ភ្នំពេញ ៖យុវជន២នាក់ ខាងលើ ធ្វើដំណើរយ៉ាងលឿនតាមផ្លូវព្រះស៊ីសុវត្ថិក្នុងទិសដៅពីត្បូងទៅជើង លុះមកដល់មុខព្រះអង្គដងកើក៏បានរេចង្កូតបុកបុរសចំណាស់ម្នាក់ ដែលកំពុងដើរឆ្លងផ្លូវពេញទំហឹងបណ្តាលឲ្យខ្ទាចទៅចិញ្ចើមផ្លូវ ចំណែកម៉ូតូបានអូសជាង១០ម៉ែត្របណ្តោយឲ្យយុវជនម្នាក់បានធ្លាយខួរស្លាប់ភ្លាមៗ នៅនឹងកន្លែងចំណែកម្នាក់ទៀត រួមទាំងបុរសចំណាស់ម្នាក់អាយុប្រមាណ ៥០ឆ្នាំបាន រងរបួសយ៉ាងធ្ងន់ធ្ងរ។;ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង ១១ និង ២០នាទី យប់ថ្ងៃទី១៣ កុម្ភៈ២០១៤ នៅចំណុចមុខព្រះអង្គដងកើ ស្ថិតក្នុងសង្កាត់ជ័យជំនៈខណ្ឌដូនពេញ។
យោងតាមប្រភពព៌ត៏មាននៅកន្លែងកើតហេតុបានឲ្យដឹងថានៅមុនពេលកើតហេតុគេបានឃើញយុវជនពីរនាក់បានជិះម៉ូតូម៉ាកឃ្លីក ១គ្រឿង ពណ៌ខ្មៅលាយក្រហម ពាក់ស្លាកលេខ ភ្នំពេញ 1BT-9028 ជិះដោយយុវជន ២នាក់ ខាងលើធ្វើដំណើរក្នុងល្បឿនយ៉ាងលឿនតាមផ្លូវព្រះស៊ីសុវត្ថិក្នុងទិសដៅពីត្បូងទៅជើងហើយព្យាយាមបើកវ៉ាម៉ូតូកងបីមួយគ្រឿងដែលបើកស្របគេនោះមិនផុត លុះមកដល់មុខ ព្រះអង្គដងកើក៏បានរេចង្កូតបុកបុរសចំណាស់ម្នាក់ ដែលកំពុងដើរឆ្លងផ្លូវពេញទំហឹងបណ្តាលឲ្យអ្នកជិះម៉ូតូ ខ្ទាចទៅចិញ្ចើមផ្លូវ ធ្លាយខួរម្នាក់ស្លាប់ភ្លាមៗ នៅកន្លែងកើតហេតុ ចំណែកម៉ូតូបានអូសជាង១៥ម៉ែត្ររងការខូចខាត់ ។
ក្រោយកើតហេតុ ជនរងរបួសធ្ងន់ទាំង ២នាក់ត្រូវដឹកទៅសង្គ្រោះនៅគ្លីនិកឯកជនចំណែកសពយុវជនខាងលើមិនត្រូវស្គាល់អត្តសញ្ញាណនៅឡើយសមត្ថកិច្ចកំពុងស្រាវជ្រាវទាក់ទងក្រុមគ្រួសារឲ្យមកទទួលយកទៅធ្វើបុណ្យតាមប្រពៃណី ហើយម៉ូតូវិញត្រូវបានសមត្ថកិច្ចយកទៅរក្សទុកនៅការិយាល័យ ចរាចរណ៍ផ្លូវគោករាជធានីភ្នំពេញរងចាំបងប្អូនមកទទួលវិញផងដែរ ៕