ឧត្តរមានជ័យ៖. កាលពីវេលាម៉ោង១២និង៣០នាទីថ្ងៃទី២១ ខែកុម្ភះ ឆ្នាំ២០១៦ ភ្លើងឆេះព្រៃរាឆេះ ផ្ទះរបស់ប្រជាពលរដ្ឋមួយខ្នង កំតែបានកម្លាំងសមត្ថកិច្ចចំរុះស្រុកនិងរថយន្តពន្លត់អគ្គីភ័យរបស់អធិការនគរបាលស្រុកនិងរឺម៉កម៉ូតូដឹកទឹក ជាច្រើនគ្រឿងមិនដឹង ជាឆេះយ៉ាងណាទេ ដែលស្ថិតនៅក្នុងភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។ការដែលកម្លាំងសមត្ថកិច្ចចំរុះ ជួយពន្លត់ភ្លើងឆេះព្រៃរាឆេះផ្ទះរបស់ប្រជាពលរដ្ឋនោះ គឺរួមមានកម្លាំងកងរាជអាវុធហត្ថស្រុក កម្លាំងសមត្ថកិច្ចប៉ូលិសស្រុក សរុបចំនួន២០នាក់ ដឹកនាំដោយលោក ហោជិន វរះយុទ្ធ អភិបាលនៃគណះអធិបាលស្រុកអន្លង់វែង បានចុះទៅដល់កន្លែងកើតហេតុ ជួយអន្តរាគមន៍ ជួយពន្លត់ភ្លើងដែលឆេះផ្ទះរបស់ប្រជាពលរដ្ឋនោះ។សមត្ថកិច្ច បានឲ្យដឹងថា ផ្ទះប្រជាពលរដ្ឋដែលភ្លើងព្រៃរាឆេះនោះ មានឈ្មោះទិន តឿន ភេទស្រី អាយុ៥២ឆ្នាំរស់នៅភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដែលធ្វើអំពីឈើ ប្រក់ស្បូវ មានទំហំ៥គុណ៦ម៉ែត្រ បណ្តាលអោយឆេះដំបូលមួយចំហៀង តែត្រូវបានកំលាំងចំរុះ ចុះជួយពន្លត់ ទាន់ពេលវេលា ដោយប្រើប្រាស់រថយន្តពន្លត់អគ្គីភ័យ របស់ប៉ូលិសស្រុកអន្លង់វែងនិងរឺម៉កម៉ូតូដឹកទឹកចំនួន៥០គ្រឿង កំអីមិនដឹងជាឆេះយ៉ាងណាទេ៕
