ខេត្តសៀមរាប៖ បច្ចុប្បន្ន គេសង្កេតឃើញ សកម្មភាពរបស់មន្ត្រី ម្នាក់កំពុងតែធ្វើព្យុះធ្វើភ្លៀង ដោយមិនមានការខ្លាចញញើតសូម្បីតែបន្តិច ព្រមទាំងបានចេញមុខកាងបទល្មើស ក្នុងការដឹកជញ្ជូនព្រៃឈើ យ៉ាងអាណាធិបតេយ្យ ព្រមទាំងបានយកតួនាទី ជាកងរាជអាវុធហត្ថ សម្រាប់នាំឈើដោយខុសច្បាប់ មិនមានឆ្លងកាត់ជំនាញនោះទេ។
តាមសេចក្តីរាយការណ៍ បានបញ្ជាក់ថា ឧក្រិដ្ឋជនព្រៃឈើ ដែលបានកំណត់ឲ្យបងប្អូនប្រជាពលរដ្ឋ ស្លូតត្រង់រកស៊ី ឈើបង់លុយដាក់ខែ ដែលប្រៀបបានទីនឹងអាកខ្យងរកព្រឹកខ្វះល្ងាចនោះ ត្រូវបានគេស្គាល់ថា ជាមន្ត្រីកងរាជអាវុធ ហត្ថស្រុកជីក្រែង ឈ្មោះ ផេង ឆាយលន់ ( ហៅ ផាត ) បានសង់ស្នាក់ការមួយកន្លែង សម្រាប់ជាជម្រកក្នុងការដាក់ កុងត្រូលជជុះចាំប្រមូលលុយពីបទល្មើស ស្ថិតនៅ ចំណុចស្ពានតាអោង ភូមិចុងស្ពាន ឃុំខ្វាវ ស្រុកជីក្រែង ខេត្តសៀមរាប ដែលជាច្រកចេញសំខាន់ សម្រាប់ដឹកជញ្ជូនបទល្មើស ព្រៃឈើ ដែលបានធ្វើសកម្មភាព ដឹកជញ្ជូនឈើ ដោយខុសច្បាប់ រទេះគោ គោយន្ត គោយន្តកន្ត្រៃ ឡានតូចឡានធំជាដើម។
ប្រភពពត៌មានបានបញ្ជាក់ថា ជារៀងរាល់ថ្ងៃ បទល្មើសព្រៃឈើ បានធ្វើសកម្មភាពដឹកដូចហែកឋិន ដោយពុំមាន សមត្ថកិច្ចមេព្រៃ ឬអង្គភាពពាក់ព័ន្ឋ ណាចេញមុខមកបង្ក្រាបនោះទេ ដែលជាហេតុឲ្យមានការសង្ស័យថា ប្រហែល ជាមានការត្រូវដង ត្រូវផ្លែរគ្នា ជាមួយសមត្ថកិច្ចជំនាញរដ្ឋបាលព្រៃឈើសង្កាត់ខ្វាវ និងផ្នែកជីក្រែងទើបបានជា ពុំមាន ឆន្ទះក្នុងការបង្ក្រាបបន្តិចសោះឡើយ ជាស្តែងលោក ផេង ឆាយលន់ គាត់មិនមានតួរនាទីជាមេព្រៃ តែគាត់បានចាប់ ឈើ រត់ការឈើ បង្ខំឲ្យប្រជាពលរដ្ឋ បង់លុយឲ្យ ទោះជាប្រជាពលរដ្ឋ ដឹកគ្រឿងផ្ទះ នឹងដឹកឈើបន្តិចបន្តួច ក៏លោក ផេង ឆាយផាត មិនមានការលើកលែងដែរ ។
ប្រភពពីប្រជាពលរដ្ឋ ឈ្មោះ ញឹម សារ៉េត រស់នៅភូមិចុងស្ពាន បានឲ្យដឹងថា លោក ផេង ឆាយលន់ ជាមន្ត្រី កងរាជអាវុធហត្ថ បានកំណត់ឲ្យគាត់លុយ ២០ម៉ឺនរៀលក្នុង ១ខែ ដោយអៈអាង ការពារម៉ាស៊ីនត្រង់ទីន័ររបស់គាត់មិនអោយស្ថាប័នណាមួយពាក់ព័ន្ធឡើយ ។
ចំណែកប្រជាពលរដ្ឋ ដែលមានម៉ាស៊ីន ត្រង់ទីន័រ សម្រាប់ចូលទីលបលួច អា កាត់ បំផ្លាញឈើ នៅភូមិខ្វាវ ភូមិអូរ ភូមិចុងស្ពាន ភូមិក្បាលខ្មោច យកលុយ ៥០០០០រៀល ក្នុង១ខែ ដោយមិនធានាចំពោះស្ថាប័នផ្សេងៗទេ។ ប្រភពពត៌មានបានបន្តថា លោក ផេង ឆាយលន់ ជាមន្ត្រីកងរាជអាវុធហត្ថស្រុកជីក្រែង បានដាក់កំលាំងចំនួន២នាក់ សម្រាប់អង្គុយចាំ
យកលុយពីរទេះដឹកឈើ ទី១ឈ្មោះ អាំង សំបូរ ជាប្អូនបង្កើត ទី២ ឈ្មោះ អ៊ី ថាន បានកដក់ទីតាំង នៅចុងស្ពាន ឃុំខ្វាវ ចាំយកលុយពីរទេះឈើ និងរថយន្ត សកម្មភាពរបស់កូនចៅ ក្រៅក្របខណ្ទនេះ បានបញ្ជេញ អត្តចរិកច្រលើសបើស ជេរប្រមាថ អត់ស្គាស់ចាស់ទុំ ប្រៀបបាននិងចរិកក្មេងពេល សំឡុតគំរាមជំរិតទារលុយ ពីអ្នក ដឹកបទល្មើស ។ 
