កំពង់ធំ៖ ប្រកាសចូលកាន់តំណៃង ក្រុមប្រឹក្សាស្រុកស្ទោងក្នុង ខេត្តកំពង់ធំ ត្រូវបានប្រារព្វឡើង នៅសាលាស្រុកស្ទោង ក្រោមអធិបតីភាព ឯកឧត្តម គង់វិមាន អភិបាលរងខេត្តកំពង់ធំ និងលោក ព្រឹមរដ្ឋា អភិបាល ស្រុកស្ទោង ដោយមានការចូលរួម ពីសំណាក់ ប្រធាន អនុប្រធានមន្ទីរជុំវិញស្រុកចូលរួមផងដែរកាលពីរព្រឹកថ្ងៃទី០៥ ខែមិថុនាឆ្នាំ២០១៤។ នៃឳកាសនៃពិធីនេះ លោក ព្រឹមរដ្ឋា អភិបាលស្រុកស្ទោង បានអានរបាយការណ៍ ស្តីអំពីចំនុចទីតាំងនិង ភូមិ សាស្ត្រ ព្រមទាំងសមិទ្ធផលមួយចំនួន ដែលបានសម្រេចហើយ ដូចជាប្រព័ន្ឋរចនាសម្ព័ន្ឋ ផ្លូវ ស្ពាន សាលា រៀន មណ្ទលសុខភា ប្រឡាយរំដោះទឹក ព្រមទាំងយុទ្ធនាការផ្តល់ថ្នាំវ៉ាក់សាំង សម្រាប់ការពារជំងឺដល់ កុមារ ជាច្រើនលើកផងដែរ។
លោក ម៉ាក់ប៊ុនហ៊ុង នាយករង រដ្ឋបាលសាលាខេត្តកំពង់ធំ បានអានសេចក្តីសម្រេចតែងតាំង ក្រុមប្រឹក្សាថ្មី ចូលកាន់តំណែងយោងតាមអនុក្រឹត្យ លេខ៧២៥ អ.ន.ក្រ របស់រាជរដ្ឋាភិបាលនិង យោងតាមសេចក្ដីប្រកាសរបស់សាលាខេត្តកំពង់ធំសម្រេចតែងតាំង លោក សាយ គីមឡម ឋានះសក្កិអនុមន្ដ្រីថ្នាក់១៤ត្រូវបានតែងតាំង ជាអភិបាលរងស្រុកស្ទោង
ខេត្តកំពង់ធំព្រមទាំង១៩រូបទៀតជាសមាជិកក្រុមប្រឹក្សា ស្រុកដើម្បីឲ្យ រចនាសម្ព័ន្ឋរដ្ឋបាលថ្នាក់ក្រោមជាតិ ធ្វើការកែទម្រង់ជាបន្តបន្ទាប់ ។ ឯកឧត្តម គង់វិមាន អភិបាលរងខេត្តកំពង់ធំ បានមានប្រសាសន៍ ផ្តាំផ្ញើរដល់ ប្រធាន និងសមាជិកក្រុមប្រឹក្សា ស្រុកស្ទោង ឲ្យប្រឹងប្រែងបានអនុវត្តន៍ បន្តការងារស្នូល ដោយមានការឯកភាពផ្ទៃក្នុង និងសាមគ្គីគ្នា បែងចែក តួនាទីគ្នា ដោយមិនប្រកាន់បក្សពួក គឺស្របពេលដែលរាជរដ្ឋាភិបាល និតិកាលទី៥ នៃរដ្ឋសភា កំពុងបន្ត ជម្រុញ
ការអនុវត្តន៍ កម្មវិធីកំណែទម្រង់ វិមជ្ឈការ និងវិសហមជ្ឈការ ឲ្យកាន់តែស៊ីជម្រៅថែមទៀត។ ដំណើរ ការកំណៃទម្រង់នេះ នឹងត្រូវធ្វើឡើងតាមរយះការអនុវត្តន៍ ផែនការ០៣ឆ្នាំម្តង និងជម្រុញការផ្ទេរមុខងារ និងធានាទៅឲ្យរដ្ឋបាលថ្នាក់ក្រោមជាតិជាស្ថាប័នអភិបាលកិច្ច ដែលមានសមត្ថភាពគ្រប់គ្រាន់ ក្នុងការឆ្លើយ តប ទៅនឹងតម្រូវការជាក់ស្តែងរបស់ប្រជាពលរដ្ឋ ។