ភ្នំពេញ ៖ រថយន្តហុងដាហ្វីត១គ្រឿងបានរងការខូចខាតយ៉ាងដំណំ ខណៈដែលរថយន្តមួយគ្រឿង មិនស្គាល់ម៉ាកបានបើកក្នុងល្បឿនលឿនហើយបានរេចង្កូតទៅបុកពីក្រោយរថយន្តហុងដាហ្វីដែលចតក្បែរចិញ្ចើមផ្លូវបណ្ដាលអោយរថយន្តហុងដារុលទៅបុកគៀបជាប់និងបង្គោលភ្លើងមួយដើម ដាច់អំពូលធ្លាក់មកដី ហើយរថយន្តបង្កក៏បានបើកគេចខ្លួនបាត់ស្រមោល។ ករណីគ្រោះថ្នាក់ចរាចរនេះបានកើតឡើងកាលពីវេលាម៉ោង១និង៣០នាទីរំលងអាធ្រាត្រឈានចូលថ្ងៃទី១៤ខែកុម្ភៈឆ្នាំ២០១៤ស្ថិតតាមបណ្ដោយផ្លូវព្រសីហនុ ក្នុងសង្កាត់បឹងកេងកងទី២ ខណ្ឌចំការមន។
ប្រភពព័ត៌មានពីកន្លែងកើតហេតុបានឱ្យដឹងថា គេបានឃើញរថយន្តមួយគ្រឿងមិនស្គាល់ម៉ាក បានធ្វើដំណើរតាមបណ្ដោយផ្លូវព្រះសីហនុក្នុងទិសដៅពីលិចទៅកើត លុះមកដល់ចំណុចមុខរោងកុនគិរីរម្យក៏បានរេចង្កូតទៅបុករថយន្តហុងដាហ្វីតមួយគ្រឿង ពណ៌សពាក់ស្លាកលេខ បន្ទាយមានជ័យ 2A-2133ចតស្ងៀមក្បែរចិញ្ចើមផ្លូវ បណ្ដាលអោយរថយន្តហុងដារុលទៅមុខបុកគៀបជាប់និង បង្គោលភ្លើង១ដើមដាច់បាក់
ធ្លាក់ចំរថយន្តឡង់រ៉ូវែមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2U-2267 ដែលចតនៅក្បែរនោះរងការខាតខាតផ្នែកខាងក្រោយបន្តិចបន្តួច។ បន្ទាប់ពីកើតហេតុរថយន្តបង្កបានបើករត់គេចខ្លួនបាត់ ចំណែករថយន្តឡង់រ៉ូវែមិនចង់មានបញ្ហាច្រើន ក៏បានបើករថយន្តចេញពីកន្លែងកើតហេតុបាត់ ទុកអោយរថយន្តហុងដាដែលគៀបជាប់និងបង្គោលភ្លើង ទៅមុខមិនរួចជាអ្នកទទួលខុសត្រូវនៅកន្លែងកើតហេតុ។
ក្រោយពេលកើតសមត្ថកិច្ចបានមូលដ្ឋានបានទំនាក់ទំនងទៅសមត្ថកិច្ចជំនាញដើម្បីធ្វើការចុះវាស់វែង និងយករថយន្តហុងដាដែលរងគ្រោះនៅទៅរក្សាទុកនៅការិយាល័យចរាចរជើងគោករង់ចាំដោះស្រាយតាមនីតិវិធីច្បាប់៕ 
