កំពង់ធំ៖ ករណីគ្រោះថ្នាក់ចរាចរ កន្លងមកភាគច្រើនកើតមាននៅតាមផ្លូវជាតិ ឥឡូវ គ្រោះ ថ្នាក់ចរាចរ ក៏កើតមានច្រើនតាមផ្លូវលំជនបទ មិនចាញ់ផ្លូវជាតិដែរ បន្ទាប់ពីផ្លូវលំនានានៅតាម ជន បទបានស្ថាបនាយ៉ាងស្អាត និងងាយស្រួលក្នុងធ្វើចរាចរនោះ។
ដោយឡែកនៅនៅល្ងាចថ្ងៃទី២១ ខែកុម្ភះ ឆ្នាំ២០១៦ខុសគ្នាតែប៉ុន្មានម៉ោងសោះ គ្រោះថ្នាក់ ចរាចរ បានកើឡើង២ករណី នៅជាប់ព្រុំទល់គ្នា នៅស្រុកកំពង់ស្វាយ ខេត្តកំពង់ធំ បង្កឲ្យមនុស្ស ម្នាក់ រងរបួសធ្ងន់ និង២នាក់ទៀតរងរបួសស្រាល។
យោងតាមការផ្ដល់ព័ត៌មាន ពីសមត្ថកិច្ចនគរបាលចរាចរ ស្រុកកំពង់ស្វាយ បានឲ្យដឹងថា ករណីគ្រោះថ្នាក់ចរាចរទី១បានកើតឡើងកាលពីវេលាម៉ោង៤និង២០នាទីល្ងាច ថ្ងៃទី២១ ខែកុម្ភះ នៅលើកំណាត់ផ្លូវលំ១ស្ថិតនៅភូមិទាបចាស់ ឃុំកំពង់ស្វាយ ស្រុកកំពង់ស្វាយ រវាងម៉ូតូ និងរថយន្ត (បែន)ដឹកដី។
យោងតាមប្រភពព័ត៌មានពីសមត្ថកិច្ចខាងលើ បានឲ្យដឹងថា ម៉ូតូម៉ាក វេវអាល់ហ្វា ព័ណខ្មៅ ពាក់ស្លាកលេខកំពង់ធំ1H 01 16 និងរថយន្តបែនម៉ាក ទីតាន់ ២តោនកន្លះ ព៌ណខៀវ ពាក់ស្លាក លេខភ្នំពេញ 3B11 40 ។នៅហេតុការណ៍នេះ បានបណ្ដាលឲ្យយុវជន អ្នកបើកបរម៉ូតូម្នាក់ឈ្មោះ ខា ចាន់នី នៅភូមិបុសស្រមោច ឃុំសាលាវិស័យ ស្រុកកំពង់ស្វាយ ខេត្តកំពង់ធំ របួសធ្ងន់ បញ្ជូន ទៅជួយសង្គ្រោះនៅមន្ទីរពេទ្យជាបន្ទាន់។
ប្រជាពលរដ្ឋដែលឃើញហេតុននេះបាននិយាយឲ្យដឹងថា រថយន្តបែនដឹកដី បើកតាមផ្លូវ រទេះ ឡើងមកផ្លូវលំ ហើយបត់ស្ដាំ មកបុកជាមួយម៉ូតូបើកលើផ្លូវ ក្នុងទិសគ្នាដៅបញ្ច្រាសទិសគ្នា តែម្ដង។
ចំណែកគ្រោះថ្នាក់ចរាចរ១ករណីទៀតបានកើតឡើងកាលពីវេលាម៉ោង៨យប់ក្នុងថ្ងៃដដែល នៅភូមិរូង ឃុំត្រពាំងឬស្សី ជាប់ព្រុំប្រទល់ឃុំកើតហេតុខាងលើ ក្នុងស្រុកកំពង់ស្វាយដូចគ្នា។
ប្រជាពលរដ្ឋដែលឃើញហេតុការណ៍គ្រោះថ្នាក់ចរាចរនេះ បាននិយាយឲ្យដឹងថា នៅមុន ពេលកើតហេតុ គេឃើញបុរស២នាក់ជិះម៉ូតូ១គ្រឿងម៉ាក ឌ្រីមសង់ ព៌ណខ្មៅ ពាក់ស្លាកលេខ 1D 42 97 បើកបរនៅមុខ រថយន្ត ម៉ាក ហ៊ីយ៉ាន់ដាយ១គ្រឿង ព៌ណស ពាក់ស្លាកលេខកំពង់ស្ពឺ 3A 04 76 ក្នុងទិសដៅស្របទិសគ្នា ពីជើងទៅត្បូង ។លុះពេលមកដល់កន្លែងកើតហេតុ រថយន្តក៏តំឡើង ល្បឿន បំរុងវ៉ាម៉ូតូ ចំណែកម៉ូតូក៏បើកនៅលើទ្រូងផ្លូវមិនប្រកាន់ស្ដាំនោះ បណ្ដាលឲ្យរថយន្តបុក ម៉ូតូ បញ្ឆិតពីក្រោយតែម្ដង បណ្ដាលឲ្យអ្នកបើកបរម៉ូតូ របួសធ្ងន់ម្នាក់ និងម្នាក់ទៀតរងរបួសស្រាល។
សមត្ថកិច្ចនគរបាលចរាចរស្រុកកំពង់ស្វាយ បានប្រាប់ឲ្យដឹងថា អ្នកបើកបរម៉ូតូរងរបួសធ្ងន់ ឈ្មោះ បូ ធារិទ្ធ អាយុ២៧ឆ្នាំ នៅភូមិ កំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ចំណែកអ្នករួមដំណើរជិះពីក្រោយឈ្មោះ ផន សូនីត អាយុ២១ឆ្នាំ នៅភូមិសន្ទុកក្រៅ ឃុំកកោះ ស្រុក សន្ទូក ខេត្តកំពងធំ។
ប្រភពពីសមត្ថកិច្ចនគរបាលចរាចរស្រុកកំពង់ស្វាយនេះ បានបន្តឲ្យដឹងថា ជនរងគ្រោះ ត្រូវ បានបញ្ជូនទៅជួយសង្គ្រោះនៅមន្ទីរពេទ្យ ចំណែករថយន្ត និងម៉ូតូ ដែលជាវត្ថុតាង បទល្មើសគ្រោះ ថ្នាក់ចរាចរ ត្រូវបាននាំទៅរក្សាទុក នៅទី អធិការដ្ឋាននគរបាលស្រុកកំពង់ស្វាយ៕