សៀមរាប ៖ ជនសង្ស័យភេទប្រុសម្នាក់នេះមានឈ្មោះហ៊ឺ ថែន អាយុ២៧ឆ្នាំ ត្រូវជាកូនបង្កើតរបស់ជនរងគ្រោះជាម្តាយ ដែលមានអាយុ៦២ឆ្នាំ ។ បន្ទាប់ពីម្តាយដែលជាជនរងគ្រោះបានឃើញកូនជាជនសង្ស័យនេះបានផឹកស្រាស្រវឹងរួចទៅឈ្លោះប្រកែកគ្នាជាមួយនិងប្អូនប្រុសបង្កើតនោះម្តាយដែលជាជនរងគ្រោះនេះក៏បានចូលទៅបំបែកកុំឲ្យឈ្លោះគ្នា ក៏ត្រូវ
បានកូនប្រុសចិត្តអាប់ប្រិយនេះវាយម្តាយនឹងដំបងឈើ ត្រូវចំក្បាលលើត្រចៀកខាងឆ្វេង និងបាក់ដៃខាងស្តាំ បណ្តាលឲ្យស្លាប់នៅកន្លែងកើតហេតុភ្លាមៗតែម្តង ។
ដោយហេតុការណ៍នេះបានកើតឡើងកាលពីថ្ងៃទី២៩ ខែឧសភា ឆ្នាំ២០១៤ កន្លងទៅនៅវេលាម៉ោង ២១ : ៣០នាទី នៅភូមិដំណាក់ខ្ចាស់ ឃុំសំបួរ ស្រុកក្រឡាញ់ ខេត្តសៀមរាប ។ បច្ចុប្បន្នជនសង្ស័យដែលបានសម្លាប់ម្តាយខ្លួនឯងនេះត្រូវបាន កម្លាំងនគរបាលស្រុកក្រឡាញ់ខេត្តសៀមរាបធ្វើការចាប់ឃាត់ខ្លួននិងកសាងសុំណុំរឿងដើម្បីចំណាត់ការទៅតាមនិតិវិធីជាបន្តបន្ទាប់ ។ ដោយ លោក ខេង ខេមរា 
