ឧត្ដរមានជ័យ ឯកឧត្ដម ស ថាវី អភិបាល នៃគណៈអភិបាលខេត្តឧត្ដរមានជ័យ ឯកឧត្ដម យឹម ធិន ប្រធានក្រុមប្រឹក្សាខេត្ត និងឯកឧត្ដម នៅ សំ តំណាងរាស្ត្រខេត្តឧត្ដរមានជ័យ បានអញ្ជើញចូលរួមក្នុងវេទិការសាធារណៈដែលរៀបចំឡើងនៅថ្ងៃទី៤ ខែមិថុនា ឆ្នាំ២០១៤នេះ នៅវត្តពងទឹក ឃុំអំពិល ស្រុកបន្ទាយអំពិល។
លោកហាំង ម៉េង អភិបាលនៃគណអភិបាលស្រុកបន្ទាយអំពិល បានឡើងរបាយការណ៍ស្វាគមន៍ ដោយបានលើកឡើងពីស្ថានភាពទូទៅ ការរីចម្រើន និងបញ្ហាប្រឈមមួយចំនួនរបស់ស្រុកក្នុងរយៈកាលកន្លងមក។ លោកបន្តថាៈ ប្រជាពលរដ្ឋដែលចូលរួមនៅពេលនេះមានចំនួន.៧៥០នាក់ មកពី៧ភូមិក្នុងឃុំអំពិល។ ក្នុងដំណើរការវេទិកា ឯកឧត្ដម ស ថាវី អភិបាលខេត្តបានអនុញ្ញាតឲ្យប្រជាពលរដ្ឋឡើងរាយការណ៍ និងលើកឡើងពីកង្វល់ និងបញ្ហាដែលពួកគាត់ជួបប្រទះ ក្នុងការរស់នៅប្រចាំថ្ងៃ។
ក្នុងនោះប្រជាពលរដ្ឋក៏បានលើកឡើងពីបញ្ហាគ្រឿងញៀនផងដែរ។ មានប្រសាសន៍ នាពេលនោះ ឯកឧត្ដម ស ថាវី អភិបាល នៃគណៈអភិបាលខេត្តឧត្ដរមានជ័យបានឮធ្វើការកោតសរសើរសំពោះភាពក្លាហានរបស់ប្រជាំពលរដ្ឋដែលបានលើកឡើងពីទុក្ខលំបាក ក៏ដូចជាបញ្ហាដើម្បីឲ្យអជ្ញាធរបានដឹង និងរកដំណោះស្រាយ។
ឯកឧត្ដម កឡើងថាៈ ក្រោមការដឹកនាំដ៏ត្រឹមត្រូវរបស់រាជរដ្ឋាភិបាលដែលមានសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បច្ចុប្បន្នប្រទេសកម្ពុជា កំពុងមានការរីកចម្រើនគ្រប់វិស័យ និងគ្រប់ទីកន្លែង ក្នុងនោះខេត្តរបស់យើងក៏បាន និងកំពុងរីកចម្រើនគួរឲ្យកត់សម្គាល់ផងដែរ។
ឯកឧត្ដមបន្តថាៈ ទម្ទឹមនឹងមានការរីកចម្រើន ក៏នៅមានចំណុចខ្វះខាតខ្លះដែលត្រូវកែលំអ ដូច្នេះហើយបានជាមានវេទិកាសាធារណៈនោះឡើងគឺដើម្បីឲ្យបងប្អូនប្រជាពលរដ្ឋយើងបានជួបផ្ទាល់ជាមួយអជ្ញាធរ ដើម្បីលើកឡើងពីការលំបាក និងធ្វើសំណូមពរ។
ទាក់ទងនឹងបញ្ហាក៏ដូចជាសំណូមពរដែលប្រជាពលរដ្ឋលើកឡើង ឯកឧត្ដមបានជម្រុញឲ្យអជ្ញាធគ្រប់លំដាប់ថ្នាក់ ត្រូវយកចិត្តទុកដាក់បម្រើសេវាសាធារណៈដល់ប្រជាពលរដ្ឋឲ្យអស់ពីចិត្តពីថ្លើម ជាពិសេសសមត្ថកិច្ច ត្រូវសហការគ្នារកដំណោះស្រាយបញ្ហាគ្រឿងញៀន ជូនពួកគាត់ ឲ្យមានប្រសិទ្ធិភាពតាមការជាក់ស្ដែង។កគួរបញ្ជាក់ថាៈ ក្នុងឧិកាសនោះដែរ
ឯកឧត្តម ស ថាវីអភិបាលខេត្ត និងលោក វរៈសានីយ៍ត្រី ឈានប៊ុនធឿនព្រមទាំងក្រុមការងារ ក៏បានឧបត្ថម្ភថវិកាចំនួនជាង ៦០០០ដុល្លា ប្រគេនព្រះសង្ឃដើម្បីកសាងសមិទ្ធិផលក្នុងវត្តពងទឹកនេះនិងឯកឧត្តម អភិបាលខេត្តឧបត្ថម្ភបន្ថែមចំនួន១០០$ដល់ប្រជាពលរដ្ឋដើម្បីជួលតន្ត្រីស្គប៉ុករាំសប្បាយពេលរាត្រីនេះផងដរ។