កំពង់ធំៈ កងទ័ពសាធារណៈរដ្ឋសង្គមនិយម ប្រជាជនវៀតណាម ខេត្តប៊ិញភឿក បាននាំយកកុំព្យួរទ័រ៣ គ្រឿង និងម៉ាស៊ីនព្រីនធ័រ៣គ្រឿង រួមទាំងប្រេងសាំងចំនួន៣០០០លីត្រ បានផ្តល់ជូនដល់ បញ្ជាការដ្ឋានតំបន់ប្រតិបត្តិការសឹករង កំពង់ធំ ដើម្បីបន្តសកម្មភាពការងារ មនុស្សធម៌ ក្នុងកិច្ចសហការ ជីករុករកអដ្ឋិធាតុ កងទ័ពស្ម័គ្រចិត្តវៀតណាមដែលបានពលីជីវិតក្នុងទឹកដីភូមិសាស្ត្រខេត្តកំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា តំបន់ប្រតិ បត្តិការសឹករងកំពង់ធំ បានផ្តល់កិច្ចសហការល្អជាមួយនឹងខេត្តប៊ិញភឿក និងទីក្រុងហូជីមិញ ព្រមទាំងខេត្តដ៏ទៃទៀត ជាប់ព្រំដែនកម្ពុជា វៀតណាម ដើម្បីផ្លាស់ប្តូរនូវបទពិសោធន៍ ខាងវិស័យយោធា និងការជួយគ្នាទៅវិញទៅមក ក្នុងការ សាងសង់បន្ទាយ និងការងារមនុស្សធម៌ ព្រមទាំងការរក្សាព្យាបាលជូនប្រជាពលរដ្ឋដោយឥតគិតថ្លៃ។
ពិធីប្រគល់នេះ ត្រូវបានធ្វើឡើងនៅល្ងាចថ្ងៃទី១៦ខែកុម្ភះ ឆ្នាំ ២០១៧ ក្នុងឳកាសនោះ គណបញ្ជាការយោធាខេត្តប៊ិញភឿកនៃកងទ័ពប្រជាជនវៀតណាម បានបន្តការពិភាគ្សាស្តីពីកិច្ចការបន្តជីករុករកអដ្ឋិធាតុកងទ័ពវៀតណាមជំហានទី២ដំណាក់កាលទី១៦ រដូវប្រាំងឆ្នំា២០១៦-២០១៧ នៅលើភូមិសាស្ត្រខេត្តកំពង់ធំ ឯកឧត្តម ឧត្តមសេនីយ៍ត្រី សោម ស៊ុនបានបញ្ជាក់ថា ចាប់តាំងពីឆ្នាំ២០០៣ ដល់ឆ្នាំ២០១៦កន្លងមកនេះ ខេត្តកំពង់ធំ បានជីករុករកឃើញអដ្ឋិធាតុកងទ័ពវៀតណាមដែលបានពលីជីវិតក្នុងបុព្វហេតុរំដោះប្រជាជនកម្ពុជាពីរបបប៉ុល ពតបានចំនួន១០៣២ អដ្ឋិធាតុរួចហើយ ។
ដោយ ប៊ុន រដ្ឋា
