ភ្នំពេញ៖កម្លាំងនគរបាលព្រហ្មទណ្ឌខណ្ឌឫស្សីកែវសហការនិងកម្លាំងនគរបាលប៉ុស្ដិ៍គីឡូម៉ែត្រលេខ៦ ដើម្បីឲ្យប្លែកឆ្លៀតលបឆ្មក់ពួនស្ទាក់បង្ក្រាបទីតាំងល្បែងឆ្នោតមួយកន្លែងឃាត់ខ្លួនមនុស្ស២នាក់រួមនិងវត្ថុតាងមួយចំនួននៅវេលាម៉ោង៤រសៀលថ្ងៃទី ១៩ ខែ កុម្ភះ ឆ្នាំ ២០១៦ នៅចំណុច ភូមិ នៅចំណុចផ្ទះលក់បន្លែសាច់លេខ១៧៨ ក្រុម៤ ផ្លូវបេតុង
ស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានី ភ្នំពេញ ។
ជនពាក់ព័ន្ធល្បែងឆ្នោត១ឈ្មោះពៅ សុខហេង ភេទស្រី អាយុ៤៨ឆ្នាំ មានមុខរបរលក់ដូរ ស្នាក់នៅចំណុចកើតហេតុខាងលើ ២ឈ្មោះអ៊ុន សុផុន ភេទស្រី អាយុ៦៥ឆ្នាំ មានមុខរបររត់ម៉ូតូឌុប ស្នាក់នៅផ្ទះ២២៤៤ ផ្លូវលំ ក្រុម១៥ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ។
លោក ម៉ៅ ចាន់ ថុន នាយរងផ្នែកនគរបាលព្រហ្មទណ្ឌខណ្ឌឫស្សីកែវ និយាយថា
ភាគច្រើនបង្ក្រាបជាក់ស្ដែងនិងស្រាវជ្រាវបង្ក្រាបបទល្មើសគ្រឿងញៀនដោយឡែកនៅរសៀលថ្ងៃ ១៩ ខែ កុម្ភះ ឆ្នាំ ២០១៦នេះ ដើម្បីបង្ការទប់ស្កាត់ បទល្មើស លួច ឆក់ ប្លន់
កម្លាំងនគរបាលព្រហ្មទណ្ឌខណ្ឌឫស្សីកែវ ក្រោមការបញ្ជាពីរ
អធិការនគរបាលខណ្ឌឫស្សីកែវ លោក ទៀង ច័ន្ទសារ និងមានការដឹកនាំបង្ក្រាបផ្ទាល់ពីរអអិការរងខណ្ឌឫស្សីកែវ លោក អ៉ីវ ឈុនភេង រួមសហការនិងកម្លាំងនគរបាលប៉ុស្ដិ៍គីឡូម៉ែត្រលេខ៦ បានលបពួនឆ្មក់បង្ក្រាបទីតាំងផ្ដល់ការចែកចាយចាក់កន្ទុយលេខមួយកន្លែងជ្រកក្រោមការលក់ដូរបន្លែសាច់ ដោយកម្លាំងសមត្ថកិច្ចបានឃាត់ខ្លួនស្ត្រី២នាក់ក្នុងនោះមានម្នាក់ជាមេ និងម្នាក់ទៀតជាអ្នកចាក់ រួមទាំងដកហូតវត្ថុតាងមួយចំនួនដូចជា ម៉ាស៊ីនគិតលេខ១គ្រឿង ក្រដាស់កត់ឆ្នោតនិងចេញឆ្នោតភ្នាល់ដាក់លុយមួយចំនួនផងដែរ ។នាយរងផ្នែកនគរបាលព្រហ្មទណ្ឌ បានបន្តថា បច្ចុប្បន្នស្ត្រីពាក់ព័ន្ធល្បែងឆ្នោតទាំង២នាក់ កំពុងសួរនាំ និងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីបន្តនិតិវិធី អប់រំតាមផ្លូវច្បាប់ ៕កំសាន្ដ