បន្ទាយមានជ័យ ៖ លោកវរសេនីយ៍ឯក ហ៊ុល ប៊ុនធឿន មេបញ្ជាការរងកងពលតូចថ្មើរជើងលេខ៥១បានស្លាប់ភ្លាមៗនៅនឹងកន្លែងបន្ទាប់ពីលោកបានជួបនឹងឧបទ្ទវហេតុគ្រោះថ្នាក់ចរាចរកាលពីវេលាម៉ោង២៣និង៤០នាទីយប់ថ្ងៃទី២០ខែកុម្ភះឆ្នាំ២០១៦យប់មុិញនៅលើកំណាត់ផ្លូវជាតិលេខ៦ស្ថិតក្នុងភូមិគោកលន់ឃុំជប់វារីស្រុកព្រះនេត្រព្រះខេត្តបន្ទាយមានជ័យ។
អធិការនគរបាលស្រុកព្រះនេត្រព្រះបានអោយដឹងថា លោក ហ៊ុល ប៊ុនធឿន បានជិះរថយន្តកាមរីឆ្នាំ៩៣ចង្កូតស្តាំពណ៌ស ពាក់ស្លាកលេខភ្នុំពេញ2F3053បើកបរចេញពីទីរួមខេត្តទៅបន្ទាយកងពលវិញតាមទិសដៅពីលិចទៅកើតលះុមកដល់ចំនុចកើតហេតុស្រាប់តែទៅបុកជារថយន្តយីឌុបដឹកដំឡូងពាក់ស្លាកលេខខេត្តព្រះសីហនុ3A2046បណ្តាលអោយរថយន្តដឹកដំឡុងនោះក្រឡាប់ចាក់ដំឡូងគ្របពីលើរថយន្តតូចដែលលោកជិះ។ក្រោយកើតហេតុប្រជាពលរដ្ឋរួមជាមួយសមត្ថកិច្ចបាននាំគ្នាកាយគំនរដំឡូងរហូតដល់ម៉ោង៥និង៣០ទាបភ្លឺទើបយករថយន្តផ្សេងទៀតមកអូររថយន្តចេញដើម្បីជួយសង្គ្រោះលោក ហ៊ុល ប៊ុនធឿន តែទំរាំកាយរួច លោកបានស្លាប់ក្រោមគំនរដំឡូងនោះបាត់ទៅហើយ។
តាមការសន្និដ្ឋានជាបឋម របស់ សមត្ថកិច្ចបានបញ្ជក់ថាមូលហេតុដែលនាំអោយកើតមានគ្រោះថ្នាក់ចរាចរនេះគឺបណ្តាលមកពីរថយន្តដឹកដំឡូងដែលបើកពីកើតទៅលិចសង្ស័យតែបែកកងធ្វើអោយរថយន្តរ៉េចង្កូតទៅបុកនិងរថយន្តកាំម៉ារីហើយក្រឡាប់គ្របលើនាំអោយមេបញ្ជាការរងខាងលើគាប់ជាប់ក្នុងរថយន្តខ្ទេចមុខស្លសប់តែម្តង។ចំណែកតែកុងរថយន្តបានគេចខ្លួនបាត់។បច្ចុប្បន្នរថយន្តទាំងពីនិងត្រូវបាននាំយកទៅរក្សាទុកនៅអធិការស្រុកព្រះនេត្រព្រះបន្ទាប់ពីរករថយន្តស្ទូចមកស្ទូចបាន។