ភ្នំពេញ ៖ ទីតាំងស្ដុកឈើខុសច្បាប់មួយកន្លែង ត្រូវបានសមត្ថកិច្ចចម្រុះក្រោមការ ដឹកនាំរបស់នាយខណ្ឌរដ្ឋបាលព្រៃឈើរាជ ធានីភ្នំពេញ ចុះទៅបង្ក្រាបភ្លាមៗ ខណៈដែលគេដឹងថា ទីតាំងស្ដុកឈើមួយកន្លែងនេះបានស្ដុកឈើខុសច្បាប់ច្រើនខែមកហើយ ប៉ុន្ដែមិនមានសមត្ថកិច្ចណាហ៊ាន ទៅបង្ក្រាបនោះឡើយ ។ តាំងស្ដុកឈើខុសច្បាប់ មួយកន្លែងនេះ បានប្រព្រឹត្ដទៅនៅវេលា ម៉ោង១និង៣០នាទីរសៀល ថ្ងៃទី១៣ ខែកុម្ភៈ ឆ្នាំ២០១៤ នៅតាមបណ្ដោយផ្លូវ រថភ្លើង ឋិតក្នុងសង្កាត់បឹងកក់២ ខណ្ឌ ទួលគោក ។ មន្ដ្រីរដ្ឋបាលព្រៃឈើបានឱ្យដឹងថា កន្លងមកកន្លែងស្ដុកឈើមួយនេះតែងតែ នាំឈើមានតម្លៃច្រើនប្រភេទមកស្ដុក ក្នុងទីតាំងរបស់ខ្លួន ដើម្បីធ្វើអាជីវកម្ម កែច្នៃ ព្រមទាំងយកឈើប្រណីតជាច្រើន នាំយកទៅលក់នៅប្រទេសវៀ
តណាម ។ ដោយពិនិត្យឃើញសកម្មភាពធ្វើអាជីវ កម្មខុសច្បាប់ទាំងនេះ ទើបសមត្ថកិច្ច រដ្ឋបាលព្រៃឈើរាជធានីភ្នំពេញសុំគោលការណ៍ពីថ្នាក់លើ និងដោយមានការឯក ភាពពីតំណាងអយ្យការសាលាដំបូងរាជ ធានីភ្នំពេញផងនោះ ទើបថ្ងៃនេះសមត្ថ កិច្ចចេញប្រតិបត្ដិការបង្ក្រាបទីតាំងនេះ តែម្ដងទៅ ។
មន្ដ្រីដដែលបានឱ្យដឹងទៀតថា ក្នុងកិច្ចប្រតិបត្ដិការនេះយើងរឹបអូសបាន ឈើប្រណីតជាច្រើនម៉ែត្រគូប ដូចជា ប្រភេទឈើគ្រញូង បេង នាងនួន និងធ្នង់ ជាដើម ខណៈដែលគេកំពុងយកឈើទាំង នេះកែច្នៃធ្វើជាគ្រឿងសង្ហារឹម និងគ្រោង ដឹកយកទៅលក់នៅប្រទេសវៀតណាម ។
ឈើប្រណីតទាំងអស់នេះត្រូវបានសមត្ថ កិច្ចចម្រុះរឹបអូសយកទៅរក្សាទុកនៅខណ្ឌ រដ្ឋបាលព្រៃឈើភ្នំពេញ ប្រយោជន៍រក្សា ទុកជាសម្បត្ដិរដ្ឋ ខណៈដែលម្ចាស់ទីតាំង ស្ដុកឈើខុសច្បាប់មួយកន្លែងនេះកំពុងគេចខ្លួន ៕
