កំពង់ស្ពឺ ៖ ទីតាំងរោងម៉ាស៊ិនរ៉ៃអាឈើខុសច្បាប់មួយកន្លែង ត្រូវបានសមត្ថកិច្ចចុះបង្ក្រាប កាលពីថ្ងៃទី២១ ខែឧសភា ឆ្នាំ២០១៤ នៅត្រង់ចំណុចជាប់មាត់ស្ទឹង ក្នុងភូមិវាលពន់ ឃុំមនោរម្យ ស្រុកថ្ពង ស្រុកថ្ពង ខេត្តកំពង់ស្ពឺ ដែលដឹកនាំកំលាំងដោយលោកម៉ុត ដារ៉ា ព្រះរាជអាជ្ញារង អមសាលាដំបូងខេត្ត ។ ប្រភពព័ត៌មានបានប្រាប់ឱ្យដឹងថា សកម្មភាពចុះបង្ក្រាប រោងម៉ាស៊ិនរ៉ៃអាឈើខាងលើនេះ សមត្ថកិច្ចរឹមអូសបានឈើមូលជាង៦០ដុំ ប៉ុន្តែម្ខាស់ម៉ាស៊ិនអាឈើខុសច្បាប់មិនត្រូវបានឃាត់ខ្លួនឡើយ ។
ប្រភពបន្តថាក្រោយពេលបង្ក្រាប វត្ថុតាងត្រូវបានបញ្ជូនមករក្សាទុក នៅក្នុងអធិការដ្ឋាន ស្រុកថ្ពង រងចាំចាត់ការបន្ត តាមនិតិវិធីច្បាប់ ។ លោកម៉ុត ដារ៉ា ព្រះរាជអាជ្ញារង អមសាលាដំបូង ខេត្តកំពង់ស្ពឺ បានប្រាប់ឱ្យដឹងថា សកម្មភាពបង្ក្រាបរោងម៉ាស៊ិនរ៉ៃ អាឈើអត់ច្បាប់នោះ មានការសហការជាមួយសមត្ថកិច្ចប៉ូលិស និងអាជ្ញាធរផងដែរ ។
លោកបានបន្តថា ឈើដែលដកហូតបានមានប្រភេទផ្ចឹក សុក្រម ជាង៦០ដុំ ម៉ាស៊ិនរ៉ៃប្រភេទផ្តេក ប៉ុន្តែម្ខាស់ដឹងខ្លួនបានរត់គេចខ្លួនបាត់ ។ លោកព្រះរាជអាជ្ញារង បានបន្តទៀតថា ទីតាំងម៉ាស៊ិនរ៉ៃដែល ធ្វើសកម្មភាព អាឈើដោយខុសច្បាប់នោះ ពួកគេលួចលាក់ប្រព្រឹត្ត បទល្មើសព្រៃឈើជាច្រើនខែកន្លងមកហើយ ប៉ុន្តែទើបតែរុករកឃើញ ត្រូវបង្ក្រាបតែម្តង ។ លោកបន្តថា ចំពោះវត្ថុតាងរឹមអូសបានមានឈើ និងរណាយន្តប្រភេទរ៉ៃផ្តេក ត្រូវបានដឹកមករក្សាទុកនៅ ធិការដ្ឋាន ដើម្បីប្រគន់ជូនសង្កាត់រដ្ឋបាល ព្រៃឈើចាត់ការតាមនិតិវិធីច្បាប់ ។
សូមបញ្ជាក់ថា សកម្មភាពដឹកជញ្ជូនឈើដោយខុសច្បាប់ ចេញពីស្រុកឱរ៉ាល ឆ្លងកាត់ផ្លូវលេខ៥២ ដូចហែរកថិន តាមគោយន្ត និងរទេះគោរាប់សិបគ្រឿង ក្នុងមួយថ្ងៃៗ ប៉ុន្តែអស់លោកជាសមត្ថកិច្ច ដែលឈរតាមដងផ្លូវ និងមន្ត្រីជំនាញមិនបានទប់ស្កាត់ឡើយ អង្គុយសំកុកចាំតែយកលុយតែប៉ុណ្ណោះ ។ ចំពោះឈើដែលដឹកមកពីស្រុកឱរ៉ាល់ ត្រូវបានដាក់តាមរោងម៉ាស៊ិនតូចធំ នៅក្នុងព្រៃរួចធ្វើសកម្មភាពអារយ៉ាងអាណាធិប្បតេយ្យ ។
លោកប៉ែន ទី មន្ត្រីរដ្ឋបាលព្រៃឈើ សង្កាត់ថ្ពង បានប្រាប់ឱដឹងថា ការចុះបង្ក្រាបរោងម៉ាស៊ិន រ៉ៃអារឈើនោះ មានការសហការរវាង ប៉ូលិស ដែលបានដឹកនាំកំលាំង និងបញ្ជាផ្ទាល់ដោយលោកម៉ុត ដារ៉ាព្រះរាជអាជ្ញារង អមសាលាដំបូង ខេត្តកំពង់ស្ពឺ ។ លោកបន្តថា ចំពោះវត្ថុតាងម៉ាស៊ិនរ៉ៃ និងឈើមូលត្រូវបានស្ទួចដាក់រថយន្តដឹកមករក្សាទុកនៅអធីការនគរបាល ស្រុកថ្ពងដើម្បីចាត់ការបន្តតាមផ្លូវច្បាប់ ។ ចំណែកម្ចាស់រោងម៉ាស៊ិនបានរត់គេចខ្លួនបាត់ស្រមោល ៕ 
