឿង និងសម្ភារះប្រើប្រាស់មួយចំនួនទៀត បន្ទាប់មកកសាងសំណុំរឿងបញ្ជូនទៅសាលាដំបូងខេត្តកំពង់ធំចាត់ការបន្តតាមនិត្តិវិធីច្បាប់កាលព្រឹក ថ្ងៃទី១៩ ខែកុម្ភះ ឆ្នាំ២០១៦៕
