ឧត្តរមានជ័យ៖ កាលពីវេលាម៉ោង៨និង២០នាទីថ្ងៃទី២១ ខែកុម្ភះ ឆ្នាំ២០១៦ រដ្ឋបាលបន្សាយរាក់ ដឹកនាំដោយលោកអនុសេនីយ៍ទោ ម៉ែន សំ នាយប៉ុស្តិ៍ សហការជាមួយក្រុមការងារអង្គការកំចាត់មីនហេឡូត្រាស់ បានចុះទៅពិនិត្យ និងជីកកកាយយកគ្រាប់កប់ក្នុងដី ដែលប្រជាពលរដ្ឋ ឈ្មោះឃុត ឈៀង ភេទប្រុសអាយុ៥៥ឆ្នាំ រស់នៅភូមិបន្សាយរាក់ សង្កាត់សំរោង ក្រុងសំរោង ខេត្តឧត្តរមានជ័យ បានប្រទះឃើញគ្រាប់ជាច្រើនគ្រាប់ ដែលសេះសល់ពីសម័យសង្គ្រាម កាលពីវេលាម៉ោង១៥និង៣០នាទី ថ្ងៃទី២០ ខែកុម្ភះ ឆ្នាំ២០១៦ នៅចំណុចបរិវេណព្រៃក្បែរចំការ ខាងកើតភូមិត្រពាំងម្អមសែនជ័យ សង្កាត់បន្សាយរាក់ ក្រុងសំរោង ខេត្តឧត្តរមានជ័យ.ហើយបានមករាយការណ៍អោយសមត្ថកិច្ចបានដឹង។លោកអនុសេនីយ៍ទោ ម៉ែន សំ នាយប៉ុស្តិ៍រដ្ឋបាល បានអោយដឹងទៀតថា ពេលទៅដល់ចំណុចខាងលើ ក្រុមការងារបានធ្វើការជីកកាយរកឃើញគ្រាប់ប្រភេទ(DK82)ចំនួន១៤គ្រាប់ដែលកប់នៅក្នុងដីដែលសេះសល់ កាលពីសម័យសង្គ្រាម ហើយបច្ចុប្បន្នគ្រាប់ទាំងអស់ត្រូវបាន សមត្ថកិច្ចប្រគល់ជូនទៅអង្គការហេឡូដើម្បីចាត់ការបន្ត តាមជំនាញ៕